RUT 1:13 - KITTA KAREBA MADECENG

¹³ aga maélokoga mattajeng narapi mennang battowa? Masa nasaba gau'éro nadé' mukawing sibawa tau laingngé? Dé', ana'ku, aja' muwappakkuwaro! Messéka lao ri aga iya harusu'é mupéneddingi nasaba pahukkungenna Puwangnge lao ri iyya.”

RUT 1:13 Խաչաձեւ Հղումներ

AYUB 19:21

Eh sellao-sellaoku, amaséika, saba' limanna Allataala munruka.

MAZMUR 32:4

Esso wenni Iko natenre'ka, Puwang, cappu awatangekku pada-pada nattemmekiyé tire mata esso.

HAKING-HAKING 2:15

Sises-siseng mennang lao mammusu, Puwangnge méwai mennang, pada-pada iya pura Napparéngngerangengngé lao ri mennang. Nanapéneddingini mennang asukkarakeng iya battowa senna'é.

MAZMUR 38:2

Puwang, aja' tahukkukka ri laleng cai-Mu, aja' tasissaka ri laleng cai-Mu.

1 SAMUEL 5:11

Rimakkuwannanaro naobbini mennang sininna arung Filistingngé kuwammengngi naddeppungeng, nainappa makkeda, “Palisuni iyaro Petti Assijancinna Allataalana Israélié ri onronna mammulangngé kuwammengngi aja' naunoki sibawa kaluwargata.” Ri sininna kotaé kajajiyanni alippuwangngé nasaba Allataala hukkungngi pabbanuwana sibawa matane senna.

ULANGENG 2:15

Matteru-terui Puwangnge méwai mennang angkanna binasa maneng.

KAJAJIYANG 38:11

Nainappa makkeda Yéhuda lao ri Tamar ménéttunnaro, “Lisuno ri bolana tomatowammu sibawa monro kuwaro selaku janda narapi ana'ku Syéla battowa.” Makkeda makkuwairo nasaba métaui ajakké Syéla riyuno towi matu ri Puwangnge, pada-pada iya duwa kakana. Nanalisuna Tamar ri bolana tomatowanna.

RUT 1:12

Lisuno na', saba' macowa senna'na untu' kawissi. Na akkalarapanna engka mupa amménasakku untu' kawing iyato wenniéwé sibawa lolongeng ana' worowané,

RUT 1:14

Terisi maladde-ladde Rut sibawa Orpa nainappa massimang Orpa nanabau towi matuwanna nainappa lisu. Iyakiya Rut dé' namaélo massarang polé matuwannaro.

RUT 1:21

Wettukku lao polé kuwaé engkaka ri laleng agennekengngé, iyakiya makkekkuwangngé natiwika lisu Puwangnge sibawa lima kosong. Rimakkuwannanaro aja'na muteppuka Naomi, nasaba Puwang Iya Pommakuwasaé pura hukkukka sibawa maéga anrasa-rasang!”