LUKAS 20:10 - KITTA KAREBA MADECENG

¹⁰ Narapinana wettunna maccéppu buwa anggoro, nakirinni pattumaninna iyaro punna dare'é lao risining pajjamana iyaro dare' anggoro'é untu' tarimai bagiyanna. Iyakiya iyaro sining pajjama dare' anggoro'é naunrui iyaro pattumanié sibawa nasuroi lisu sibawa kosong limanna.

LUKAS 20:10 Խաչաձեւ Հղումներ

NEHEMIA 9:26

Iyakiya maronta'i umma'-Mu sibawa dé' naturusiwi, mallupaiwi hukkungngé sibawa peraturam-Mu, mpunoi nabi-nabi iya paréngngerangiyéngngi mennang, sibawa iya suroéngngi mennang lisu ri Iko, Allataalana. Oh Puwang, tungke' siseng towi napakatuna-Ko mennang,

ROMA 7:4

Makkuwatoro gau'na sibawa iko, Saudara-saudara. Lao ri hukkunna agama Yahudié maténo, nasaba pura ripasséddino sibawa tubunna Kristus sibawa mancaji appunnangen-Na iya puraé ripatuwo paimeng polé ri amaténgngé. Ripatuwoi polé ri amaténgngé kuwammengngi tamancaji makkéguna lao ri Allataala ri laleng atuwotta.

YOHANES 15:16

Tenniya iko pilé-Ka. Iyya ritu piléko, sibawa suroko lao untu' mabbuwa maéga – buwa-buwa iya dé'é nawedding binasa. Nawérékko Ambo'é agi-agi muwéllau ri Aléna ri laleng asek-Ku.

LUKAS 13:34

Yérusalém! Yérusalém! Muwunoi nabi-nabié! Mugenrungiwi batu sining surona Allataala gangka maté! Wékkasiyagani macinna-Ka paddeppungengngi sininna pabbanuwamu pada-pada indo' manu'é karokongiwi ana'-ana'na ri yawana pannina, iyakiya dé' mumaélo!

YEREMIA 35:15

Matteru-teru-Ka suroi lao ri iko maneng atak-Ku sining nabié, napurani mennang napangajariko untu' pédécéngiwi ampé-ampému sibawa mappésau pogau'i majaé. Naparéngngerangiko mennang untu' dé' mumassompa déwata-déwata laing sibawa dé' mumattumani lao ri mennang, kuwammengngi weddikko matteru monro ri wanuwaéwé iya puraé Uwabbéréyang lao ri iko sibawa lao ri toriyolomu. Iyakiya dé' mumaélo jampangiwi sibawa dé' mumaélo méngkalinga-Ka.

YEREMIA 20:2

napparéntanni kuwammengngi riyunruka sibawa risakkala ri Pintu Gerbang Bényamin, gerbang bagiyang yasé'é ri Bolana Puwangnge.

YEREMIA 5:24

Dé' naengka muwéngngerangngi untu' pakalebbi-Ka, padahal Iyya ritu kiring bosi, muwi ri pammulanna iyaré'ga ri cappa'na wettu pabosié. Iyya'to ritu mpérékko wettu éngngalang tungke taung.

YEREMIA 2:30

Paracuma bawang Uhukkukko, saba' dé' mumaélo tarima pakkampareng. Pada-pada singa iya mattengngangngé majjallo, makkuwatoniro iko mpunoi sining nabimmu.

MAZMUR 1:3

Iyaro tauwé naduppai sininna usahana; pada-padai ajué ri wiring saloé iya mabbuwaé ri wettunna sibawa dé' naengka namakelle daunna.

NEHEMIA 9:30

Polé ri taungngé lao ri taungngé sabbara'-Ko paréngngerangiwi; naolai sining nabié, makkedaadai Roh-Mu lao ri mennang. Iyakiya iyaro umma'-Mu nalape'i daucculinna, nainappa Muwabbéréyang lao ri bangsa-bangsaé ri sininna wanuwaé.

2 TAWARIKH 16:10

Iyaro ada-adanna Nabi Hanani mébbui Asa makkuwamani caina angkanna naputtama iyaro nabié ri laleng tarungkué. Iyatoro wettué napanrasa-rasai Asa siyagangngaré tau polé ri ra'ya'na.

2 ARUNG-NGARUNG 17:13

Nakiringngi Puwangnge sining surona sibawa nabi-nabin-Na lao ri umma Israélié sibawa Yéhuda untu' palettu'i papparéngngerangngéwé: “Appésauno pogau'i majaé sibawa turusiwi sininna paréntaé sibawa hukkung iya Uwéréngngéngngi toriyolomu sibawa lao ri iko naolai sining nabié, ata-atak-Kuro.”

1 ARUNG-NGARUNG 22:24

Namalluruna Nabi Zédékia maddeppériwi Mikha nanaleppa'i rupanna sibawa makkeda, “Pékkugi makkullé nasalaika Rohna Puwangnge sibawa mabbicara lao ri iko?”

LUKAS 20:9

Nacuritani Yésus lao risining tauwéro, pakkalarapangengngéwé, “Engka séddi tau iya tanengiyéngngi séuwa dare'é anggoro. Iyaro dare'é nappasséwangngi lao ri siyagangngaré paddare, nainappa lao ri wanuwa laingngé namaitta monro kuwaro.

LUKAS 20:11

Naiyaro punna dare'é kirissi séddi pattumani laingngé; iyakiya ribarasa' towi sibawa rituna-tunai risining pajjamana dare' anggoro'éro, nainappa nasuro lisu sibawa kosong limanna.

1 TAWARIKH 19:4

Natikkengngi Arung Hanun iyaro sining surona Daud, nacukkuru'i janggo'na, narette'i pakéyanna gangka poncinna, nanasuroi mennang lao.