NEHEMIA 1:3 - KITTA KAREBA MADECENG

³ Nacuritani mennang makkedaé sining tau puraé ripali iya lisuénna ri tana assalennaro, tuwoni makkekkuwangngé manrasa-rasa sibawa ripakatuna ri bangsa-bangsa laingngé iya engkaé ri seddéna. Nainappani, témbo-témbo'na kota Yérusalém ancuru mupi tassiya-siya sibawa pintu-pintu gerbanna dé'pa naripédécéngi sipongenna ritunu ri wettu labe'é.

NEHEMIA 1:3 Խաչաձեւ Հղումներ

NEHEMIA 2:17

Iyakiya rimunri makkedaka lao ri mennang, “Itani keadaatta iya manrasa-rasaéwé! Sésa-sésana mani Yérusalém monro sibawa pintu-pintu gerbanna cappuni nanré api. Laono mai tapatettongngi paimeng témbo-témbo kotana Yérusalém kuwammengngi dé'na naripakatunaki paimeng.”

2 ARUNG-NGARUNG 25:10

Nainappa sininna ana' buwana ruttungngi témbo'-témbo'na kotaéro.

NEHEMIA 7:6

Maéga ri yelle'na sining tau ripalié salaiwi propinsi Babél nalisu ri Yérusalém sibawa Yéhuda, tungke'-tungke' ri kotana muto. Maittani mennang tuwo ri appalirengngé ri Babél, sipongenna mennang ritiwi kuwaro selaku tawangeng ri Arung Nébukadnézar.

NEHEMIA 2:13

Makalemmeng mupi wettunna risalai kotaé lalo ri Pintu Gerbang Lompo'é ri seddé yajang. Mattujuki ri seddé yattang, ri Pintu Gerbang Warowoé, lalo ri Mata Uwai Naga. Ri laleng allalengengngéro uparéssai sining asolangenna témbo'na kotaé sibawa uwita towi pintu-pintu gerbang iya cappuénna nanré api.

NEHEMIA 2:3

nainappa mappébali, “Tuwoi Datu untu' mannennungeng! Pékkugi atatta temmasara, rékko kota onrong kuburu'na néné-nénéna atatta makkekkuwangngé goppo ruttungeng mani monro sibawa pintu-pintu gerbanna ancuru'ni nanré api.”

EZRA 5:8

Memmuwaré napahangngi Datu, makkedaé poléni ri propinsi Yéhuda sibawa mitai makkedaé Bolana Puwangnge, Allataala Iya Battowaé, mattengngangngi ripatettong paimeng sibawa batu-batu loppo sibawa témbo-témbo iya rilapiriyé aju. Iyaro jama-jamangngé napogau'i sibawa matutu senna enrengngé joppana sibawa masitta.

AWATINGENG 5:1

Engngerangngi, oh Puwang, aga kajajiyangngé ri idi. Tiroki, sibawa itani atunatta.

AWATINGENG 3:61

Iko, Puwang, méngkalingaka ripakatuna; Muwisseng sininna rancanana mennang.

AWATINGENG 1:7

Maruttunnana sibawa manrasa-rasa, naéngngeranni Yérusalém wettu labe'na, wettunna maéga mupa waramparang; pékkugi pabbanuwana sempé ri limanna balié, na dé' muwi séddi tau polé mattulung. Banna macawai sining balinna mitai aruttungenna.

YEREMIA 52:14

Nainappa sininna ana' buwana ruttungngi témbo'-témbo'na kotaéro.

YEREMIA 42:18

Pada-pada Iyya, Puwang Allataalana Israélié tuppa'i cai-Ku sibawa apéddarak-Ku ri yasé'na pabbanuwana Yérusalém, makkuwatoro Utuppa'i matu apéddarak-Ku ri yasé'mu iya laowé ri Maséré. Masélengngi matu tauwé mitako; ripakatunako matu, sibawa ripakéi matu asemmu selaku tanro. Dé'na muwitai matu iyaé tana ancajingemmu.”

YEREMIA 39:8

Na wettuéro natununi sining tau Babél-é saorajana arungngé sibawa sining bolana ra'ya'é, enrengngé ruttungngi témbo-témbo'na Yérusalém.

YEREMIA 29:18

Ulellungngi matu mennang sibawa musu, akkadéreng, sibawa sai angkanna sininna bangsaé risininna linoé takkini-kini matu mitai keadaanna mennang. Kégi-kégi Upassara-sarangngi mennang, takkini-kinii matu tauwé sibawa métau mitai aga iya puraé kajajiyang sibawa mennang. Riyéllé'i matu mennang, sibawa asenna mennang ripakéi selaku tanro.

YEREMIA 24:9

Maélo-Ka cilakaiwi mennang makkuwa mani rupanna angkanna métau sininna bangsaé ri sininna linoé. Kégi-kégi Upatassiya-siya mennang, riyéllé'i matu mennang, ripancaji addicawang sibawa ribuwé'. Ripakéi matu asenna mennang selaku tanro.

YEREMIA 5:10

Suroka matu bali untu' solangiwi palla anggoro'na mennang, iyakiya tenniya untu' paccappui. Usuroi matu iyaro balié lébongngi carangé-carangéna pong anggoro'na mennang, saba' iyaro carangé-carangéé tenniya appunnangek-Ku.

YESAYA 43:28

imang-ngimammu purai nacarépai Bola-Ku. Na-Uwabbéréyangngi Israélié untu' ripakatuna, wija-wijanna Yakub Uleppessangngi ripaccappu.”

YESAYA 5:5

Mappakkuwaiyé Ugaukengngi matu iyaro palla anggoro'-Ku: Ubébbui matu sappo iya mattulilingiyéngngi, témbo iya linrungiyéngngi Uruttungngi matu, nainappa Uleppessang olokolo masekkangngé solangiwi sibawa léjja-léjja'i.

MAZMUR 79:4

Mancajiki akkéllé-kéllékenna bangsa-bangsa sideppéta, nacawa-cawaiki mennang sibawa nabuwé'ki.

ESTER 1:1

Ri Susan, ibukotana Persia, mapparéntai Ahasywéros selaku arung. Akkarungenna poléi ri 127 propinsi, mappammulai ri India lettu ri Sudan.

NEHEMIA 11:3

Ri kota-kota laingngé, ra'ya' Israélié, sining imangngé, sining tau Léwié, sining pajjama-jama Bolana Puwangnge, sibawa wija-wijanna sining pattumaninna Salomo monroi ri tana appunnangenna sibawa ri kota-kotana muto mennang.

EZRA 2:1

Maéga ri yelle'na sining tau ripalié salaiwi daéra Babél nanalisu ri Yérusalém sibawa Yéhuda, tungke'-tungke' lao ri kotana muto. Purani mennang tuwo ri appalirengngé ri Babél sipongenna ritiwi kuwaro ri Arung Nébukadnézar.

1 ARUNG-NGARUNG 9:7

Upaddésu'i matu umma'-Ku Israélié polé ri wanuwa iya puraé Uwéréngngi mennang. Usalai towi matu iyaé bolaé iya puraé Upattette mancaji onrong assompang lao ri Iyya. Kégi-kégi ripakatunai matu tau Israélié sibawa ricawa-cawai.

AMSAL 25:28

Tau iya dé'é naullé makuwasaiwi aléna pada-padai kota iya maruttungngénna attahangenna.

AWATINGENG 2:9

Natébunni tana sining gerbanna, poloni sining paccala'na; arung sibawa pajaba pamaréntaé engkai ri appalirengngé. Dé'na nappagguruwangngi hukkunna Puwangnge; dé'na natarima wéré nabié polé ri Puwangnge.

ANGIMANGENG 26:31

Upinrai kota-kotamu mancaji goppo-goppo ruttungeng, sining onrong assompammu Uwancuru'i sibawa dé' Utarimai sining akkarobammu.

ANGIMANGENG 26:33

Maélo-Ka paompo musu ri wanuwammu sibawa passara-sarakko ri wanuwa-wanuwa laingngé. Kaboi matu sining dare'mu, sibawa rileppessangngi kota-kotamu mancaji goppo ruttungeng.

2 TAWARIKH 36:19

Naruttungngi témbo'na kota Yérusalém, sibawa natunui iyaro kotaé, muttama'ni Bolana Puwangnge sibawa sininna saorajaé silaong barab-barang mangke'é iya engkaé mupa ri laleng sining saorajaéro.