LUKAS 5:26 - KITTA KAREBA MADECENG

²⁶ Bengnga manenni mennang nanapojiwi Allataala. Nasibawang tau, makkedani mennang, “Makalallaing senna' kajajiyang iya riitaé iya essoé!”

LUKAS 5:26 Խաչաձեւ Հղումներ

MATIUS 9:8

Wettunna naita iyaro sining tauwé kajajiyangngéro, métauni mennang sibawa napojini Allataala, saba' Allataala pura mabbéréyangngi akuwasanna iya battowa makkuwaéro lao ri rupatauwé.

LUKAS 7:16

Métau maneng tauwé sibawa mammulani pojiwi Allataala. Makkedai mennang, “Momponi ri tengnga-tengngata séddi nabi iya battowaé! Poléni Allataala untu' passalama'i umma'-Na!”

RIWAYA'NA RASUL-RASUL-E 4:21

Dé'na naulléi lolongeng séddi alasang iyaro anggota-anggotana sidangngé untu' hukkungngi Pétrus sibawa Yohanés. Jaji nancanni iya duwa rasul-éro, nainappa naleppessang duwa, saba' sininna tauwé pojiwi Allataala nasaba gau'éro.

LUKAS 8:37

Nainappa iyaro sininna pabbanuwana Gerasa naéllauni sibawa masero kuwammengngi nasalaiwi Yésus iyaro onrongngé, saba' métau senna' manenni mennang. Jaji ménré'ni Yésus ri lopié maélo lisu.

LUKAS 5:8

Wettunna naita Simon iyaro, suju'ni ri yolona Yésus, nainappa makkeda, “Salaika Puwang! Saba' tau madosaka!”

MARKUS 2:12

Mapperi-perini moto' malai tappéréna nainappa massu risabbing risininna mennang. Hérang senna'ni sininna tauwé nanapojiwi Allataala. Makkedani mennang, “Dé'pa naengka nariita kajajiyang makkuwaéwé!”

MATIUS 28:8

Mapperi-perini iyaro sining makkunraié salaiwi tampungngé. Nasibawang pappénedding métau sicampuru' marennu; lari-larini mennang untu' powadangngi iyaro gau'é lao ri ana'-ana' gurunna Yésus.

MATIUS 12:23

Hérang manenni tauwé nakkeda, “Makkulléga iyanaé Ana'na Daud iya riyajjanciyangngéro?”

HOSEA 3:5

Iyakiya poléi matu wettunna lisui bangsa Israélié lao ri Puwang Allataalana mennang, sibawa lao ri arunna mennang polé ri wijanna Daud. Namétauna matu mennang sibawa mappakalebbi lao ri Puwangnge, enrengngé tarimai sining barakka'-Na.

YEREMIA 33:9

Mancajiwi matu Yérusalém arennuk-Ku sibawa abangkakek-Ku. Sininna bangsaé ri linoé mancaji métaui matu sibawa masélengngi enrengngé pakalebbi-Ka, narékko naéngkalingai sininna akessingeng iya Upogau'é untu' pabbanuwana Yérusalém, sibawa passalenna adécéngeng iya Uwabbéréyangngé lao ri kotaéro.”

GALATIA 1:24

Nanapojini mennang Allataala nasaba iyya.

LUKAS 1:65

Métauni sining balibolana, nanallebbanna iyaro karébaé ri sininna daéra buluna Yudéa.