NEHEMIA 9:27 - KITTA KAREBA MADECENG

²⁷ na-Muwabbéréyangngi mennang lao ri balinna iya nasibawangngé apéddarang makuwasaiwi sibawa tenre'i. Iyakiya ri laleng asussang iya patenre'é, mangobbii mennang lao ri Iko méllau bantuwang. Polé ri surugaé Muwéngkalingai; nasibawang pammasé Mubaliwi. Kirik-Ko pamimping sibawa pabbarani iya paleppe'éngngi mennang polé ri balié.

NEHEMIA 9:27 Խաչաձեւ Հղումներ

2 ARUNG-NGARUNG 14:27

Dé' namakkatta Puwangnge mancuru'i Israélié untu' mannennungeng, rimakkuwannanaro Natulungngi mennang naolai Arung Yérobéam Maduwaé.

2 ARUNG-NGARUNG 13:5

Puwangnge mpéréngngi tau Israélié séddi pamimping iya paleppe'éngngi mennang polé ri akuwasanna Siria angkanna mennang tuwo amassi pada-pada pammulanna.

2 TAWARIKH 36:17

Puwangnge pakédoi atinna arung Babél kuwammengngi nagasai mennang. Iyaro arungngé naunoi tau Yéhuda maloloé, muttama'ni mennang iya engkaé ri laleng Bolana Puwangnge. Dé' namaséiwi muwi séddi tau, macowa iyaré'ga malolo, worowané sibawa makkunrai, malasa iyaré'ga saléwangeng. Riyabbéréyang manengngi mennang ri Allataala lao ri arung Babél.

HAKING-HAKING 2:18

Rékko mabbéréi Puwangnge séddi tau pamimping lao ri bangsa Israélié, Puwangnge tuli tulungngi iyaro pamimpingngé. Na ri wettu tuwona mupa iyaro pamimpingngé, Puwangnge tuli paleppe'i mennang polé risining balinna. Messéi lao ri mennang rékko Naéngkalingai mennang maddaréké nasaba ripanrasa-rasai sibawa ritenre.

OBAJA 1:21

Pabbanuwana Yérusalém iya poré nagasai matu Edom sibawa caui. Na Iyya Puwang mapparénta matu selaku arung.”

NEHEMIA 9:19

Namuni ri padang kessi'éro dé' Musalaiwi mennang, nasaba penno-Ko paressé babuwa. Alliri ellungngé sibawa apié dé' Mureddu'i paimeng, panunju lalenna mennang ri essoé sibawa wennié.

ANGIMANGENG 26:17

Uhukkukko matu, angkammu ricau risining balimmu sibawa rikuwasai risining tau iya benciyékko. Métau senna'ko matu angkammu lari, namuni dé'gaga mallellung.

2 ARUNG-NGARUNG 17:20

nadé'na nangakuiwi Puwangnge sininna umma Israélié. Nahukkungngi sibawa mabbéréyangngi mennang lao risining balinna iya mapéddaraé. Dé'na najampangiwi mennang, sangadinna nabbéyangngi mennang polé ri tana iya riwéréngngéngngi mennang.

2 ARUNG-NGARUNG 17:39

Turusi-Ka, Puwang Allataalamu, Nauleppessakko matu polé risining balimmu.”

MAZMUR 136:24

Napaleppe'ki polé ri limanna balié; mannennungengngi pammasé-Na.