RUT 1:6 - KITTA KAREBA MADECENG

⁶ Siyagangngaré wettu rimunrinna naéngkalingani Naomi makkedaé nabarakkakini Puwangnge umma Israélié sibawa wassélé éngngalang iya makessingngé. Rimakkuwannanaro Naomi sibawa iya duwa ménéttunna mangujuni untu' salaiwi Moab.

RUT 1:6 Խաչաձեւ Հղումներ

MAZMUR 132:15

Sininna apparelluwanna Upennoiwi matu sibawa maona, sining taunna iya kasiyasié Uwéréngngi inanré gangka messo.

MAZMUR 111:5

Nawéréngngi dallé tau iya mateppe'é, sibawa tuli naéngngerangngi matu assijancin-Na.

ASSURENG 4:31

Namateppe'na mennang, na wettunna mennang naéngkalinga makkedaé Puwangnge pura jampangiwi bangsa Israélié sibawa mitai sininna anrasa-rasanna mennang, suju'ni mennang massompa.

ASSURENG 3:16

Laono namupaddeppungengngi sininna pamimpinna Israélié. Appallebbangenni lao ri mennang makkedaé Iyya, Puwang, Allataalana néné-nénéna mennang, Allataalana Abraham, Ishak sibawa Yakub, pura mappaitang alé lao ri iko. Paissengiwi mennang makkedaé laona ri mennang sibawa uwitani pékkugi mennang rigaukeng ri bangsa Maséré'é.

LUKAS 19:44

Nancuru'ko matu mennang silaong sininna pabbanuwamu; nadé' séddi batu naleppessang matu mennang tassusung ri onronna, saba' dé' mupénessaiwi wettunna Allataala polé untu' passalama'ko!”

LUKAS 1:68

“Laono mai tapojiwi Puwangngé, Allataalana bangsa Israélié! Poléni tulungngi umma'-Na sibawa paleppe'i mennang.

MATIUS 6:11

Wérékki essoéwé inanré iya riyapparelluwangngé.

YEREMIA 29:10

Makkedai Puwangnge, ‘Rékko genne'ni wettunna pituppulo taung untu' Babél, Ujampangisiko matu, sibawa rupaiwi jancik-Ku untu' tiwiko lisu ri onrongngéwé.

YESAYA 55:10

Pada-pada bosié teppai polé ri langié, na dé' nalisu, sangadinna narica'i linoé, pacommokiwi sibawa patuwoi tanet-tanengngé, mabbéré wassélé untu' riyampo sibawa riyanré,

ZEFANYA 2:7

Pabbanuwana Yéhuda iya mullééngngi leppe, natudangiwi matu daéramuro. Mampii matu mennang olokolo ri tanaéro, na ri wennié matinroi matu mennang risining bolana tau Askélongngé. Saba' Puwangnge, Allataalana mennang linrungiwi matu mennassi sibawa pancajiwi mennang madécéng paimeng.

MAZMUR 146:7

Naéwaiwi ha'na sining tau ritenre'é, sibawa nawéréngngi inanré tau malupué. Napaleppe'i Puwangnge sining tahanangngé,

MAZMUR 145:15

Sininna mahlu' tuwoé naddennuwangi-Ko; Muwéréngngi inanré ri wettunna.

1 SAMUEL 2:21

Ribarakkakini Hana ri Allataala, angkanna jajiyassi tellu ana' worowané sibawa duwa ana' makkunrai. Napédé battowa tona Samuél ri laleng natumaninginna Allataala.

KAJAJIYANG 50:25

Nainappa Yusuf suroi sininna ana'na silessurenna mattanro, adanna, “Ajjancino lao ri iyya, rékko Allataala pimpikko lao ri wanuwaéro, mutiwii towi ujuku.”

KAJAJIYANG 48:15

Purairo nabarakkakini Yusuf, adanna, “Allataala, Aléna ritu Puwang nasompaé Abraham sibawa Ishak, Aléna ritu pimpikka lettu makkekkuwangngé;

KAJAJIYANG 28:20

Nainappa mattanroni Yakub, “Rékko natulukka sibawa nalinrungika Puwangnge ri allalengengngéwé enrengngé nawérékka inanré sibawa pakéyang

KAJAJIYANG 21:1

Puwangnge barakkakiwi Sara, pada-pada iya puraé najjanciyangngé.

1 PETRUS 2:12

Ampé-ampému ri yelle'na tau iya dé'é naissengngi Puwangngé harusu'i makessing senna', angkanna rékko napétenna'ko selaku tau maja, harusu'i mennang nangakui pangkaukemmu iya makessingngé, angkanna napojiwi matu mennang Allataala ri Esso apolén-Na.

1 TIMOTIUS 6:8

Jaji, rékko engka inanré sibawa pakéyang, genne'ni iyaro.

MAZMUR 147:14

Najagaiwi daéramu kuwammengngi natette amang, sibawa pamessoriko sibawa gandong iya kaminang makessingngé.

AMSAL 30:8

Aja' narapii upowada ada-ada macéko-cékoé sibawa bellé, sibawa aja' taleppessakka kasiyasi iyaré'ga sugi. Wérékka banna aga iya uwapparelluwangngé.

RUT 1:5

iya duwa ana' worowanéna Naomiro, maté towi, angkanna ateddéngeng Naomi lakkainna sibawa iya duwa ana'na.

RUT 1:7

Joppani mennang massibawa lisu ri Yéhuda. Ri tengnga laleng

MAZMUR 102:14

Tokkok-Ko matu sibawa mamaséiwi Sion, narapini wettunna untu' mamasé lao ri aléna.

YOEL 2:19

Nabaliwi mennang makkuwaé, “Makkekkuwangngé Uwéréng manekko: gandong, anggoro sibawa minnya zaitun untu' inanré, kuwammengngi naripamessori manekko. Dé' Uleppessakko matu ripakatuna iyaré'ga ricawa-cawai ri bangsa-bangsaé.