NEHEMIA 9:9 - KITTA KAREBA MADECENG

⁹ Muwitai anrasa-rasanna toriyolota ri wettu labe'é; Muwéngkalingai terinna ri Maséré sibawa ri Tasi Tébérau.

NEHEMIA 9:9 Խաչաձեւ Հղումներ

RIWAYA'NA RASUL-RASUL-E 7:34

Purani Uwita sibawa upénessai paina anrasa-rasanna umma'-Ku ri Maséré'. Purani Uwéngkalinga addarékénna mennang naunonnona untu' paleppe'i mennang. Makkekkuwangngé laono mai! Maélo-Ka suroko lisu ri Maséré'.’

ASSURENG 3:16

Laono namupaddeppungengngi sininna pamimpinna Israélié. Appallebbangenni lao ri mennang makkedaé Iyya, Puwang, Allataalana néné-nénéna mennang, Allataalana Abraham, Ishak sibawa Yakub, pura mappaitang alé lao ri iko. Paissengiwi mennang makkedaé laona ri mennang sibawa uwitani pékkugi mennang rigaukeng ri bangsa Maséré'é.

ASSURENG 2:25

Naitani sining tau Israélié ripowata, nanapettuini untu' tulungngi mennang.

ASSURENG 14:31

Wettunna naita tau Israélié pékkugi Puwangnge nasibawang akuwasan-Na iya battowaé caui tau Maséré'é, hérang senna'ni mennang angkanna mateppe ri Aléna sibawa lao ri Musa, atan-Naro.

YEHEZKIEL 20:6

Iyaro wettué mattanro-Ka maélo tiwii mennang massu polé ri Maséré mattuju ri wanuwa iya Upilé untu' mennang. Iyaro wanuwaé sugi sibawa macomo, tana iya kaminang makessingngé ri sininna linoé.

RIWAYA'NA RASUL-RASUL-E 7:7

Iyakiya maélo-Ka hukkungngi bangsa iya powataéngngi mennang, sibawa passui matu polé ri wanuwaéro nanasompa-Ka matu ri onrongngéwé.’