NEHEMIA 1:6 - KITTA KAREBA MADECENG

⁶ Itaka oh Puwang, sibawa éngkalingai sempajang iya upaénré'é ri yolo-Mu esso sibawa wenni untu' umma Israél, ata-atam-Muro. Uwangakuiwi makkedaé idi, umma Israélié, madosani; iyya sibawa toriyoloku madosa toni.

NEHEMIA 1:6 Խաչաձեւ Հղումներ

DANIEL 9:20

Matteruka massempajang sibawa mangakuiwi dosaku sibawa dosana bangsaku Israélié, enrengngé méllauwi ri Puwang Allataalaku untu' palisui Bola-Na iya mapaccingngé.

DANIEL 9:4

Uwakuiwi dosana sininna bangsaku lao ri Puwang Allataalaku. Adakku, “Puwang Allataala, marajaki, na Idi pakalebbiki. Tuli Murupaiwi assijancim-Mu sibawa mappaitangngi pammasé-Mu iya mannennungengngé lao ri mennang iya mamaséiyék-Ko sibawa pogau'i aga iya Muwapparéntangngé.

MAZMUR 34:15

Abélaiwi majaé, pogau'i iya makessingngé, usahakangngi assidaméngengngé sibawa maggangka ullé.

MAZMUR 106:6

Purani madosa pada-pada toriyolota; purani pogau'i majaé sibawa madoraka.

2 TAWARIKH 29:6

Toriyolota dé' namatinulu lao ri Puwang Allataalata sibawa napogau'i mennang iya dé'é napésennangiwi atin-Na. Dé' mennang nabati-batiwi Aléna sibawa dé' napaduliwi onrong Naonroiyé.

2 TAWARIKH 6:40

Makkekkuwangngé, oh Allataala, jampangiki sibawa éngkalingai sempajang iya ripalettu'é lao ri Iko polé ri onrongngéwé.

YESAYA 6:5

Nainappa makkedaka, “Cilaka! Dé'na amménasanna ri aléku, saba' macarépai témukku nasaba dosa, namonroka ri yelle'na bangsa iya makkuwaéttoro. Namuni makkuwaro, nasibawang mata ulukku purani uwita Arungngé, Puwang Iya Pommakuwasaé!”

1 YOHANES 1:9

Iyakiya rékko tangakuiwi dosa-dosata lao ri Allataala, narupaiwi matu jancin-Na sibawa napogau'i aga iya adélé'é. Naddampengengngi dosa-dosata sibawa napépaccingiki polé ri sininna pangkauketta iya salaé.

LUKAS 18:7

Dé'ga Allataala naéwaiwi matu parakarana umma'-Na iya mangobbié ri Aléna esso wenni? Aga matengnge'gika matu Aléna untu' tulungngi mennang?

2 TIMOTIUS 1:3

Sukkuru'ka lao ri Allataala iya utumaningiyé sibawa ati iya mapaccingngé pada-pada iya napogau'é néné-nénéku riyolo. Tuli mattarima kasi'ka lao ri Allataala sises-siseng uwéngngerakko ri laleng sempajang, muwi esso iyaré'ga wenni.

AWATINGENG 5:7

Madosai toriyolota, dé'ni gaga makkekkuwangngé; iyakiya harusu'ki manrasa-rasa, nasaba dosa-dosana mennang.

1 TIMOTIUS 5:5

Janda iya tonget-tongengngé alé-alé, sibawa dé' nappunnai niga-niga iya weddingngé piyarai, banna mamménasai ri Allataala. Esso wenniwi matteru massempajang lao ri Allataala untu' méllauwi pattulun-Na.

MAZMUR 130:2

Puwang, éngkalingai pangobbiku, pénessaiwi paréllaukku.

MAZMUR 55:17

Iyakiya mangobbika lao ri Allataala, Puwangnge passalama'ka matu.

MAZMUR 32:5

Nainappa uwangakui dosaku lao ri Iko, dé'gaga usubbu asalakku. Upettuini untu' mangakuiwi lao ri Iko, sibawa Muwaddampengengngi sininna dosaku.

EZRA 10:1

Wettunna Ezra massempajang naterito sibawa mangaku dosa ri yolona Bolana Puwangnge, maéga senna tau Israél polé maddeppungeng, muwi worowané, iyaré'ga makkunrai sibawa ana'-ana'. Nattulilingiwi mennang naterito maladde.

EFESUS 2:3

Riyolo pada-pada maneng tokki sibawa mennang; tuwoki situru kédo-kédo tolinota sibawa pogau'i aga iya sennangiyéngngi watakkalé sibawa pikkiratta. Iyaro wettué idi'na iyanaritu sining tau iya nakennaétto caina Allataala, pada-pada sining tau laingngé.

LUKAS 2:37

namancaji janda Hana, na makkekkuwangngé umuru'na aruwani pulona eppa taung. Dé' naengka nasalaiwi Bolana Puwangngé. Esso wenniwi massompa kuwaro lao ri Allataala massempajang sibawa mappuwasa.

MAZMUR 88:1

Elong. Mazmurna appang Korah. Untu' pamimping kor. Situru lagunna: Mahalat Léanot. Elong pappagguruwanna Héman, tau Ezrahié.

EZRA 10:11

Rimakkuwannanaro, angakuini dosamu lao ri Puwangnge, Allataala iya nasompaé néné-nénéta, sibawa pogau'ni aga iya pésennangiyéngngi atin-Na. Abélaiwi tau laing iya monroé ri wanuwatta sibawa paddésu'ni sining bainému polé ri bangsa laingngéro.”

2 TAWARIKH 28:10

Na makkekkuwangngé maéloko pancaji ata-atai sining tau Yérusaléngngé sibawa Yéhudaé! Dé'ga muwissengngi makkedaé madosa tokko lao ri Puwang Allataalamu?

1 SAMUEL 15:11

“Massesse kalé-Ka pura makkai Saul mancaji arung, saba' mabbokoni polé ri Iyya, sibawa dé' napogau'i parénta-Ku.” Messéni Samuél, na puppu benni madaréké lao ri Puwangnge.

1 ARUNG-NGARUNG 8:47

tennapodo Muwéngkalingai sempajanna mennang. Rékko ri wanuwaéro nasalaiwi dosa-dosana, sibawa massempajang lao ri Iko nanangakui towi makkedaé madosani mennang sibawa pogau'i majaé, éngkalingai sempajanna, oh Puwang.

NEHEMIA 1:11

Engkalingai sempajakku sibawa sempajanna sininna atam-Mu iya laingngé, iya maéloé pakalebbi-Ko. Abbéréyanni pattulum-Mu kuwammengngi na ri essoéwé iyaé atam-Mu naulléi lolongeng paressé babuwa polé ri arungngé.” Iyaro wettué pangurusu énungennaka arungngé.

MAZMUR 102:17

rékko napatettongngi Puwangnge Sion paimeng, sibawa malluru ri laleng arajan-Na.

DANIEL 9:5

Purani madosaki, purani ripogau' majaé, sibawa pogau' asalang. Purani maronta'ki sibawa majjalékkaiwi parénta-Mu enrengngé léssé polé ri atoreng-atorem-Mu.

DANIEL 9:8

Arung-ngarutta, sining pamimpitta sibawa néné-nénéta purani napogau' gau'-gau' iya mappakasiri-sirié sibawa purani madosa lao ri Iko, oh Puwang.

DANIEL 9:15

Oh Puwang, Allataalata, purani Muwappaitang akuwasam-Mu sibawa tiwii umma'-Mu massu polé ri Maséré, na iyaro akuwasam-Mu tette mupi risénge. Purani madosaki sibawa pogau' asalang.