MIKHA 5:2 - KITTA KAREBA MADECENG

² Jaji, naleppessangngi matu Puwangnge umma'-Na rikuwasai risining balinna narapi makkunrai iya ripattentué untu' mancaji indo'na iyaro panguwasaé jajiyangngi Aléna. Purairo sining tau sibangsana iya engkaé ri appalirengngé ripasséddiwi matu paimeng sibawa bangsana.

MIKHA 5:2 Խաչաձեւ Հղումներ

MATIUS 2:6

‘Iko Bétléhém, ri wanuwa Yéhuda, sitonget-tongenna tenniyako kaminang baiccu ri yelle'na kota-kota mapongngé ri Yéhuda. Nasaba polé ri iko poléi matu séddi pamimping iya pimpingngéngngi umma'-Ku Israélié.’ ”

YOHANES 7:42

Ri laleng Kitta'é tarokii makkedaé Arung Pappassalama'é iyanaritu wija-wijanna Daud sibawa poléi matu ri Bétléhém, iyanaritu kampong assalenna Daud.”

MAZMUR 90:2

Ri wettu dé'napa naripancaji sining bulué, ri wettu dé'napa Mutappai linoé, Iko ritu Allataala iya mannennungengngé, dé' pammulanna sibawa dé' paccappurenna.

YESAYA 11:1

Akkarungenna Arung Daud pada-padai aju iya puraénna ritubbang. Iyakiya pékkugi polé ri tona tuwoi cura' baru, makkuwatoro polé ri wija-wijanna Daud mompoi matu séddi arung.

ZAKHARIA 9:9

Eh pabbanuwana Sion, arennuno! Eh pabbanuwana Yérusalém, gorano! Itani! Poléi arummu sibawa apakalang! Aléna arung adélé iya tiwié asalamakeng. Iyakiya lettu'i sibawa penno ariyawang ati tonangi kaleddé, sikaju kaleddé lolo.

KAJAJIYANG 49:10

Nakkatenningngi matu Yéhuda tekkeng akkarungengngé, mapparéntai matu wija-wijanna mannennungeng. Tiwii matu bangsa-bangsaé pakkasuwiyang, enrengngé suju' sibawa tunru ri yolona.

KOLOSE 1:17

Riwettu dé'napa naengka séuwa-séuwaé, engka mémenni Kristus. Sibawa nasaba Alénato ritu nasininna séuwa-séuwaé engkai ri onronna tungke'-tungke'.

WAHYU 19:16

Ri jumbana sibawa ri poppan-Na tarokii asengngéwé, “Arunna sininna arungngé, sibawa Puwanna sininna puwangngé.”

1 SAMUEL 17:12

Daud iyanaritu ana'na Isai tau Efrataé, polé ri Bétléhém ri Yéhuda. Isai mappunnai aruwa ana' worowané, na ri wettu apparéntanna Saul, macowa senna'ni Isai.

KAJAJIYANG 48:7

Upogau'i iyaro untu' Rahél indo'mu. Ri laleng allalengekku lisu polé ri Mésopotamia, matéi indo'mu ri tana Kanaan, dé' namabéla polé ri Efrata, namasara senna'ka. Ukuburu'ni kuwaro, ri wiring laleng laowé ri Efrata.” (Makkekkuwangngé Efrata riissengngi selaku Bétléhém.)

1 YOHANES 1:1

Lise'na iyaé sure'é iyanaritu passalenna Sadda iya mabbéré atuwong, iyanaritu Sadda iya engkaénna sipongenna pammulanna mupa. Purani riyéngkalinga enrengngé purani riita sibawa mata aléta. Purani riita, enrengngé purani riyakkatenning sibawa limatta.

IBRANI 13:8

Yésus Kristus tette'i pada, muwi riyolo, makkekkuwangngé, enrengngé lettu mannennungeng.

MATIUS 28:18

Maddeppéni Yésus ri mennang, nakkeda, “Sininna akuwasangngé ri surugaé sibawa ri linoé purani riyabbéréyang ri Iyya.

RUT 4:11

Sining tomariyolona masaraka'é sibawa tau laing iya engkaé kuwaro makkedani, “Ya, idi sabbinna. Tennapodo Puwangnge pancajiwi bainémuro pada-pada Rahél sibawa Léa iya jajiyangngé maéga ana' untu' Yakub. Tennapodo madécékko ri yelle'na sining tau polé ri appanna Efrata sibawa tennapodo kalabbako ri Bétléhém.

KAJAJIYANG 35:19

Maténana Rahél, rikuburu'ni ri wiring lalengngé iya mattujué ri Efrata, iya riyasengngé makkekkuwangngé Bétléhém.

IBRANI 7:14

Sininna tauwé naisseng makkedaé assalenna Puwatta poléi ri suku Yéhuda; na Musa dé' naengka nateppui iyaro sukué wettunna mabbicara passalenna sining imangngé.

AMOS 9:11

Makkedai Puwangnge, “Narapi matu wettunna Upalisui akkarungenna Daud. Makkekkuwangngé iyaro akkarungengngé mancajini pada-pada bola iya maruttungngé. Iyakiya Upédécéngiwi matu sining témbo'na sibawa Upatettongngi paimeng angkanna mancaji pada-pada riyolo.

YEREMIA 30:21

Arung iya paréntaékko assalenna poléi ri bangsamu. Laluwasai maddeppéri-Ka matu narékko Uwobbii mangolo ri Iyya. Saba' nigana barani mangolo ri Iyya nasaba élona muto? Mancajiko matu umma'-Ku na Iyya mancaji Allataalamu. Iyya, Puwang iya powadaéngngi iyaro.”

YESAYA 53:2

Napuwéloi Puwangnge iyaro atan-Na pada-pada lokkoé iya tuwoé ri tana iya makarossaé. Dé'gaga magello ri aléna untu' taita; dé'gaga pataré' untu' tacinnai.

1 SAMUEL 10:19

Purano upaleppe polé ri sininna anrasa-rasangngé sibawa peddié, iyakiya makkekkuwangngé musampéyak-Ka, Allataalamu, nasaba muwéllauwi kuwammengngi Ujellokekko séddi tau arung. Nah, makessinni, addeppungenno ri yolo-Ku, Puwam-mu, situru suku sibawa appammu.’ ”

LUKAS 23:38

Ri coppo'na aju sallina Yésus, tarokii ada-adaéwé: “Iyanaé Arunna Tau Yahudié.”

LUKAS 23:2

Nakkuwanaro mennang mappammula tenre'i. Makkedani mennang, “Rilolongengngi iyaé tauwé papusai ra'ya'é. Napangarai tauwé kuwammengngi aja' nakkamaja sima lao ri Kaisar, saba' adanna Aléna iyanaritu Kristus, séddiwi arung.”

ASSURENG 18:21

Iyakiya ri lainnaéro harusu'ko pilé siyagangngaré tau worowané iya mapanré, sibawa jello'i mennang mancaji pamimpinna ri yasé'na sisebbu tau, sératu tau, limappulo tau, sibawa seppulo tau. Sitinajai mennang sining tau iya métaué sibawa turusiyéngngi Allataala, wedding riyatepperi sibawa dé' namaélo tarima dowi pasoso.

WAHYU 21:6

Nainappa makkeda, “Tépuni! Iyya'na ritu mammulang sibawa paccappureng; Iyya'naé Puwang polé ri Pammulanna lettu ri Paccappurenna. Tungke' tau iya madekkaé, Upaénungngi matu cuma-cuma polé ri mata uwai iya mabbéré atuwong.

WAHYU 2:8

“Lao ri malaéka'na jema'é ri Smirna, okii makkuwaéwé: Iyanaé paseng polé ri Aléna iya mammulangngé sibawa paccappurengngé – iya matéénna natuwo paimeng.

MAZMUR 132:6

Ri Bétléhém taéngkalingai passalenna Petti Assijancingngé, nainappa riruntu ri padang Yaar.

1 TAWARIKH 2:54

Salma pappatettonna kota Bétléhém iyanaritu toriyolona tau Nétofaé, tau Atarot-Bét-Yoab-é, sibawa tau Zorié, iyanaritu sala séddinna polé ri iya duwa appang iya monroé ri Manahti.

1 SAMUEL 23:23

Jaji paréssai madécét-décéng gowa-gowa iya puraé mancaji onrong assubbuwanna, namulisu kumaiyé untu' laporo'i ri iyya. Nainappa maéloka lao sibawa iko, narékko engka mupi ri daéraéro, pasti usappai matu, namuni harusu'i upatassiya-siya sininna Yéhuda!”

1 SAMUEL 17:18

Tiwi towi seppulo batunna kéjuéwé untu' komandang pasukangngé. Akkutangngi pékkugi keadaanna kaka-kakamu, sibawa tiwirekka butti makkedaé purano siruntu mennang ri laleng keadaang salama.

ULANGENG 1:15

Rimakkuwannanaro ri yelle'na sining pamimping iya mupilé, siyagangngaré tau iya mapanré sibawa maégaé pengalamanna uwalai sibawa uwakkai untu' kapalaiko. Siyagangngaré ripancaji pamimping sisebbu tau, iya laingngé sératu tau, limappulo tau sibawa seppulo tau. Makka towi pamimping-pamimping laing untu' murusu'i suku-sukummu.

1 SAMUEL 8:12

Sibagiyang nakka mancaji parawira sisebbué tau, na sibagiyang laingngé limassebbué tau. Iyaro arungngé napassai matu ana'-ana'mu rakkalai dare'na, paddeppungengngi wassélé éngngalanna, mébbui senjata-senjatana sibawa pakkakkasa karéta musuna.

ASSURENG 18:25

sibawa piléi sining tau iya mapanré ri yelle'na bangsa Israélié. Najello'ni mennang mancaji pamimping ri yasé'na sisebbu tau, sératu tau, limappulo tau, sibawa seppulo tau.

MATIUS 2:1

Yésus rijajiyang ri kota Bétléhém ri wanuwa Yudéa; ri wettu apparéntanna Arung Hérodés. Iyaro wettué siyagangngaré ahli wéttowing polé alau, poléi ri Yérusalém.

KAJAJIYANG 35:16

Purairo Yakub sibawa rombonganna nasalaini Bétel. Wettunna mabéla-béla mupi polé ri Efrata, narapini wettunna Rahél untu' mémmana. Iyakiya mawatangngi jaji ana'na.

HAKING-HAKING 17:7

Iyatoro wettué engka séddi tau kallolo polé ri suku Léwi. Riyolo monroi ri Bétléhém ri daérana Yéhuda.

RUT 1:1

Riyolo ri wettu dé'napa nappunnai Israélié séddi arung, wanuwa Kanaan nakennai abala akkadéreng. Iyaro wettué engka séddi tau worowané riyaseng Elimélékh. Poléi ri appanna Efrata, sibawa monroi ri Bétléhém ri daérana Yéhuda. Nasaba abala akkadérengngéro, laoni ri wanuwa Moab silaong bainéna, Naomi, sibawa iya duwa ana'na iya worowané: Mahlon sibawa Kilyon. Nanaonro mennang kuwaro. Wettunna mennang kuwamupiro,

YESAYA 55:4

Sitongenna, Upancajiwi pamimping sibawa pallima, sabbi polé ri akuwasak-Ku untu' bangsa-bangsaé.

HOSEA 6:3

Rimakkuwannanaro laono mai tamakkuraga untu' mattonget-tongeng missengngi Puwangnge. Pasti laowi matu ri idi pada-pada apolénna éléé, sibawa pada-pada bosi iya rica'éngngi tanaé ri cappa'na wettu bare'é.”

ZAKHARIA 13:7

Makkedai Puwang Iya Pommakuwasaé, “Tokkonno, éh peddang, sibawa gasani pakkampi iya mappallaungengngék-Ka! Unoi, natassiya-siya matu sining bimbala'é. Maélo-Ka gasai umma'-Ku,

YESAYA 7:14

Makkekkuwangngé, Aléna Puwangnge mabbéré matu tanrang lao ri iko: Séddi ana'dara iya mattampu'é jajiyangngi matu séddi ana' worowané iya nasengngé Imanuél.

MIKHA 4:10

Eh pabbanuwana Yérusalém, agguliccino sibawa maranno pada-pada makkunrai iya mattengngangngé mémmana! Saba', harusu'i makkekkuwangngé musalai kotaé sibawa monro ri padangngé. Harusu'ko lao ri Babél, iyakiya napaleppe'ko matu Puwangnge kuwaro polé risining balimmu.