LUKAS 2:4 - KITTA KAREBA MADECENG

⁴ Joppani Yusuf polé ri Nazarét ri Galiléa, lao ri Bétléhém ri Yudéa, onrong ajajiyanna Arung Daud; saba' Yusuf wijannai Arung Daud.

LUKAS 2:4 Խաչաձեւ Հղումներ

MIKHA 5:2

Jaji, naleppessangngi matu Puwangnge umma'-Na rikuwasai risining balinna narapi makkunrai iya ripattentué untu' mancaji indo'na iyaro panguwasaé jajiyangngi Aléna. Purairo sining tau sibangsana iya engkaé ri appalirengngé ripasséddiwi matu paimeng sibawa bangsana.

YOHANES 7:42

Ri laleng Kitta'é tarokii makkedaé Arung Pappassalama'é iyanaritu wija-wijanna Daud sibawa poléi matu ri Bétléhém, iyanaritu kampong assalenna Daud.”

1 SAMUEL 16:1

Siyagangngaré wettu rimunrinna makkedani Puwangnge lao ri Samuél, “Siyagapi ittana messé atiko nasaba Saul? Dé'ga na aléna tenriyangakuini selaku arunna Israélié? Makkekkuwangngé, alano minnya zaitun namulao ri Bétléhém, riséddié tau riyasengngé Isai, nasaba sala séddinna polé ri ana'-ana'na purani Upilé mancaji arung.”

LUKAS 4:16

Laosi paimeng Yésus ri Nazarét, onron-Na ripawekke. Ri esso Saba'é, situru abiyasan-Na laoni ri bola assompangngé. Tettonni untu' bacai Kitta'é,

MATIUS 2:23

Monroni kuwaro ri kota riyasengngé Nazarét. Namakkuwannanaro kajajiyanni aga iya napowadaé nabi-nabié passalenna iyaro Ana'é: “Riyasengngi matu Tau Nazarét.”

1 SAMUEL 20:6

Rékko nakkutangngi ambo'mu magi udé', powdangngi makkedaé puraka méllau paramisi ri iko untu' lisu masitta ri Bétléhém, nasaba ripakangkai kuwaro upacara akkarobangeng pattaungeng untu' sininna kaluwargaku.

RUT 4:17

Sining makkunrai bali-bali bolana mennang masengngi iyaro ana'é Obéd. Lao ri tungke tau makkedai, “Mappunnaini Naomi séddi ana' worowané!” Obéd iyanaé rimunri mancaji ambo'na Isai, na Isai iyanaritu ambo'na Daud.

RUT 4:11

Sining tomariyolona masaraka'é sibawa tau laing iya engkaé kuwaro makkedani, “Ya, idi sabbinna. Tennapodo Puwangnge pancajiwi bainémuro pada-pada Rahél sibawa Léa iya jajiyangngé maéga ana' untu' Yakub. Tennapodo madécékko ri yelle'na sining tau polé ri appanna Efrata sibawa tennapodo kalabbako ri Bétléhém.

RUT 2:4

Dé' namaitta rimunrinna engkani Boas polé ri Bétléhém sibawa mabbéré selleng lao risining paréngngalaé, adanna, “Tennapodo Puwangnge sibawakko.” Nappébali sining paréngngalaé, “Tennapodo Puwangnge barakkakiwi Bapa'.”

YOHANES 1:46

Iyakiya mappébaliwi Natanaél, “Weddigga séuwa iya makessingngé polé ri Nazarét?” Nappébali Filipus, “Laono mai na alému mitai.”

1 SAMUEL 17:58

Namakkutanana Saul, “Eh kallolo! ana'na nigako?” Nappébali Daud, “Atattaé ana'na Isai polé ri Bétléhém.”

1 SAMUEL 17:12

Daud iyanaritu ana'na Isai tau Efrataé, polé ri Bétléhém ri Yéhuda. Isai mappunnai aruwa ana' worowané, na ri wettu apparéntanna Saul, macowa senna'ni Isai.

1 SAMUEL 16:4

Napogau'ni Samuél pada-pada iya napowadaé Puwangnge. Wettunna lettu ri Bétléhém, sining pamimping kotaé duppaiwi sibawa maséleng nenniya makkutana, “Aga apolénna Bapa' tiwii asalamakeng?”

RUT 1:19

Nanapatteruni mennang joppana lettu ri Bétléhém. Lettu'na muwa kuwaro, héranni sininna pabbanuwana kotaéro. Pada makkedani sining makkunraié kuwaro, “Tongegga iyaro Naomi?”

KAJAJIYANG 48:7

Upogau'i iyaro untu' Rahél indo'mu. Ri laleng allalengekku lisu polé ri Mésopotamia, matéi indo'mu ri tana Kanaan, dé' namabéla polé ri Efrata, namasara senna'ka. Ukuburu'ni kuwaro, ri wiring laleng laowé ri Efrata.” (Makkekkuwangngé Efrata riissengngi selaku Bétléhém.)

KAJAJIYANG 35:19

Maténana Rahél, rikuburu'ni ri wiring lalengngé iya mattujué ri Efrata, iya riyasengngé makkekkuwangngé Bétléhém.

MATIUS 1:20

Mattengngangngi Yusuf timbat-timbangngi iyaro gau'é, mannippiwi. Ri laleng nippinnaro, naitai séddi malaéka'na Puwangngé makkeda lao ri aléna, “Yusuf wijanna Daud, aja' mumétau kawingi Maria; saba' iyaro ana' engkaé ri laleng tampu'na, jajiwi polé ri akuwasanna Rohna Allataala.

LUKAS 2:3

Sininna tauwé iyaro wettué laoni untu' ridaftar ri kotana tungke'-tungke'.

LUKAS 2:5

Nadaftarni Yusuf aléna silaong Maria tunanganna, iya mattampu'éro.