LUKAS 2:14 - KITTA KAREBA MADECENG

¹⁴ “Ripojiwi Allataala ri langi iya kaminang matanré! Sibawa ri yasé'na tanaé, saléwangengngi rupa tauwé iya pésennangiyéngngi atinna Puwangngé!”

LUKAS 2:14 Խաչաձեւ Հղումներ

ROMA 5:1

Makkekkuwangngé simadécéngenni paimeng sibawa Allataala, nasaba mateppe'ki. Rimakkuwannanaro tuwoki ri laleng adaméngengngé sibawa Allataala naolai Puwatta Yésus Kristus.

LUKAS 19:38

Gorani mennang, “Ribarakkakiwi Arung iya polé sibawa asenna Puwangngé! Saléwangengngi ri surugaé sibawa ripojiwi ri Allataala!”

KOLOSE 1:20

Sibawa naola towi iyaro Ana'é Allataala pettuiwi sininna séuwa-séuwaé nasimadécéngeng paimeng sibawa Aléna – muwi iya engkaé ri linoé iyaré'ga iya engkaé ri surugaé. Napogau'i Allataala iyaro naolai amaténna Ana'-Na ri aju sallié.

LUKAS 1:79

Makkuwani ritu mabbéréyangngi tajan-Na lao ri sininna tauwé iya tuwoé ri laleng apettangengngé sibawa amétaurengngé. Napimpikki ri laleng iya mattujué ri adaméngengngé.”

WAHYU 5:13

Nainappa uwéngkalinga sininna mahlu'é ri langié, ri linoé, ri yawana linoé enrengngé ri laleng tasi'é – rippe'na sininna mahlu'é ri lalenna alangngéwé – makkélong, “Aléna iya tudangngé ri yasé'na kadéra arajangngé, sibawa Ana' Bimbala'éro, iyanaritu iya ripoji-pojiyé enrengngé ripakalebbié kuwaéttopa maraja nenniya makuwasa untu' mannennungeng!”

YESAYA 57:19

Maélo-Ka mabbéré atennangeng lao risininna tauwé, muwi macawé'é iyaré'ga mabélaé. Maélo-Ka pajjappai umma-Ku

RIWAYA'NA RASUL-RASUL-E 10:36

Naissenni saudara-saudara lise'na karéba iya napalettu'é Allataala lao ri bangsa Israélié. Iyaro karébaé iyanaritu passalenna Karéba Madécéngngé lao-laona adaméngengngé naolai Yésus Kristus, iyanaritu Puwanna sininna tauwé.

YOHANES 17:4

Purani Upakaraja Ambo'é ri yasé'na linoéwé ri laleng pappurai jama-jamang iya nasurowangngék-Ka Ambo'é.

2 TESALONIKA 2:16

Tennapodo aléna Puwatta Yésus Kristus, sibawa Allataala Ambo'ta massaléwo sibawa péwatangiwi atimmu, kuwammengngi muwulléi pogau'i sibawa mabbirittangngi aga iya makessingngé. Saba' Allataala mamaséiki, sibawa nasaba akessingeng atin-Na naébbuki tette' sabbara' mamménasaiwi iya makessingngé.

FILIPI 2:11

Mangaku manengngi matu mennang makkedaé Yésus Kristus ritu Puwang; nanallalengiro naripakalebbi Allataala Ambo'é.

LUKAS 3:22

na Rohna Allataala nonnoni ri yasé'-Na sinrupa jangang-jangangngé. Nanaéngkalingai saddanna Allataala makkeda, “Ikona Ana'-Ku iya Uwamaséiyé. Mupésennangi atik-Ku.”

MATIUS 21:9

Tau maégaé iya joppaé ri yolo sibawa ri monrinna Yésus gora-gorani, “Tuwoi Ana' Daud! Ribarakkakiwi iya polé ri laleng asenna Puwangngé! Pojini Allataala Iya Pommatanré!”

YESAYA 49:13

Akkélonno éh langi, gorano éh lino, éh sining bulu, gorano marennu! Saba' poléi Puwangnge saléworiwi umma'-Na, Namaséiwi umma'-Na iya ritenre'é.

EFESUS 1:9

Manuru élo-Na muto, Allataala mappaddissengengngi lao ri idi rahasiya-Na rancana-Na; purani Napettui makkedaé iyaro rancana-Na napattépui matu naolai Kristus.

EFESUS 1:6

Ripojiwi Allataala iya marajaé nasaba naolai Ana'-Na iya naéloriyé, Nanamaséi senna'ki.

YESAYA 44:23

Gorano marennu, éh langi, Gora-gorano, éh bagiyang lalenna linoé! Gorano marennu, éh sining bulu! makkuwatoro ale'é sibawa tungke ajué ri lalenna! Saba' purani Puwangnge nappaitang arajan-Na ri laleng napaleppe'na Israélié umma'-Na.

FILIPI 2:13

nasaba Allataala muto ritu iya majjamaé ri laleng alému untu' mébbuko réla sibawa mulléi pésennangiwi atinna Allataala.

EFESUS 2:7

Napogau'i Allataala iyaro kuwammengngi na ri wettu iya mangoloé, naulléi mitai tolinoé temmaka loppona pammaséna Allataala. Iyaro pammasé napannessai Allataala naolai akessingeng atin-Na lao ri idi ri laleng Kristus Yésus.

EFESUS 2:4

Iyakiya temmaka loppona asémpo atinna Allataala! Makkuwa mani Namaséitta,

YOHANES 14:27

Asaléwangeng Utarongekko. Asaléwangek-Ku Uwérékko. Iya Uwabbéréyangngéro dé' napada-pada nabbéréyangngé linoé lao ri iko. Aja' mumausé, aja' mumétau.

YOHANES 3:16

Nasaba makkumani Allataala namaseinna rupa tauwé ri linoéwé, angkanna Nabbéréyangngi Ana' Tungke'na, kuwammengngi na tungke' tau iya matepperiyéngngi dé' nabinasa sangadinna lolongengngi atuwong tongengngé sibawa mannennungengngé.

LUKAS 2:13

Tennasenna-sennana iyaro malaéka'é risibawangngi maéga malaéka' laing, iya pojiyéngngi Allataala. Makkedai mennang,

LUKAS 2:15

Risalainnana mennang risining malaéka'é nalisu ri surugaé, makkedani iyaro sining pakkampié séddié lao ri laingngé, “Laono mai talao ri Bétléhém nataitai gau' iya kajajiyangngéro, iya napaissengengngékki Puwangngé.”