RUT 2:4 - KITTA KAREBA MADECENG

⁴ Dé' namaitta rimunrinna engkani Boas polé ri Bétléhém sibawa mabbéré selleng lao risining paréngngalaé, adanna, “Tennapodo Puwangnge sibawakko.” Nappébali sining paréngngalaé, “Tennapodo Puwangnge barakkakiwi Bapa'.”

RUT 2:4 Խաչաձեւ Հղումներ

2 TESALONIKA 3:16

Puwangngé iyanaritu assalenna asaléwangetta. Tennapodo tuli mabbéréi lao ri iko asaléwangeng ri laleng sininna gau'é. Tennapodo Puwangngé sibawang manengngi Saudara.

LUKAS 1:28

Iyaro malaéka'é laowi ri Maria sibawa makkeda, “Salama'ko, iko iya nabarakkakiyé Puwangngé iya dé'é padanna! Puwangngé sibawakko!”

HAKING-HAKING 6:12

Iyaro malaéka'na Puwangnge mappaitangngi alé lao ri aléna sibawa makkeda, “Eh kallolo iya poré! Puwangnge sibawakko!”

2 TIMOTIUS 4:22

Tennapodo Puwangngé ranrekko. Tennapodo Puwangngé barakkakiwi Saudara-saudara! Salama, Paulus 1

MAZMUR 118:26

Ribarakkakiwi iya polé ri laleng asenna Puwangnge. Ribarakkakiko polé ri Bolana Puwangnge.

RUT 4:11

Sining tomariyolona masaraka'é sibawa tau laing iya engkaé kuwaro makkedani, “Ya, idi sabbinna. Tennapodo Puwangnge pancajiwi bainémuro pada-pada Rahél sibawa Léa iya jajiyangngé maéga ana' untu' Yakub. Tennapodo madécékko ri yelle'na sining tau polé ri appanna Efrata sibawa tennapodo kalabbako ri Bétléhém.

YOSUA 24:15

Akkalarapanna dé' mumaélo mattumani lao ri Puwangnge, alano apettung iyato essoé ri kégiko maélo mattumani: lao ri déwata-déwata laing iya nasompaé néné-nénému ri Mésopotamia riyolo iyaré'ga lao ri déwata-déwatana tau Amorié iya muwonroiyé wanuwanna makkekkuwangngé. Iyakiya idi – iyya sibawa kaluwargaku – maélo mattumani banna lao ri Puwangnge.”

KAJAJIYANG 18:19

Purani Upilé kuwammengngi naparéntai ana'-ana'na sibawa wija-wijanna untu' turusika sibawa pogau'i aga iya makessingngé sibawa adélé'é. Rékko napogau'i mennang gau'éro, sininna jancik-Ku lao ri Abraham Urupaiwi matu.”

1 TIMOTIUS 6:2

Ata-ata iya puwannaé tau Kristéng, dé' nawedding napandang énténg puwanna nasaba pada-padai mennang tau Kristéng. Mala harusu'i mennang natumaningi puwanna mennanro lebbi kessippa, saba' puwang iya natumaningiyéro iyanaritu pada-padai tau mateppe' iya riyamaséiyé. Iya manennaé harusu'i muwappagguruwang sibawa muwappangajareng.

RUT 2:3

Nalaona Rut ri dare'é sibawa mitté gandong maccowériwi sining paréngngalaé. Nasitujuwangngi laowi ri dare appunnangenna Boas.

RUT 2:5

Nanakkutana Boas ri mandoro'na, “Niga iyaro makkunraié?”

KAJAJIYANG 28:3

Tennapodo Allataala Iya Pommakuwasaé barakkakiwi akawingemmu sibawa mpérékko ana' eppo iya maégaé, angkammu mancaji wija-wijanna maéga bangsa!

ABBILANGENG 6:24

Tennapodo Puwangnge barakkakiko sibawa piyarako.

HAKING-HAKING 6:16

Nakkeda Puwangnge, “Pasti weddikko, saba' Iyya ritu bantuko. Mulléi mancuru'i sining tau Midiangngé sibawa magampang, samanna moloiko banna séddi tau bawang.”

1 SAMUEL 17:37

Puwangnge pura passalama'i atatta polé ri singaé sibawa beruangngé, Alénato passalama'i matu atatta polé ri tau Filistingngéro.” Namakkeda Saul lao ri aléna, “Makessinni, tennapodo Puwangnge tulukko.”

1 TAWARIKH 2:51

Salma ana'na iya maduwaé iyanaritu patettongngi kota Bétléhém; sibawa Haréf ana'na iya matellué patettongngi kota Bét-Gader.

MAZMUR 134:3

Tennapodo polé ri Sion ribarakkakiko ri Puwangnge, Pancajiyéngngi langié sibawa linoé!

YEREMIA 31:23

Puwang Iya Pommakuwasaé, Allataalana Israélié makkeda, “Rékko purani Upatarompo umma'-Ku pada-pada riyolo, riyéngkalingasi matu ri wanuwa Yéhuda sibawa ri désa-désana makkeda tauwé, ‘Tennapodo Puwangnge barakkakiwi bulu-bulu mapaccingngé ri Yérusalém onrong appérumang ripallaingngé untu' Aléna.’