NEHEMIA 11:1 - KITTA KAREBA MADECENG

¹ Sining pamimpingngé mattette'i ri Yérusalém sibawa naundiwi ra'ya'é untu' pilé séddi kaluwarga polé ri tungke' seppulo kaluwarga iya harusu'é monro ri kota mapaccingngé Yérusalém. Iya dé'é natappilé weddingngi monro ri kota-kota laingngé.

NEHEMIA 11:1 Խաչաձեւ Հղումներ

YESAYA 48:2

Namuni makkuwaro, muwangakuiwi sibawa matempo makkedaé pabbanuwanako kota mapaccingngé; sibawa sanréko ri Allataalana Israélié iya riteppué Puwang Iya Pommakuwasaé.

YESAYA 52:1

Tokkonno, éh Yérusalém, tokkonno! Pakkasse'i atimmu! Pasangngi pakéyang arajammu! Eh Yérusalém, kota iya mapaccingngé, tau najisi'é dé'na nauttama lalo ri gerbammu.

NEHEMIA 10:34

Idi, ra'ya'é, sining imangngé sibawa sining tau Léwié, mundiwi matu tungke' taung untu' pattentui appang niga iya harusu'é passadiya aju tunung untu' sining akkarobangeng pakkasuwiyangngé lao ri Puwang Allataalata, situru peraturang Hukkungngé.

MATIUS 4:5

Purairo natiwini Ibillisi' Yésus ri Yérusalém, kota marajaé, nanataroi ri coppo Bolana Puwangngé.

RIWAYA'NA RASUL-RASUL-E 1:24

Nassempajanna mennang. Makkedai mennang, “Puwang Muwissengngi atinna sininna tauwé. Sempé'ni Yudas polé ri pangka'na selaku rasul sibawa maténi. Jaji jellorenni, niga polé ri iya duwa tauwéwé iya tapilé Puwang untu' riwéréng jamang sulléi Yudas.”

MATIUS 27:53

Massu mennang polé risining tampungngé puranana Yésus moto polé ri amaténgngé, sibawa muttama' ri Yérusalém. Namaéga tau mitai mennang kuwaro.

AMSAL 16:33

Untu' missengngi totoé, naundiwi tolinoé, iyakiya iya pattentuéngngi pappébalinna banna Puwangnge bawang.

MAZMUR 122:5

Kuwaniyé lao sining arung wijanna Daud madélékiwi ra'ya'na.

1 TAWARIKH 26:13

Tungke' appang muwi appang iya battowaé iyaré'ga appang iya baiccu'é, gettengngi loteréi untu' missengngi ri pintu gerbang kégi mennang harusu majjama.

YOSUA 18:10

Nainappa naloteréi Yosua untu' missengngi aga iya napattentué Puwangnge untu' mennang. Puranaro nabbéréyanni Yosua bagiyang tanaé lao ri tungke suku bangsa Israélié iya dé'eppa nakabagéyang tana.

RIWAYA'NA RASUL-RASUL-E 1:26

Purairo riloteréini iya duwa asengngéro, na Matias nakenna. Jaji riyakkani mancaji rasul untu' maccowé silaong iya seppulo séddi rasul laingngé.

1 TAWARIKH 9:3

Si bagiyang polé ri suku Yéhuda, Bényamin, Efraim sibawa Manasyé lisuni sibawa monro ri Yérusalém.

1 TAWARIKH 8:28

Iyanaro kapala-kapala kaluwargaé sibawa pamimping-pamimping iya tarokié ri laleng assossorenna. Monroi mennang ri Yérusalém.

1 TAWARIKH 9:1

Sininna tau Israélié ridaftar-i situru kaluwargana tungke'-tungke'. Iyaro daftar-é tarokii ri laleng kitta Arung-ngarunna Israélié. Selaku pahukkungenna dosa-dosana mennang, ritiwii ra'ya' Yéhudaé ri appalirengngé.

1 TAWARIKH 9:2

Polé ri yelle'na mennang iya bunge'-bunge'é lisu ri tana appunnangenna ri kota-kotaé iyanaritu tau biyasaé, imangngé, tau Léwié sibawa pajjama-jamana Bolana Puwangnge.

NEHEMIA 4:22

Ri lalenna wettuéro sininna pajjamaé sibawa pabbantunna mennang, usuroi mabbenni ri Yérusalém. Narimakkuwannanaro ri wennié weddikki jagaiwi kotaé na essona patettongngi témbo'na.

MAZMUR 122:6

Assempajanno untu' asaléwangenna Yérusalém: “Tennapodo sininna tau iya pojiyékko saléwangengngi.