RUT 1:15 - KITTA KAREBA MADECENG

¹⁵ Makkedani Naomi lao ri aléna, “Rut, itani! Lisuni lagomu ri bangsana sibawa ri déwata-déwatana. Lao tono, na', accowériwi lisu!”

RUT 1:15 Խաչաձեւ Հղումներ

HAKING-HAKING 11:24

Na makkekkuwangngé maélokoga malai lisu? Tana iya nabbéréyangngé Kamos, déwatamuro, lao ri iko naweddingngi tette muwappunnangi. Iyakiya aga iya puraé nabbéréyang Puwangnge, Allataalata lao ri idi, maéloki mattahangengngi.

ZEFANYA 1:6

Upaccappui matu mennang iya dé'é nalao ri Iyya iyaré'ga méllauwi pappimpik-Ku sibawa iya salaiyék-Ka na dé' namaélona maccowéri-Ka.”

2 ARUNG-NGARUNG 2:2

na ri tengnga laleng makkedai Elia lao ri Elisa, “Onrono kuwaé. Nasuroka Puwangnge lao ri Bétel.” Iyakiya mappébaliwi Elisa, “Nasabbing Puwang iya tuwoé sibawa nasabbing nyawana Bapa', dé' umaélo salaiwi Bapa'.” Jaji silaonni mennang patterui joppana lettu ri Bétel.

YOSUA 24:15

Akkalarapanna dé' mumaélo mattumani lao ri Puwangnge, alano apettung iyato essoé ri kégiko maélo mattumani: lao ri déwata-déwata laing iya nasompaé néné-nénému ri Mésopotamia riyolo iyaré'ga lao ri déwata-déwatana tau Amorié iya muwonroiyé wanuwanna makkekkuwangngé. Iyakiya idi – iyya sibawa kaluwargaku – maélo mattumani banna lao ri Puwangnge.”

1 YOHANES 2:19

Iyaro sining Balinna Kristus iyanaritu sining tau iya salaiyékki, nasaba sitongenna mennang mémeng tenniya sining tautta. Rékko mennang sining tautta, tentu mennang tette'i sibawa idi. Iyakiya nasalaiki mennang, kuwammengngi namanessa makkedaé dé' muwi séddi polé ri mennang iya tonget-tongengngé muttama ri golongetta.

IBRANI 10:38

Na umma'-Ku iya tongengngé mateppe'i matu sibawa tuwoi; iyakiya rékko engka ri yelle'na mennang iya soroé, dé' Umasennang matu ri aléna.”

LUKAS 24:28

Namacawé'na mennang ri désa iya nakkattaiyé. Najjaini Yésus maélo joppa matteru,

MAZMUR 125:5

Iyakiya tau iya pogau'é macéko-céko memmuwaré rihukkungngi ri Puwangnge silaong tau majaé. Tennapodo saléwangengngi umma'-Mu!

MAZMUR 36:3

Nangga'i aléna héba' senna, angkanna dé' namaingekiwi asalanna, sibawa dé' nacéccéi.

YOSUA 24:19

Nanakkeda Yosua, “Iyakiya naullé dé' muwulléi matu mattumani ri Puwangnge, saba' Aléna Allataala iya mapaccingngé, Iya Kaminang Séuwaé. Dé' namaélo engka pada-padanna. Rékko musalaiwi Aléna sibawa massompa lao ri déwata-déwata laingngé, dé' Naddampengengngi matu dosamu. Sibalé'na, méwai matu sibawa hukkukko. Napabbinasako matu, namuni riyolo makessingngi lao ri iko.”

RUT 1:14

Terisi maladde-ladde Rut sibawa Orpa nainappa massimang Orpa nanabau towi matuwanna nainappa lisu. Iyakiya Rut dé' namaélo massarang polé matuwannaro.

RUT 1:16

Iyakiya mappébaliwi Rut, “Indo', aja' tasuroka Indo' lisu sibawa salaiwi Indo'! Maéloka maccowé silaong Indo'. Kégi-kégi Indo' lao, kuwatokka'ro lao. Kégi-kégi Indo' monro, kuwatokka'ro maélo monro. Bangsana Indo', iyanaritu bangsaku. Allataala iya nasompaé Indo', maéloto usompa.

ABBILANGENG 10:30

Nappébali Hobab, “Tarima kasi, iyakiya macinnaka lisu ri kampong assalekku.”