MIKHA 1:16 - KITTA KAREBA MADECENG

¹⁶ Eh tau Yéhuda, rette'i gemme'mu selaku tanrang mabbarata untu' ana'-ana'mu iya muwamaséiyé. Cukkuru'i ulummu gangka makellu pada-pada manu'-manu' pakkanré bakké, saba' ana'-ana'mu ritiwii matu ri appalirengngé.

MIKHA 1:16 Խաչաձեւ Հղումներ

YESAYA 22:12

Ri wettuéro Puwang Iya Pommatanré sibawa Pommakuwasaé suroko teri sibawa mpating, maccukkuru gemme sibawa paké kaing karung.

YEREMIA 7:29

Makkedai Puwangnge, “Eh pabbanuwana Yérusalém, abbaratano! Rette'ni gemme'mu sibawa abbéyanni! Puwélonno élong mpating ri tompo-tompo bulué, saba' Iyya, Puwang, mattengngang macai sibawa pura sampéyang manekko.

AYUB 1:20

Natettonna Ayub nanasapé'i pakéyanna tanrang masara. Nacukkuru'ni gemme'na, nainappa suju'

AMOS 8:10

Upinrai matu ramé-ramému mancaji abbaratang, sibawa élok-kélommu mancaji mpating. Uwébbuko matu cukkuru'i gemme'mu sibawa paké kaing karung tanrang masara. Mancajiko matu pada-pada ambo' indo' iya teringiyéngngi amaténna ana' tungke'na. Iyaro essoé maccappa'i matu sibawa mappamessé senna.”

YEREMIA 16:6

Tau sugié sibawa tau kasiyasié ri wanuwaéwé matéi matu na dé'gaga kuburu'i mennang. Dé' muwi séddi tau sissai aléna iyaré'ga kellui gemme'na selaku tanrang mabbarata untu' mennang.

YEREMIA 6:26

Makkedai Puwangnge lao ri umma'-Na, “Pakéno kaing karung sibawa aggaléluno ri laleng awué. Abbaratano nenniya mpatinno sibawa mapessé pada-pada tau teringiyéngngi amaténna ana' tungke'na, saba' nagasako matu pappabbinasaé temmusenna-senna.”

YESAYA 15:2

Natuppuini bulu-bulué pabbanuwana Dibon untu' teri ri onrong assompang déwata-déwataé. Nasibawang amesséng nawatingini pabbanuwana Moab kota Nébo sibawa Médéba. Nacukkuru'ni mennang ulunna sibawa janggo'na selaku tanrang masara.

2 ARUNG-NGARUNG 17:6

– iyanaritu taung maaséraé apparéntanna Hoséa – nasittaini Salmanéser Samaria. Nainappa natiwi tau Israélié selaku tawangeng lao ri Asyur. Sibagiyang polé ri mennang nataroi ri kota Halah, sibagiyang ri seddéna Salo Habor ri daérana Gozan, sibawa sibagiyassi ri kota-kotaé ri wanuwa Madai.

ULANGENG 28:41

Lolongekko matu ana'-ana' worowané sibawa makkunrai, iyakiya riyalai mennang selaku tawangeng musu, angkanna ateddéngekko mennang.

YEREMIA 47:5

Nakennani amesséng battowa tau Gazaé; mammekkoni tau Askélongngé. Gangka uppanna tau Filistin iya nasésaé masara matteru?

AMOS 7:11

Makkedai makkkedaé matéi matu Datu ri laleng ammusurengngé, na tau Israélié pasti ritiwii ri appalirengngé, mabéla polé ri wanuwanna.”

AMOS 7:17

Makkedai Puwangnge makkedaé mancaji cakkuribangngi matu bainému risining lalenna kotaé, sibawa ana'-ana'mu riyunoi ri laleng musué. Ritawa-tawai matu tanamu lao ri tau laingngé, na alému paimeng matéko ri wanuwanna tau iya dé'é naissengngi Puwangnge. Pabbanuwana Israélié pasti ritiwii matu ri appalirengngé, mabéla polé ri wanuwanna.”

YEREMIA 4:8

Rimakkuwannanaro, terino sibawa mpating, pakéni kaing karungngé tanrang masara. Nasaba caina Puwangnge iya malluwa-luwa'é dé'pa nasoro polé ri Yéhuda.

AWATINGENG 2:19

Oto'no makkolik-koling puppu wenni untu' gora loloi lise atimmu lao ri Puwangnge. Ellauni kuwammengngi Namaressé babuwa lao ri ana'-ana'mu iya alupurengngé sibawa marenne'é ri tungke' tékko lalengngé.