MATIUS 2:1 - KITTA KAREBA MADECENG

¹ Yésus rijajiyang ri kota Bétléhém ri wanuwa Yudéa; ri wettu apparéntanna Arung Hérodés. Iyaro wettué siyagangngaré ahli wéttowing polé alau, poléi ri Yérusalém.

MATIUS 2:1 Խաչաձեւ Հղումներ

MIKHA 5:2

Jaji, naleppessangngi matu Puwangnge umma'-Na rikuwasai risining balinna narapi makkunrai iya ripattentué untu' mancaji indo'na iyaro panguwasaé jajiyangngi Aléna. Purairo sining tau sibangsana iya engkaé ri appalirengngé ripasséddiwi matu paimeng sibawa bangsana.

YOHANES 7:42

Ri laleng Kitta'é tarokii makkedaé Arung Pappassalama'é iyanaritu wija-wijanna Daud sibawa poléi matu ri Bétléhém, iyanaritu kampong assalenna Daud.”

LUKAS 2:11

Iya essoé ri kota Daud, jajini Arung Pappassalama'mu iyanaritu Kristus, Puwangngé.

YESAYA 11:10

Narapii matu wettunna séddi arung wija-wijanna Daud mancaji poko' perhatiyanna bangsa-bangsaé. Poléi matu mennang ri aléna, sibawa onrong naonroiyé ripoji-pojiwi matu.

KAJAJIYANG 49:10

Nakkatenningngi matu Yéhuda tekkeng akkarungengngé, mapparéntai matu wija-wijanna mannennungeng. Tiwii matu bangsa-bangsaé pakkasuwiyang, enrengngé suju' sibawa tunru ri yolona.

MATIUS 2:5

Nappébali mennang, “Ri kota Bétléhém ri wanuwa Yudéa. Nasaba makkuwaniyé naoki nabié,

MATIUS 1:25

Iyakiya riwettu dé'napa najajiyangngi Maria iyaro ana'é, dé' nasilureng Yusuf sibawa Maria. Jajinnana iyaro ana'é, Nasenni Yusuf Yésus.

LUKAS 2:15

Risalainnana mennang risining malaéka'é nalisu ri surugaé, makkedani iyaro sining pakkampié séddié lao ri laingngé, “Laono mai talao ri Bétléhém nataitai gau' iya kajajiyangngéro, iya napaissengengngékki Puwangngé.”

LUKAS 1:5

Wettunna Hérodés mancaji arunna wanuwa Yudéa, engka séddi imang asenna Zakharia. Muttama'i ri laleng golongang imang-ngimang Abia. Bainéna riyasengngi Elisabét, wijanna imang towi.

1 ARUNG-NGARUNG 4:30

Ri wanuwa-wanuwa alau sibawa Maséré dé'gaga tau iya lebbi accaé naiya aléna.

KAJAJIYANG 25:6

ri wettu tuwona mabbéréi maéga hadiya lao ri ana'-ana'na iya nalolongengngé polé risining bainéna iya laingngé. Nainappa nasuro iyaro ana'-ana'é létté ri daéra seddé alauna Kanaan, kuwammengngi nabélaiwi Ishak ana'na.

MATIUS 2:19

Maténana Hérodés, wettunna engka mupi Yusuf ri Maséré', nappaitanni aléna malaéka'na Puwangngé ri Yusuf ri laleng nippi.

MATIUS 2:3

Wettunna naéngkalinga Arung Hérodés iyaro, tasséleng senna'ni, makkuwatoro sininna tauwé ri Yérusalém.

KAJAJIYANG 10:30

Daéra naonroiyé mennang mallebbangngi polé ri Mésa lao ri Safar, iyanaritu daéra mabbulué ri seddé alau.

AYUB 1:3

Ri lainnaéro mappunnaiwi maéga ata, 7.000 kajunna bimbala, 3.000 kajunna unta, 1.000 kajunna saping, sibawa 500 kajunna kaleddé. Riponcoki adaé, aléna iyanaritu tau kaminang sugi ri yelle'na pabbanuwaé ri daéra Alau.

KAJAJIYANG 41:8

Elénana maséssani arungngé, rimakkuwannaro nasuroni mobbii sininna passéhéré'é sibawa tau maccaé ri Maséré. Nainappa nacurita nippinna lao ri mennang, iyakiya dé' muwi séddi tau mulléi pakatajangngi bettuwanna.

HAKING-HAKING 17:7

Iyatoro wettué engka séddi tau kallolo polé ri suku Léwi. Riyolo monroi ri Bétléhém ri daérana Yéhuda.

MATIUS 2:7

Puranana nalolongeng pappakatajangngéro, naobbini Hérodés iyaro ahli wéttowing polé alaué mammekko-mekko. Nainappa makkutana ri mennang, siyaganna tongeng nappammula paita iyaro wéttowingngé.

MATIUS 2:16

Wettunna naisseng Hérodés makkedaé ribelléi ri ahli wéttowing polé alauéro, macai senna'ni. Nainappa napparéntang untu' mpuno manengngi ana' worowané ri Bétléhém sibawa ri seddéna iya makkéumuru duwattaungngé liyawa. Sicoco'i iyaro sibawa pappakatajang iya nalolongengngé polé risining ahli wéttowingngéro, passalenna wettunna paita iyaro wéttowingngé.

1 TAWARIKH 2:51

Salma ana'na iya maduwaé iyanaritu patettongngi kota Bétléhém; sibawa Haréf ana'na iya matellué patettongngi kota Bét-Gader.