RUT 2:6 - KITTA KAREBA MADECENG

⁶ Nappébali iyaro mandoro'é, “Makkunrai bangsa Moab iya nappa polé silaong Naomi polé ri wanuwa Moab.

RUT 2:6 Խաչաձեւ Հղումներ

RUT 1:22

Makkuwaniro curitana pékkugi Naomi lisu polé ri Moab silaong Rut ménéttunna iya tau Moab-éro. Lettu'ni mennang ri Bétléhém ri pammulanna wettu éngngalang gandongngé.

MATIUS 24:45

Nakkedasi Yésus, “Rékko makkuwaitu, pattumani nigana matinulu sibawa mapanré? Aléna ritu riyakka ri puwanna mancaji kapala lao ri sining pattumani laingngé; kuwammengngi napanréi mennang ri wettunna.

RUT 1:19

Nanapatteruni mennang joppana lettu ri Bétléhém. Lettu'na muwa kuwaro, héranni sininna pabbanuwana kotaéro. Pada makkedani sining makkunraié kuwaro, “Tongegga iyaro Naomi?”

RUT 1:16

Iyakiya mappébaliwi Rut, “Indo', aja' tasuroka Indo' lisu sibawa salaiwi Indo'! Maéloka maccowé silaong Indo'. Kégi-kégi Indo' lao, kuwatokka'ro lao. Kégi-kégi Indo' monro, kuwatokka'ro maélo monro. Bangsana Indo', iyanaritu bangsaku. Allataala iya nasompaé Indo', maéloto usompa.

KAJAJIYANG 39:4

Namasennanna Potifar lao ri Yusuf sibawa makkai mancaji pattumani paribadinna; nainappa riwéréng jamang Yusuf murusu'i ruma tanggana sibawa sininna appunnangenna.

KAJAJIYANG 24:2

Riséuwaé esso makkedani Abraham lao ri atanna kaminang macowaé, iya murusu'éngngi sininna waramparanna, “Palénne'ni limammu ri pallawangenna poppoppakku.

KAJAJIYANG 15:2

Iyakiya makkedai Abram, “Puwang Iya Pommatanré, dé' tawérékka ana' Puwang. Tau iya manaéngngi matu waramparakku banna Eliézer, atakku polé ri Damsyik. Jaji aga akkégunana tawérékka Puwang saro iya maégaé?”

MATIUS 20:8

Labunnana essoé, makkedani iyaro punna dare' anggoro'é lao ri mandoro'na, ‘Obbini iyaro sining pajjamaé, namuwajai gajinna tungke'-tungke', mappammulai muttama'é poddimonrié gangka iya bungé muttama'é.’

RUT 2:5

Nanakkutana Boas ri mandoro'na, “Niga iyaro makkunraié?”

RUT 2:7

Méllau paramisiwi ri iyya kuwammenngi naripalalo maccowé ri munrinna sining paréngngalaé untu' mitté gandong iya sempé-sempé'é. Sipongenna élé najjama matteru, na makkekkuwangngé mappésau untu' passauwi tekkona cinampe ri kalampangngé.”