LUKAS 19:44 - KITTA KAREBA MADECENG

⁴⁴ Nancuru'ko matu mennang silaong sininna pabbanuwamu; nadé' séddi batu naleppessang matu mennang tassusung ri onronna, saba' dé' mupénessaiwi wettunna Allataala polé untu' passalama'ko!”

LUKAS 19:44 Խաչաձեւ Հղումներ

LUKAS 21:6

“Engka matu wettunna, sininna iya muwitaéwé riruttungngi matu; dé' matu séddi batu monro tassusung ri onronna!”

AWATINGENG 1:8

Nacarépaiwi aléna muto Yérusalém ri laleng napogau'na maéga dosa matunaé. Sininna iya pakalebbiéngngi riyolo, makkekkuwangngé napakatunani nasaba naitai allusu-lusunna. Maddarékéi, nasaba ateddéngenni rupa.

1 PETRUS 2:12

Ampé-ampému ri yelle'na tau iya dé'é naissengngi Puwangngé harusu'i makessing senna', angkanna rékko napétenna'ko selaku tau maja, harusu'i mennang nangakui pangkaukemmu iya makessingngé, angkanna napojiwi matu mennang Allataala ri Esso apolén-Na.

LUKAS 19:42

Adan-Na, “Kasiyang, lebbi kessingngi rékko iya essoéwé muwissengngi aga iya weddingngé mappapolé assidaméngeng! Iyakiya makkekkuwangngé dé' mulléi mitai.

LUKAS 1:68

“Laono mai tapojiwi Puwangngé, Allataalana bangsa Israélié! Poléni tulungngi umma'-Na sibawa paleppe'i mennang.

MATIUS 24:2

Nakkeda Yésus lao ri mennang, “Muwitaga iya manennaro? Issenni, dé'gaga muwi séddi batu polé ri bolaéro monro matu tassusung ri onronna. Iya manennaro riruttungngi matu.”

DANIEL 9:24

Wékkapitu pituppulo taung iyanaritu wettu iya napattette'é Allataala untu' paleppe'i bangsamu sibawa kotamu iya mapaccingngéro polé ri dosaé sibawa jaé. Sininna dosaé riyaddampengengngi sibawa ripatettongngi adélékeng iya mannennungengngé, angkanna pakkitang sibawa botoéro mannessai matu, sibawa Bolana Puwang iya mapaccingngéro riyassompaisi matu lao ri Puwangnge.

LUKAS 1:78

Masémpo atiwi Puwatta namakacuwa; poléi untu' passalama'ki. Pada-pada mata essoé mompoé ri éléé.

MARKUS 13:2

Nappébali Yésus, “Muwitaga iyaro sining bangunang iya battowaé? Muwi séddi dé'to gaga batu bangunangngéro monro tassusung ri onronna. Riruttung manengngi matu.”

MIKHA 3:12

Nasaba jamuro, rirakkalai matu Sion pada-pada dare'é, Yérusalém mancajiwi matu goppo ruttungeng, sibawa bulu-buluna Bolana Puwangnge mancajiwi matu alekale.

MAZMUR 137:9

Masennangngi tau iya malaéngngi ana'-ana'lolomu nanaggeppuwangngi ri bulu-bulu batué!

YESAYA 10:3

Aga matu muwébbu ri esso nahukkummu Allataala? Aga awatangemmu ri wettu napapolé-Na abala polé ri wanuwa iya mabélaé? Kégiko lao méllau tulung matu? Kégiko matu subbui iyaro asugiremmu?

YESAYA 29:3

Nagasai matu Allataala iyaro kotaé sibawa keppungngi polé risininna sulapa'na.

YEREMIA 11:23

Purani upattentu wettunna untu' papoléi abalaé ri yasé'na sining tau Anatot-é, sibawa rékko narapii wettu pahukkungenna mennanro, dé' muwi séddi tau leppe.”

DANIEL 9:26

Ri paccappurenna wettuéro iyaro pamimping napiléna Allataala riyunoi matu, padahal dé' napasala. Napoléna tentarana séddié arung iya mawatangngé, nanapaccappui Yérusalém enrengngé Bolana Puwangnge. Paccappurenna iyaro wettué poléi matu pada-pada lémpe iya tiwié musu sibawa ancurukeng, pada-pada iya puraé napattentu Allataala.