NEHEMIA 4:14 - KITTA KAREBA MADECENG

¹⁴ Wettunna uwita makkedaé métaui ra'ya'é, makkedana lao ri sibawa lao risining tomariyoloé enrengngé sining pamimpingngé, “Aja' mumétau lao ri balié! Aréngngerakko lao ri Puwang iya mawatangngé namasero, sibawa éwano untu' saudara-saudaramu, ana'-ana'mu, bainému sibawa bolamu!”

NEHEMIA 4:14 Խաչաձեւ Հղումներ

2 SAMUEL 10:12

Attahanno! Laono mai tammusu sibawa barani untu' bangsata sibawa untu' kota-kotana Allataalata. Tennapodo napogau'i Puwangnge aga iya Napuwéloé.”

ABBILANGENG 14:9

Aja' muéwai Puwangnge, sibawa aja' mumétau lao risining tau iya monroé ri wanuwaéro, saba' magampakki caui matu mennang. Iya linrungiyéngngi mennang nasalaini, na Puwangnge sibawakki. Jaji, aja'na mumétau.”

IBRANI 13:6

Rimakkuwannanaro baraniki makkeda, “Puwangngé iyanaritu Pattulukku, dé' umétau. Aga wedding napogau' tolinoé lao ri iyya?”

MATIUS 10:28

Aja' mumétau lao ri mennang iya mpunoéngngi tubué, iyakiya dé' namakuwasa mpunoi nyawaé. Etauko ri Allataala iya makuwasaé pabbinasai tubué nenniya nyawaé ri laleng ranaka.

MAZMUR 66:3

Powadani lao ri Allataala, “Mappabengnga tongeng pangkaukem-Mu! Tunru'i balié ri Iko penno amétaureng, saba' battowa senna akuwasam-Mu.

MAZMUR 65:5

Masennangngi tau iya Mupilé, sibawa iya Muwobbié untu' monro ri Bola-Mu. Ripasipoléngekki matu sibawa sininna iya makessingngé ri Bola-Mu, onrom-Mu iya mapaccingngé.

MAZMUR 20:7

Uwissenni makkekkuwangngé makkedaé Puwangnge mabbéré apakalang lao ri arung napilé-Na. Puwangnge baliwi polé ri suruga-Na iya mapaccingngé; nasaba akuwasanna Puwangnge lolongengngi apakalang battowa.

NEHEMIA 1:5

“Oh Puwang Allataala makuwasaé ri surugaé. Idi Allataala Iya Marajaé namangoloki ri idi sibawa penno tau. Tette'ki matinulu sibawa makkatenningngi jancim-Mu lao ri tau iya méloriyék-Ko sibawa turusiyéngngi parénta-Mu.

2 TAWARIKH 32:7

“Sabbara'no sibawa mateppe'no; aja' mumétau lao ri arung Asyur iyaré'ga lao ri pasukanna. Awatangeta lebbi battowai naiya aléna.

YOSUA 1:9

Engngerangngi, purano Uparéntang kuwammengngi mumattonget-tongeng mateppe sibawa barani! Aja' mumétau iyaré'ga kurang masumange, saba' Iyya Puwang Allataalamu ranrekko kégi-kégiko lao.”

ULANGENG 10:17

Puwang Allataalamu engkai ri yasé'na sininna déwataé sibawa nasau manengngi sininna akuwasangngé. Aléna Allataala iya marajaé sibawa makuwasa iya harusu'é riturusi. Dé' napojiwi kacowé-cowé sibawa dé'to natarima pasoso.

MAZMUR 143:5

Uwéngngerangngi esso-esso iya labe'é; upikkiri'i sininna pangkaukem-Mu, unennungngi sininna winru-Mu.

MAZMUR 66:5

Poléni sibawa itani pangkaukenna Allataala, mappabengnga tongeng sining winru-Na ri yelle'na tolinoé!

MAZMUR 46:11

Adan-Na, “Appésauno mammusu; issenni, Iyya'naé Allataala, maraja-Ka ri yellle'na bangsa-bangsaé, maraja-Ka ri sininna linoé.”

MAZMUR 27:1

Mazmurna Daud. Puwangnge iyanaritu cahayaku sibawa asalamakekku, dé'gaga iya uwétauriyé. Puwangnge iyanaritu bénténg allinrungekku, dé' matu umétau.

AYUB 37:22

Tappa maridié mompoi ri manorang, sibawa alebbirenna Allataala napabengngai atitta.

PAKKATOBBA 12:1

Engngerangngi Pappancajimmu ri wettu malolomu mupa, ri wettu dé'napa nalettu taut-taung pennoé anrasa-rasang. Ri wettuéro makkedako matu, “Dé' namasennang atuwokku.”

ASSURENG 14:14

Puwangnge matu méwangekko, na iko dé'na naparellu pogau' aga-aga.”

ASSURENG 14:25

Naébbui padati-padati karétana mennang masolang, angkanna sipanrasa-rasani mennang maju. Makkedani tau Maséré'é, “Puwangnge mammusu untu' tau Israélié méwaki. Laono mai talari polé kuwaé!”

HAKING-HAKING 3:27

Lettu'na muwa ri daéra buluna Efraim, naseppunni tarompé'na untu' mobbii tau Israélié mammusu. Poléni mennang nanapimpingngi nonno polé ri daéra buluéro.

DANIEL 11:32

Nanasibawang belléna arungngéro napalécéi matu sining tau iya salaiyénni agamana, kuwammengngi namaélo bantui. Iyakiya sining tau iya matinulué lao ri Allataala baraniwi matu méwai.

ZAKHARIA 14:3

Nainappa malluru matu Puwangnge sibawa mammusu méwai bangsa-bangsaéro, pada-pada iya Napogau'é ri wettu riyolo.