MIKHA 1:12 - KITTA KAREBA MADECENG

¹² Abala polé ri Puwangnge lettu'ni ri yolona pintu gerbanna Yérusalém! Rimakkuwannanaro, dé' namakkullé tau Marot-é maddennuwangiwi pattulungngé.

MIKHA 1:12 Խաչաձեւ Հղումներ

YEREMIA 14:19

Puwang, puraniga Musampéyang siseng Yéhuda sibawa Mucéccéi pabbanuwana Sion? Magi namaladde senna Muunruki angkkatta dé' nariyullé majjappana? Paracuma bawang sappaki adaméngeng, dé'gaga akkégunana mamménasaki ajjappang, saba' iya engkaé banna ateddekeng.

MIKHA 1:9

Saba' sining lona Samaria dé' nawedding ripajjappa, sibawa Yéhuda nakennai matu toto iya padaé. Lettu'ni abalaé ri Yérusalém, pintu gerbanna tana assalenna bangsaku.

AMOS 3:6

Dé'ga naténré tauwé ri kotaé rékko méngkalingai oni tarompé tanrang ammusureng? Makkulléga séddié kota nakenna abala, rékko dé' nakiringngi Puwangnge?

YEREMIA 8:15

Paracuma bawang mamménasaiwi adaméngengngé sibawa wettu ajjappangngé, saba' iya engkaé banna ateddekeng.

YESAYA 45:7

Iyya ritu pancajiwi tajangngé sibawa pettangngé, papolé-Ka barakka sibawa abala. Iyya ritu Puwang iya pogau' manengngéngngiro.

AYUB 30:26

Uwamménasaiwi asennangengngé sibawa tajangngé, iyakiya asukkarakengngé sibawa apettangengngé polé.

1 SAMUEL 4:13

Eli, iya manenneng senna'é pikkiri'i asalamakenna Petti Assijancinna Puwangnge, tudat-tudangngi ri kadéraé ri wiring lalengngé, nannawa-nawato. Wettunna iyaro tauwé nabbirittang akalanna Israélié, sininna pabbanuwana kotaé mpatinni sibawa macenno.

RUT 1:20

Nakkeda Naomi, “Aja'na muwobbika Naomi, obbi bawanna Mara, saba' Allataala Iya Pommakuwasaé pura leppessakka tuwo penno sibawa apaireng.