NEHEMIA 4:5 - KITTA KAREBA MADECENG

⁵ Aja' muwaddampengengngi jana sibawa aja' muwallupaiwi dosana, saba' purani napakatuna mennang iya mattengngangngé mappatettong.”

NEHEMIA 4:5 Խաչաձեւ Հղումներ

YEREMIA 18:23

Iyakiya Iko, Puwang, misseng manengngi iya narancanaé mennang untu' paccappui nyawaku. Rimakkuwannanaro, aja' muwaddampengengngi mennang; aja' muleddai asalanna mennang. Unrui mennang narapi sempé. Tinda'no lao ri mennang ri laleng cai-Mu.”

MAZMUR 109:14

Leppessangngi jana toriyolona tette naéngngerang Puwangnge, sibawa dosana indo'na dé' nariledda.

2 TIMOTIUS 4:14

Aléksander, panré tembagaéro purai napogau' gau'-gau' iya maja senna'é lao ri iyya. Puwangngé mpale'i matu situru pangkaukenna.

YESAYA 44:22

Ulellungngi asalammu pada-pada ellungngé, Upaddésu'i dosamu pada-pada saléwué. Lisuno ri Iyya, saba' purano Upaleppe!”

YESAYA 43:25

Iyakiya Iyya Allataala iya leddaéngngi dosamu, Uwaddampengekko nasaba makkuwaniro sipa'-Ku; dé' uwéngngerangngi dosamu.

MAZMUR 51:1

Untu' pamimping kor. Mazmur nakarangngé Daud

MAZMUR 51:9

Pépaccingika, naumapaccing matu; bissaika, naulebbi maputé matu naiya ape'é.

NEHEMIA 4:6

Na iyaro wettué matteruki pédécéngiwi iyaro témbo'é, na dé' namaitta puranaro tépuni sininna témbo'éro ripédécéngi gangka sitengnga tanré, saba' majjamai ra'ya'é sibawa penno sumange.

YESAYA 2:9

Tungke tau ripakatunai matu sibawa ripakariyawa. Aja' muwaddampengengngi mennang oh Puwang!

AWATINGENG 1:22

Pénessaiwi sininna jana mennanro, sibawa gaukenni mennang pada-pada Mugaukengngékka, nasaba sininna dosa iya upogau'é lao ri Iko. Maddarékéka ri laleng anrasa-rasangngé, messéi atikku sibawa makkanrodongngi.”

2 SAMUEL 17:2

Maéloka gasai wettunna poso sibawa koddo sumange'na. Maéloka patassélengngi, angkanna sininna ana' buwana lari. Banna Arung Daud bawang maélo uwuno.