RUT 1:14 - KITTA KAREBA MADECENG

¹⁴ Terisi maladde-ladde Rut sibawa Orpa nainappa massimang Orpa nanabau towi matuwanna nainappa lisu. Iyakiya Rut dé' namaélo massarang polé matuwannaro.

RUT 1:14 Խաչաձեւ Հղումներ

AMSAL 18:24

Engka sahaba iya dé'é namatinulu, engkato iya lebbi maréppé'é naiya silessurengngé.

MATIUS 16:24

Nainappa makkeda Yésus lao ri ana'-ana' gurun-Na, “Tau maéloé maccowéri-Ka, harusu'i nallupai apentingeng aléna, naéssangngi sallina, namatteru maccowéri-Ka.

MATIUS 10:37

Tau iya mamaséiyéngngi ambo'na iyaré'ga indo'na lebbi na Iyya, dé' nasitinaja mancaji ana' guruk-Ku. Makkuwatoro tau iya mamaséiyéngngi ana' worowanéna iyaré'ga makkunrainna lebbi na Iyya.

IBRANI 10:39

Idi'é tenniyaki umma' iya soroé sibawa pusaé. Sibalé'na, idi iyanaritu umma' iya mateppe'é ri Allataala sibawa iya ripassalama'é.

MATIUS 19:22

Naéngkalingana iyaro ada-adaé, laoni iyaro kalloloé sibawa masussa atinna saba' sugi senna'i.

ZAKHARIA 8:23

Ri esso-essoéro seppulo tau laing laowi matu ri séddié tau Yahudi sibawa makkeda, ‘Macinna tokki maupe pada-pada iko; saba' riyéngkalingai makkedaé Allataala barakkakiko.’ ” Puwang Iya Pommakuwasaé pura mabbicara.

YESAYA 14:1

Puwangnge mamaséiwi matu Israélié umma'-Na, sibawa piléi mennang paimeng mancaji appunnangen-Na. Nataroi matu mennang paimeng ri wanuwanna muto. Poléi matu tau laingngé sibawa masséddi sibawa mennang.

AMSAL 17:17

Séddié sahaba tuli matinului lao ri silaonna, iyakiya séddié silessureng maccowéi tanggungngi asussangngé.

1 ARUNG-NGARUNG 19:20

Nanasalaini Elisa sining sapinna nanalari lellungngi Elia, enrengngé makkeda, “Palaloka massimang riyolo ri tomatowakku, nainappaka maccowériwi matu Bapa'.” Nametté Elia, “Laono. Dé' uwattéyakko.”

ULANGENG 10:20

Pakalebbii Puwang Allataalamu sibawa massompa ri Aléna bawang. Sitinajako tette matinulu lao ri Aléna sibawa mattanro ri laleng asen-Na bawang.

2 TIMOTIUS 4:10

saba' nasalaina' Démas nasaba naéloriwi linoéwé. Laoni ri Tésalonika. Kréskés laoni ri Galatia, sibawa Titus ri Dalmatia.

RIWAYA'NA RASUL-RASUL-E 17:34

Iyakiya engka ri yelle'na mennang maccowé ri Paulus sibawa mateppe' ri Yésus, padaénna: Dionisius anggotana majelis Aréopagus, sibawa séddi makkunrai riyaseng Damaris, enrengngé siyagangngaré tau pasi.

KAJAJIYANG 31:55

Pappa bajanana éléé, nabauni Laban ana' eppona selaku tanrang assarangeng sibawa barakkakiwi mennang, nainappa lisu ri onrong naonroiyé.

KAJAJIYANG 31:28

Mala dé' muwérékka kasempatang untu' bauwi ana' eppoku selaku assarangeng. Madonggo senna tindakammu!

ULANGENG 4:4

na iko iya tette'é matinulu lao ri Puwang Allataalamu tuwo mupi lettu makkekkuwangngé.

RUT 1:13

aga maélokoga mattajeng narapi mennang battowa? Masa nasaba gau'éro nadé' mukawing sibawa tau laingngé? Dé', ana'ku, aja' muwappakkuwaro! Messéka lao ri aga iya harusu'é mupéneddingi nasaba pahukkungenna Puwangnge lao ri iyya.”

RUT 1:15

Makkedani Naomi lao ri aléna, “Rut, itani! Lisuni lagomu ri bangsana sibawa ri déwata-déwatana. Lao tono, na', accowériwi lisu!”

2 SAMUEL 19:39

Nainappa Daud sibawa sininna ana' buwana malléttoiwi Salo Yordan. Nainappa Daud bauwi Barzilai sibawa siassimangeng sibawa aléna. Purairo lisuni Barzilai ri bolana.

RUT 1:7

Joppani mennang massibawa lisu ri Yéhuda. Ri tengnga laleng

RUT 2:11

Nappébali Boas, “Purani uwéngkalinga passalenna sininna séuwa-séuwaé iya mupogau'é lao ri matuwammu sipongenna maté lakkaimmu. Uwisseng makkedaé musalaini tomatowammu sibawa kampong assalemmu untu' lao sibawa monro kuwaé silaong sining tau iya dé'éppa muwissengngi.