NEHEMIA 2:20 - KITTA KAREBA MADECENG

²⁰ Umappébali, “Allataala makuwasaé ri surugaé mébbui matu jama-jamatta jaji. Idi'é ata-atannaki sibawa maéloki pammulaini mappatettong. Iyakiya iko dé' muwappunnai ha' iyaré'ga muwi appunnangeng aga ri Yérusalém. Mala rékko mabbicarai tauwé passalenna Yérusalém, dé' nariteppu matu asemmu.”

NEHEMIA 2:20 Խաչաձեւ Հղումներ

RIWAYA'NA RASUL-RASUL-E 8:21

Dé' muwappunnai ha' untu' maccowé ri laleng jama-jamatta, nasaba dé' natongeng atimmu lao ri Allataala.

EZRA 4:3

Iyakiya mappébaliwi Zérubabél, Yésua sibawa sining kapala appangngéro, “Dé' tapparelluwangngi bantuwammu untu' patettongengngi Bola Puwang Allataalata. Aléta muto maélo patettongngi situru sibawa paréntana Korésy, arung Persia, lao ri idi.”

NEHEMIA 2:4

Nakkutana arungngé, “Jaji, aga muwacinnai?” Ri laleng ati massempajakka lao ri Allataala makuwasaé ri surugaé,

RIWAYA'NA RASUL-RASUL-E 10:31

Makkedai, ‘Kornélius! Natarimani Allataala sempajammu sibawa naéngngeranni asémpoatimmu.

MAZMUR 35:27

Tennapodo tau iya macinnaé mitaka ripattongengngi gora-gora sibawa marennu. Tennapodo mennang makkolik-kolingngi makkeda, “Maraja tongeng Puwangnge! Nacinnaiwi asalamakenna atan-Na!”

YESAYA 56:5

riyéngngerangngi matu asemmu ri laleng Bola-Ku sibawa ri yelle'na bangsa-Ku. Lebbi makessingngi iyaro naiya mappunnaiyé ana'-ana' worowané sibawa makkunrai. Uwérékko aseng mannennungeng iya dé'é nariyallupai matu.”

PAKKATOBBA 7:18

Niniriwi iya duwannaro onna. Rékko métauki ri Allataala, pastini mallolongekki makessingngé.

MAZMUR 51:18

Dé' muwéloriwi akkarobangeng rigéréé; ébara'na makkasuwiyakka akkarobangeng ritunu, dé' Mupojiwi.

MAZMUR 20:5

Tennapodo Aléna mabbéréyangngi sininna iya muwacinnaiyé, sibawa mébbui sininna rancanamu papolé wassélé.

RIWAYA'NA RASUL-RASUL-E 10:4

Naitani Kornélius iyaro malaéka'é sibawa métauna nainappa makkeda, “Engka aga Puwang?” Nappébali iyaro malaéka'é, “Sempajammu sibawa asémpoatimmu natarimani Allataala sibawa naéngngeranna Allataala.

ZAKHARIA 6:14

Iyaro passigera'é ritaroi matu ri Bola-Ku untu' paréngngerangiwi Héldai, Tobia, Yédaya, sibawa Yosia.

MAZMUR 122:6

Assempajanno untu' asaléwangenna Yérusalém: “Tennapodo sininna tau iya pojiyékko saléwangengngi.

ESTER 4:11

“Tungke' tau, muwi worowané iyaré'ga makkunrai, iya tenriyobbié, mangoloi ri arungngé ri seddé lalenna saorajaé, harusu'i rihukkung maté. Iyaro iyanaritu undang-undang na sininna tauwé mappammulai ri pappangajana arungngé lettu ri ra'ya'é ri propinsi-propinsié, naisseng gau'éro. Banna engka séddi laleng untu' leppe polé ri undang-undangngéro, iyanaritu rékko natanréyangngi arungngé tekkeng ulawenna lao ri tauwéro. Rékko kajajiyangngi iyaro, salama'i matu. Iyakiya siulennié dé' naobbika arungngé.”

2 TAWARIKH 26:5

Zakharia iyanaritu pappangaja rohaninna. Ri wettu tuwona mupa Zakharia, matinului Uzia massompa ri Puwangnge angkanna Puwangnge barakkakiwi.

ABBILANGENG 10:10

Makkuwatoro ri esso-esso marennummu, iyanaritu ri pésta-pésta Uleng Barué sibawa ramé-ramému iya laingngé, iyaro tarompé'é harusu'i riseppung wettummu makkasuwiyangeng akkarobangeng ritunu sibawa akkarobangeng pappasidamé lao ri Iyya. Na Utulukko matu. Iyya'na Puwang Allataalamu.”

ASSURENG 28:29

Wettunna Harun muttama ri onrong mapaccingngé, harusu'i natiwi aseng-ngasenna suku Israélié iya riyokié ri pattongko arona, kuwammengngi Iyya, Puwang, tuli uwéngngerangngi umma'-Ku.

ANGIMANGENG 24:7

Taroiwi kamennyang tuléng tungke' susung roti untu' tanrangiwi makkedaé iyaro rotié akkarobangeng inanré untu' Puwangnge.

ANGIMANGENG 2:2

Harusu'i natiwi risining imang wija-wijanna Harun. Imang iya majjamaé harusu malai sikemmo iyaro labbu'é sibawa minnya zaitunna enrengngé sininna kamennyanna, nainappa natunu ri yasé'na mézbaé selaku tanrang makkedaé purani riyakkasuwiyangeng maneng lao ri Puwangnge. Baunna iyaro akkarobangeng inanré pésennangiwi atinna Puwangnge.

NEHEMIA 1:4

Uwéngkalingana karébaéro, tudanna sibawa teri. Siyagangngaré esso ittana masussa atikku. Matteruka mappuwasa umassempajatto lao ri Allataala,

MAZMUR 102:17

rékko napatettongngi Puwangnge Sion paimeng, sibawa malluru ri laleng arajan-Na.