NEHEMIA 9:29 - KITTA KAREBA MADECENG

²⁹ Muwamparengngi mennang kuwammengngi napatoiwi pappagguruwam-Mu, iyakiya nasampéyangngi hukkum-Mu sibawa matanré ati. Padahal rékko napogau'i hukkum-Mu, pastini ritanggungngi atuwonna. Kapala batui mennang sibawa matedde ati, dé' namaélo maréngkalinga, dé' namaélo turusiwi.

NEHEMIA 9:29 Խաչաձեւ Հղումներ

NEHEMIA 9:16

Iyakiya toriyolota matempoi sibawa matedde ati; dé' naturusiwi sining parénta-Mu.

ANGIMANGENG 18:5

Turusiwi sining peraturangngé sibawa hukkung-hukkung iya Uwéréngngékko. Rékko mupogau'i makkuwaéro, salama'i atuwommu. Iyya'na Puwang.”

NEHEMIA 9:26

Iyakiya maronta'i umma'-Mu sibawa dé' naturusiwi, mallupaiwi hukkungngé sibawa peraturam-Mu, mpunoi nabi-nabi iya paréngngerangiyéngngi mennang, sibawa iya suroéngngi mennang lisu ri Iko, Allataalana. Oh Puwang, tungke' siseng towi napakatuna-Ko mennang,

NEHEMIA 9:10

Lao ri arung Maséré Mupogau'i gau'-gau' iya dé'é padanna, makkuwatoro lao ri pegawé nenniya ra'ya' wanuwanna, saba' Muwissengngi pékkugi umma'-Mu ripeddiri ri mennang. Nakalabbani asem-Mu lettu essoéwé.

HOSEA 6:5

Iyanaro saba'na Usuroi nabi-nabik-Ku untu' palettukekko apettuk-Ku makkedaé harusu'ko rihukkung sibawa ripabbinasa. Iya Uwacinnaiyé polé ri iko matajanni sibawa manessa:

YEREMIA 43:2

Nainappa Azarya ana' Hosaya sibawa Yohanan ana' Karéah enrengngé sininna tau laing iya matempoéro makkeda lao ri iyya, “Mabbelléko. Puwang Allataalata dé' nasuroko mattéyakki untu' lao monro ri Maséré.

GALATIA 3:12

Iyakiya Hukkunna Agamaé dé' natettong polé ri teppe'é. Ri laleng Kitta'é tarokii makkedaé tau iya pajoppaéngngi hukkunna agamaé, tuwoi matu nasaba hukkungngéro.

ROMA 10:5

Naokii Musa makkedaé tau iya simadécéngengngé sibawa Allataala situru hukkung agamaé, iyaro tauwé tuwoi matu nasaba matinului lao ri hukkung agamaéro.

LUKAS 10:28

Nakkeda Yésus, “Tongeng pappébalimmu, pogau'ni iyaro, namutuwo matu.”

DANIEL 5:20

Iyakiya wettunna mancaji matempo, matedde ati sibawa mabecco, ripasempé'i polé ri kadéra akkarungenna angkanna ateddéngeng arajanna.

YEHEZKIEL 20:11

Kuwaniro Uwéréng mennang sining parénta-Ku sibawa Upagguruwangngi hukkung-hukkuk-Ku iya harusu'é naturusi mennang, saba' tau iya turusiyéngngi tette'i matu tuwo.

YEREMIA 44:10

Iyakiya lettu essoéwé dé' mupakariyawai alému. Dé' mupakalebbi-Ka sibawa dé' mutuwo situru hukkung iya Uwéréngngékko sibawa toriyolomu.

YEREMIA 19:15

makkedaé Puwang Iya Pommakuwasaé, Allataalana Israélié, makkeda makkuwaiyé, “Nasaba matedde atiko sibawa dé' mumaélo méngkalingai, Upapoléi matu ri yasé'na kotaéwé sibawa ri yasé'na iya manenna désaé ri seddéna, sininna abala iya puraé Urancana.”

YEREMIA 17:23

Iyakiya toriyolomu dé' namaélo méngkalingai iyaré'ga jampangiwi aga iya Upowadaé. Matedde atiwi mennang, sibawa dé' namaélo mapato iyaré'ga riyampareng.

YEREMIA 7:26

Iyakiya dé'gaga méngkalingai iyaré'ga jampangiwi. Mala mancajiko lebbi matedde ati sibawa maja naiya toriyolomu.”

2 TAWARIKH 36:15

Puwang, Allataalana toriyolona, makkolik-kolinni pura nasuro sining suro-Na untu' paréngngerangiwi umma'-Na, nasaba Naéloriwi mennang sibawa Bolana.

2 TAWARIKH 24:19

Nasuroni Puwangnge nabi-nabié mamparengngi mennang kuwammengngi nalisu massompa ri Puwangnge, iyakiya dé' namaélo ra'ya'é méngkalingai.

2 ARUNG-NGARUNG 17:13

Nakiringngi Puwangnge sining surona sibawa nabi-nabin-Na lao ri umma Israélié sibawa Yéhuda untu' palettu'i papparéngngerangngéwé: “Appésauno pogau'i majaé sibawa turusiwi sininna paréntaé sibawa hukkung iya Uwéréngngéngngi toriyolomu sibawa lao ri iko naolai sining nabié, ata-atak-Kuro.”

ULANGENG 31:21

sibawa maéga abala masero kennai matu mennang. Iyakiya iyaé élongngé tette'i ripuwélong nenniya ripaké selaku asabbiyang lao ri mennang. Mala makkekkuwangngé, ri wettu dé'napa Utiwii mennang ri wanuwa iya Uwajjanciyangngé, Uwisseng pikkiranna mennang.”

ULANGENG 4:26

Memmuwaré langié sibawa linoé iyaé essoé mancaji sabbi makkedaé rékko dé' muturusika, lennye'ko matu masitta polé ri tana iya muwonroiyé ri liwenna Salo Yordanro. Dé' matu mumaitta monro kuwaro; ripaccappu sisekko matu.

ASSURENG 10:3

Nanalaona Musa sibawa Harun mangolo ri arungngé sibawa makkeda lao ri aléna, “Makkedai Puwang, Allataalana bangsa Ibranié, ‘Gangka kégiko dé' mumaélo tunru lao ri Iyya? Leppessangngi umma'-Ku lao, kuwammengngi weddingngi mennang massompa ri Iyya.

MATIUS 19:17

Nappébali Yésus, “Magi muwakkutana ri Iyya passalenna aga iya makessingngé? Banna Séddi bawang makessing. Rékko maéloko tuwo, harusu'ko turusiwi parénta-paréntana Allataala.”

2 TAWARIKH 33:10

Puwangnge mamparengngi Manasyé sibawa ra'ya'na, iyakiya dé' namaélo mennang maréngkalinga.

NEHEMIA 9:30

Polé ri taungngé lao ri taungngé sabbara'-Ko paréngngerangiwi; naolai sining nabié, makkedaadai Roh-Mu lao ri mennang. Iyakiya iyaro umma'-Mu nalape'i daucculinna, nainappa Muwabbéréyang lao ri bangsa-bangsaé ri sininna wanuwaé.

NEHEMIA 13:15

Iyaro wettué uwitai makkedaé ri esso Saba'é siyagangngaré tau Yéhuda mappara anggoro. Engkato tau mattéké gandong, anggoro, buwa anggoro, buwa ara sibawa barab-barang laing ri kaleddé'na nanatiwii lao ri Yérusalém. Uwattéyangngi mennang mabbalu ri Yérusalém.

YEREMIA 42:19

Nainappa makkedasika, “Purani napparéntang Puwangnge kuwammengngi iko iya risésaé mupa ri Yéhuda dé' mulao ri Maséré. Rimakkuwannanaro uparéngngerangiko makkekkuwangngé

ULANGENG 31:27

Uwisseng mennang matedde ati senna sibawa napoji maronta. Ri wettu tuwoku mupa maronta'i mennang lao ri Puwangnge; apalagi matti, rékko maténa!

HAKING-HAKING 6:10

Pura Upowadanno makkedaé Iyya'na Puwang Allataalamu, sibawa makkedaé dé' naweddikko sompai déwata-déwatana bangsa Amorié iya wanuwannaé muwonroi makkekkuwangngéwé. Iyakiya dé' muturusiwi parénta-Ku.’ ”

2 ARUNG-NGARUNG 17:14

Iyakiya Israél sibawa Yéhuda, dé' namaélo méngkalingai. Matedde atiwi mennang pada-pada toriyolona iya dé'é namateppe ri Puwangnge, Allataalana.