NEHEMIA 10:38 - KITTA KAREBA MADECENG

³⁸ Iyakiya séddié imang wija Harun harusu'i ranrengngi sining tau Léwiéro rékko naléléi mennang sining pakkasuwiyangngéro. Sibawa tawaseppulona polé risininna pakkasuwiyangngéro harusu'i natiwi sining tau Léwiéro risining bili' bokongngé ri Bolana Puwangnge.

NEHEMIA 10:38 Խաչաձեւ Հղումներ

1 TAWARIKH 9:26

Iyakiya iya eppa kapala panganrowangngéro majjamai secara tette. Mattanggung jawa'i mennang ri bili'-bili'é ri Bolana Puwangnge sibawa barab-barang iya ritaroé kuwaro.

ANGIMANGENG 27:30

Tawa seppulona polé risininna wassélé tanaé, muwi gandong iyaré'ga buwa-buwa, iyanaritu untu' Puwangnge.

ABBILANGENG 15:19

Rékko mappammulani muwanré aga napowassélé iyaro wanuwaé, harusu'i mupallaing sibagiyang untu' pakkasuwiyang iya ripallaingngé untu' Puwangnge.

ABBILANGENG 15:21

Untu' mannennungeng tungke' roti iya polé ri gandong iya bunge' riyéngngalaéro harusu'i muwabbéréyang selaku pakkasuwiyang iya ripallaingngé lao ri Puwangnge.

ABBILANGENG 18:21

Adana Puwangnge lao ri Harun, “Sininna pakkasuwiyang tawa seppulona tau Israélié uwéréngngi sining tau Léwié. Iyanaro bagiyang manana mennang untu' jama-jamanna mennang ri Kémaku.

ABBILANGENG 18:24

nasaba untu' manana mennang purani Uwéréng sininna pakkasuwiyang tawaseppuloé iya nakkasuwiyangngé tau Israélié lao ri Iyya selaku pabbéré iya ripallaingngé. Iyanaro saba'na passalenna tau Léwié Upowadai makkedaé dé' matu mennang nalolongeng bagiyang mana ri Israélié.”

ULANGENG 14:22

“Tungke' taung harusu'i mupallaing tawaseppulona polé ri wassélé tanamu.

NEHEMIA 13:31

Uwatoro' towi kuwammengngi na ri wettu-wettu mattentué, aju tunung untu' pakkasuwiyangeng akkarobangengngé weddingngi ripassadiya sibawa weddingngi ra'ya'é tiwi pakaksuwiyang wassélé bunge' mammulangngé. Paccappurenna massempajakka, “Allataalaku, éngngerangngi iya manennaé sibawa barakkakika.”