RUT 3:2 - KITTA KAREBA MADECENG

² Dé'ga muwajjama silaong sining pajjama makkunraié ri dare'na Boas? Nah, iyaro Boas kaluwargata. Jaji, éngkalingai! Iyaé wennié maéloi lao maddése gandong ri dare'na.

RUT 3:2 Խաչաձեւ Հղումներ

RUT 2:8

Nanakkeda Boas lao ri Rut, “Coba méngkalingai riyolo. Aja'na mulao mitté gandong ri dare'na tau laingngé. Itté bawanno kuwaé silaong sining pajjamaku iya makkunraié. Pénessaiwi mennang kégai lao méngngala. Tuli accowériwi mennang sibawa aja' mumabéla polé ri mennang. Rékko madekkako, ala bawanno uwai polé risining bémpa iya puraénna naliseki sining pajjama worowané. Purani uwapparéntang kuwammengngi aja' mennang nagangguko.”

RUT 2:1

Mappunnaiwi Naomi séddi anggota kaluwarga polé ri lakkainna iya matéénna, Elimélékh. Iyaro tauwé sugi sibawa riyakkitangi. Asenna Boas.

KAJAJIYANG 50:10

Wettunna mennang lettu ri onronna tauwé mappeppé gandong ri Gorén-Haatad, ri seddé alauna Salo Yordan, mpatinni mennang sibawa messé enrengngé sadda macenno. Pakangkani Yusuf upacara mabbarata, pitungngesso ittana.

RUT 3:1

Siyagangngaré wettu ri munrinna, makkedani Naomi lao ri Rut, “Harusu'ka makkuraga kuwammengngi naweddikko mallaibinéngeng paimeng sibawa masennang.

RUT 3:3

Cemméno makkekkuwangngé, pakéno wangi-wangiyang sibawa pakéi pakéyammu iya kaminang makessingngé. Nainappa laoko ri onrong naonroiyé Boas majjama paddunui gandongngé polé ri uléna. Tajengngi kuwaro narapi pura manré ménung, iyakiya aja' narapii naisseng engkako kuwaro.