LUKAS 20:41 - KITTA KAREBA MADECENG

⁴¹ Nakkutana Yésus lao ri mennang, “Pékkugi wedding ripowada makkedaé Arung Pappassalama'é wijannai Daud?

LUKAS 20:41 Խաչաձեւ Հղումներ

MATIUS 1:1

Iyanaé assossorenna néné-nénéna Yésus Kristus, wijanna Daud, wijanna Abraham. Polé ri Abraham lettu ri Daud tarokii aseng-ngaseng makkuwaéwé:

RIWAYA'NA RASUL-RASUL-E 2:30

Pura majjanciwi Allataala lao ri Daud, sibawa mattanro, makkedaé sala séddinna polé ri wijanna Daud nakkai matu Allataala mancaji arung. Nasaba naissengngi Daud iyaro jancié, nasaba séddi towi nabi,

YOHANES 7:42

Ri laleng Kitta'é tarokii makkedaé Arung Pappassalama'é iyanaritu wija-wijanna Daud sibawa poléi matu ri Bétléhém, iyanaritu kampong assalenna Daud.”

WAHYU 22:16

“Iyya, Yésus, pura suroi malaéka'-Ku lao ri iko kuwammengngi nappassengengngi gau'-gau'éwé untu' apentingenna jema'-jema'é. Iyya'naé wija-wijanna Daud; Iyya'naé wéttowing alau iya macakkaéro.”

YEREMIA 33:21

Makkuwatoro pura tok-Ka siyona assijancing sibawa atak-Ku Daud, makkedaé polé ri wija-wijanna tuli engka matu séddi tau mancaji arung; sibawa pura tok-Ka siyona assijancing sibawa imang-ngimang wija-wijanna Léwi makkedaé tuli natumaningi-Ka matu mennang. Iyaro sining assijancingngé dé' nawedding riledda.

MATIUS 9:27

Laoni Yésus polé kuwaro na ri tengnga laleng engka duwa tau buta maccowériwi. Gorani mennang, “Ana' Daud, amaséiki!”