RUT 3:3 - KITTA KAREBA MADECENG

³ Cemméno makkekkuwangngé, pakéno wangi-wangiyang sibawa pakéi pakéyammu iya kaminang makessingngé. Nainappa laoko ri onrong naonroiyé Boas majjama paddunui gandongngé polé ri uléna. Tajengngi kuwaro narapi pura manré ménung, iyakiya aja' narapii naisseng engkako kuwaro.

RUT 3:3 Խաչաձեւ Հղումներ

2 SAMUEL 14:2

rimakkuwannanaro nassuro mobbini séddi makkunrai macca iya monroé ri Tékoa. Wettunna lettu iyaro makkunraié, makkedani Yoab lao ri aléna, “Harusu'i Ibu majjaiwi mabbarata; pakéno pakéyang mabbarata, sibawa aja' mupaké minnya wangi. Pogau'ni pada-pada makkunrai iya maittaénna teringiwi amaténna tau iya napojiyé.

ESTER 5:1

Ri esso matellué appuwasanna, napakéni Ester pakéyang ratunna, nainappa lao ri seddé lalenna saorajaé sibawa tettong ri yolona sumpang barugaé. Mattengngangngi arungngé tudang ri yasé'na kadéra arajanna iya mangoloé ri sumpangngéro.

MATIUS 6:17

Iyakiya rékko mappuwasako, ajjumatako sibawa jakkaiwi gemme'mu,

PAKKATOBBA 9:8

Leppessanni rupammu mattappa sibawa maccahaya.

MAZMUR 104:15

sibawa powassélé uwai anggoro iya pasennangiyé. Makkuwatoro minnya zaitun iya mébbuéngngi rupanna maccahaya, sibawa inanré iya mpéréngngéngngi awatangeng.

RUT 3:2

Dé'ga muwajjama silaong sining pajjama makkunraié ri dare'na Boas? Nah, iyaro Boas kaluwargata. Jaji, éngkalingai! Iyaé wennié maéloi lao maddése gandong ri dare'na.

RUT 3:4

Pénessaiwi kégawi lao matinro. Rékko matinroni, laono kuwaro timpa'i parampa'na, nainappa matinro ri seddéna ajéna. Napowadakkotu matu matti aga harusu mupogau'.”

2 SAMUEL 12:20

Natokkonna Daud polé ri témbo'é, nanacemmé sibawa jakkaiwi gemme'na, nenniya mappasullé pakéyang. Nainappa lao massompa ri Bolana Puwangnge. Purairo lisuni ri saorajaé, nanaéllauwi ripatalangeng inanré, nainappa manré.