NEHEMIA 1:11 - KITTA KAREBA MADECENG

¹¹ Engkalingai sempajakku sibawa sempajanna sininna atam-Mu iya laingngé, iya maéloé pakalebbi-Ko. Abbéréyanni pattulum-Mu kuwammengngi na ri essoéwé iyaé atam-Mu naulléi lolongeng paressé babuwa polé ri arungngé.” Iyaro wettué pangurusu énungennaka arungngé.

NEHEMIA 1:11 Խաչաձեւ Հղումներ

NEHEMIA 1:6

Itaka oh Puwang, sibawa éngkalingai sempajang iya upaénré'é ri yolo-Mu esso sibawa wenni untu' umma Israél, ata-atam-Muro. Uwangakuiwi makkedaé idi, umma Israélié, madosani; iyya sibawa toriyoloku madosa toni.

NEHEMIA 2:8

Ri lainnaéro, méllau tokka sure' untu' Asaf, panganrowanna ale akkarungengngé, kuwammengngi napassadiya aju untu' pintu gerbanna bénténgngé ri seddé Bolana Puwangnge, sibawa untu' témbo'na kotaé enrengngé bola iya uwonroiyé matu. Napennoini arungngé sininna paréllaukkuro, nasaba Allataala tulukka.

NEHEMIA 2:1

Riséuwaé esso, eppa uleng rimunrinna, iyanaritu ri uleng Nisan, wettunna Arung Artahsasta mattengngang manré, patalana anggoro ri yolona sibawa tappa iya masussaé. Dé'pa naengka napaita masussa ri yolona pada-pada essoéro.

IBRANI 13:18

Atteruko massempajangekki. Mateppe'ki ati marilaletta mapaccingngi, saba' ri laleng sininna gau'é tuli maéloki pogau'i aga iya tongengngé.

AMSAL 21:1

Pada-pada Puwangnge matoro'i uwai saloé kuwammengngi namassolo, situru élo-Na, makkuwatoro Napimpingngi pikkiranna arungngé.

MAZMUR 130:2

Puwang, éngkalingai pangobbiku, pénessaiwi paréllaukku.

EZRA 7:6

Ezra séddiwi tau iya maccaé sibawa maéga naisseng passalenna Hukkung iya nabbéréyangngé Puwangnge, Allataalana Israélié lao ri Musa. Nasaba ribarakkakiwi Ezra ri Puwang Allataalana, nariwérénna ri arungngé sininna iya naéllauwé. Ri taung mapitué apparéntanna Arung Artahsasta, joppani Ezra polé ri Babél mattuju ri Yérusalém silaong sirombongang tau Israél iya polé risijumella imang, tau Léwi, pakkélong nenniya panganrowang gerbang ri Bolana Puwangnge, sibawa sining pajjamaé.

MAZMUR 86:6

Jampangiwi sempajakku, oh Puwang, éngkalingai pangobbiku méllau pattulung.

EZRA 1:1

Ri taung mammulangngé apparéntanna Korésy, arung Persia, napogau'ni Puwangnge aga iya puraé Napowada naolai Nabi Yérémia. Puwangnge dorongngi atinna Korésy untu' passu séuwa parénta iya ribacaé ri sininna akkarungenna. Makkuwaiyé oninna:

KAJAJIYANG 40:21

Pangurusu énungengngé napalisui lao ri jabatanna riyolo.

KAJAJIYANG 40:23

Iyakiya iyaro pangurusu énungengngé dé'na naéngngeranni Yusuf. Nallupai sisenni aléna.

KAJAJIYANG 41:9

Nainappa makkeda pangurusu énungengngé lao ri arungngé, “Iyaé essoé harusu'i atatta nangakui asalanna atatta.

KAJAJIYANG 32:11

Uwéllauwi sibawa masero, passalama'ka polé ri kakaku Esau. Métauka ajakké poléi luruika sibawa paccappu manekki, makkuwatoro makkunraié sibawa ana'-ana'é.

AMSAL 1:29

Pada-padako tau iya dé'é naengka napojiwi lolongeng pangissengeng, sibawa bata-bata turusiwi Puwangnge.

KAJAJIYANG 43:14

Tennapodo Allataala Iya Pommakuwasaé mébbui iyaro gubernur-é marasa kasiyang lao ri iko, angkanna maéloi palisui Bényamin sibawa Siméon lao ri iko. Passalenna iyya'é, rékko mémekka harusu ateddéngeng ana'-ana'ku, maéloni riyaga.”

KAJAJIYANG 32:28

Nakkeda iyaro tauwé, “Tenniyana Yakub asemmu. Purano mallaga sibawa Allataala sibawa tolinoé, namupacau; rimakkuwannanaro asemmu mancajiwi Israél.”

KAJAJIYANG 40:2

Namacaina arungngé lao ri iya duwa pattumaninnaro,

KAJAJIYANG 24:42

Na wettukku lettu onna ri bujungngé, massempajakka ri laleng ati, ‘Puwang, Allataalana puwakku Abraham, sitinajai Puwang pasiduppai akkattaku.

KAJAJIYANG 40:1

Siyagangngaré wettu ri munrinna, engka duwa pattumaninna arung Maséré, iyanaritu pangurusu énungenna sibawa pangurusu rotinna, pogau' asalang lao ri arungngé.

2 TAWARIKH 6:40

Makkekkuwangngé, oh Allataala, jampangiki sibawa éngkalingai sempajang iya ripalettu'é lao ri Iko polé ri onrongngéwé.

MAZMUR 61:5

Leppessakka gangka tuwoku mappéruma ri kéma-Mu, kuwammengngi naamang ri laleng accinaungenna panni-Mu.

MAZMUR 106:46

Naébbui mennang riyamaséi ri sininna tau iya tawangngéngngi mennang.

YEREMIA 42:12

Nasaba maressé babuwa-Ka lao ri iko, Uwébbui matu arung Babél messéiko sibawa palaloko lisu. Iyya, Puwang, pura mabbicara.’ ”

MALEAKHI 3:16

Nainappa mabbicara séddié lao ri laingngé tau iya métaué lao ri Puwangnge. Naéngkalinga Puwangnge sibawa najampangi aga napowada mennang. Sining tau iya pakalebbiéngngi sibawa métaué lao ri Aléna, riyokii asen-Na ri laleng séddié kitta catatang iya engkaé ri yolo-Na.