NEHEMIA 1:2 - KITTA KAREBA MADECENG

² Iyaro wettué, silessurekku Hanani, engkai polé ri Yéhuda silaong siyagangngaré tau. Nainappa utanai mennang passalenna keadaangngé ri Yérusalém sibawa sining tau Yahudié iya lisuénna polé ri appalirengngé ri Babél.

NEHEMIA 1:2 Խաչաձեւ Հղումներ

NEHEMIA 7:2

Apparéntanna kota Yérusalém uwabbéréyangngi lao ri silessurekku Hanani sibawa lao ri Hananya, pallimana bénténgngé, nasaba lebbiwi naiya tau laingngé, métaui lao ri Allataala sibawa weddingngi riyatepperi.

YEHEZKIEL 6:9

kuwaniro mennang tuwo ri laleng appalirengngé. Nainappa naéngngerak-Ka matu mennang enrengngé najeppuinna makkedaé Iyya pahukkung sibawa pakatunai mennang saba' atinna mennang dé' namatinulu lao ri Iyya. Nasalaina mennang sibawa piléi barahalaé selaku passullé-Ku. Nainappa majai matu pappéneddinna mennang lao ri aléna muto mennang nasaba sininna ja sibawa atunang iya puraé napogau' mennang.

YEHEZKIEL 7:16

Leppe'i matu sibagiyang nanalari lao ri bulué. Kuwaro pada-padai matu mennang jangang-jangang iya rirukkaé polé ri lompo-lompo'é; maddaréké manengngi matu nasaba dosa-dosana mennang.

YEREMIA 44:14

Polé ri tau Yéhuda iya risésaé, iya laoénna ri Maséré untu' monro kuwaro, dé' muwi séddi tau leppe matu iyaré'ga tuwo. Dé' muwi séddi tau polé ri mennang lisu matu ri Yéhuda, namuni makkuwamani nacinnainna iyaro gau'é. Tongeng, dé'gaga iya lisué matu sangadinna siyagangngaré tomangungsi.”

EZRA 9:14

Jaji, pékkugi makkulléki mallupaiwi sining parénta-Mu sibawa kawing campurang sibawa sining tau majaéro? Rékko ripogau'i, pastini makkuwamani cai-Mu angkanna muancuru sisekki sibawa dé' muleppessangngi muwi séddi tau tuwo.

KAJAJIYANG 14:10

Iyaro lompo'é pennoi sibawa bujung kamalo, na wettunna sining arung polé ri Sodom sibawa Gomora makkuraga lari polé ri ammusurengngé, sempé'ni mennang ri laleng sining bujungngéro. Iya tellu arung laingngé naulléi leppe' nanalari lao ri buluna.

2 ARUNG-NGARUNG 24:14

Arung Yoyakhin, indo'na, sining bainéna, pegawé-pegawénna, sibawa pamimping-pamimpinna Yéhuda – iya manenna 7.000 tomariyolo – ritawang sibawa ritiwi ri Babél. Makkuwatoro sining pajjama-jama maccaé sibawa panré bessié singngéga 1.000 tau, iya manenna tau mawatang sibawa barani untu' mammusu. Sining tau wija-wijanna arungngé, sibawa muwi sining tomariyoloé ritiwito ri appalirengngé – iya manenna engka 10.000 tau. Nawéki sininna pabbanuwana Yérusalém ritiwi; iya monroé banna ra'ya' iya kaminang kasiyasié.

2 ARUNG-NGARUNG 25:12

Iyakiya sibagiyang ra'ya' iya kaminang kasiyasié sibawa dé'é nappunnai waramparang nasalaiwi ri Yéhuda sibawa nasuroi jamai palla anggoro'é sibawa sining dare'é.