NEHEMIA 1:5 - KITTA KAREBA MADECENG

⁵ “Oh Puwang Allataala makuwasaé ri surugaé. Idi Allataala Iya Marajaé namangoloki ri idi sibawa penno tau. Tette'ki matinulu sibawa makkatenningngi jancim-Mu lao ri tau iya méloriyék-Ko sibawa turusiyéngngi parénta-Mu.

NEHEMIA 1:5 Խաչաձեւ Հղումներ

ASSURENG 20:6

Iyakiya Uwappaitangngi pammasé-Ku lao ri massebbu-sebbu assossorenna sining tau iya méloriyékka sibawa turusiwi parénta-Ku.

ULANGENG 7:21

Jaji aja' mumétau lao ri bangsa-bangsaéro. Puwang Allataalamu linrungiko. Aléna iyanaritu Allataala iya marajaé sibawa maseroé.

NEHEMIA 4:14

Wettunna uwita makkedaé métaui ra'ya'é, makkedana lao ri sibawa lao risining tomariyoloé enrengngé sining pamimpingngé, “Aja' mumétau lao ri balié! Aréngngerakko lao ri Puwang iya mawatangngé namasero, sibawa éwano untu' saudara-saudaramu, ana'-ana'mu, bainému sibawa bolamu!”

ULANGENG 7:9

Engngerangngi makkedaé Puwang Allataalamu iyanaritu séddi-séddinna Allataala, na Aléna Allataala iya matinulué. Puwangnge pennoiwi jancin-Na sibawa mappaitangngi pammasé-Na iya tette'é narapi sisebbu assossoreng lao ri tau iya pojiyéngngi sibawa turusiwi parénta-parénta-Na.

NEHEMIA 9:32

Oh Allataala, Allataalata iya mawatangngé! Allataala iya battowaé namasero! Matinulu-Ko makkatenningngi sininna assijancingngé; janci-jancim-Mu Murupaiwi sibawa Mupogau'i. Sipongenna arung Asyur tenre'ki lettu makkekkuwangngé, maéga anrasa-rasang ripéneddingi. Sining arutta, imangngé, nabié sibawa sining tomariyoloé, makkuwatoro sining toriyoloé sibawa ra'ya'é, pura manenni manrasa-rasa. Aja' Muwallupaiwi sininna anrasa-rasangngéro! Aja' Muwallupaiwi polé ri paréngngeram-Mu!

1 ARUNG-NGARUNG 8:23

namassempajang, “Puwang, Allataalana Israélié! Ri langié iyaré'ga ri linoé dé'gaga iya pada-padangngék-Ko! Murupaiwi jancim-Mu sibawa mappaitangngi pammasé-Mu lao ri umma'-Mu iya matinulué sibawa mapatoé sukku atinna lao ri Iko.

1 TAWARIKH 17:21

Ri sininna linoé dé' gaga bangsa pada-pada Israél. Israél iyanaritu alé-aléna bangsa iya Mupaleppe'é polé ri angatangengngé untu' mancaji umma'-Mu muto. Sininna pangkaukeng battowaé namakalallaing iya Mupogau'é lao ri mennang mébbui asem-Mu tarompo ri sininna linoé. Mupaleppe'i umma'-Mu polé ri Maséré, sibawa panyingkiri'i bangsa-bangsa laingngé wettunna maju umma'-Mu mammusu.

MAZMUR 47:2

Appaleppa'no sibawa marennu, éh sininna bangsaé! Pojiwi Allataala sibawa gora-gora!

MAZMUR 89:2

Paressé babuwa-Mu, Puwang, maélo upuwélong mannennungeng, atinulurem-Mu uwabbirittang matu massossoreng.

MAZMUR 89:3

Saba' uwisseng pammasé-Mu mannennungengngi, atinulurem-Mu mattinettoi pada-pada langié.

ULANGENG 7:12

“Rékko mupuriyatiwi iyaro parénta-paréntaé, sibawa pogau'i sibawa matinulu, matinulu towi matu Puwang Allataalamu lao ri assijancing iya Naébbué sibawa iko. Nappaitangngi matu pammasé-Na iya tette'é ri iko, pada-pada iya Najjanciyangngé lao ri toriyolomu.

EZRA 1:2

“Iyanaé paréntana Korésy, arung Persia. Puwangnge, Allataala makuwasa ri surugaé pura pancajika arung ri sininna linoé, sibawa suroka untu' patettongengngi bola ri Yérusalém ri daéra Yéhuda.

NEHEMIA 2:4

Nakkutana arungngé, “Jaji, aga muwacinnai?” Ri laleng ati massempajakka lao ri Allataala makuwasaé ri surugaé,

NEHEMIA 4:8

Masséddini mennang maélo gasai Yérusalém untu' paompo akacaungeng.

MAZMUR 76:8

Masero tongek-Ko! Rékko macai-Ko, niga mulléi mattahang?

MAZMUR 89:8

Ripakalebbi-Ko ri yelle'na sining mapaccingngé, riyétauri lebbi naiya sininna ri mattulilim-Mu.