LUKAS 1:8 - KITTA KAREBA MADECENG

⁸ Riséuwaé esso, wettunna golongang Abia nakenna léléng, napajoppani Zakharia jamanna selaku imang ri yolona Allataala.

LUKAS 1:8 Խաչաձեւ Հղումներ

2 TAWARIKH 8:14

Situru sibawa sining peraturanna Daud ambo'na, naatoro'i Salomo jama-jamang esso-essoé untu' sining imangngé sibawa untu' tau Léwié iya harusu'é makkélong poji-pojiyang lao ri Puwangnge sibawa bantui sining imangngé ri laleng pogau'i upacara-upacara assompangngé. Makkuwatoro sining pengawalna Bolana Puwangnge nabagéi ri laleng regu-regu untu' tungke pintu gerbang, situru panunju'na Daud atanna Allataala.

1 TAWARIKH 24:19

Asenna sining tauwéro riyokii situru lélénna mennang untu' muttamakiwi Bolana Puwangnge sibawa pogau'i jamang assompangngé iya puraé napattentu Harun, toriyolona, situru sibawa paréntana Puwangnge, Allataalana Israélié.

2 TAWARIKH 31:2

Napattette'ni paimeng Arung Hizkia regu-regu sining imangngé sibawa tau Léwié situru abbagéngeng jamanna mennang. Iyaro jama-jamangngé muttama'ni gau'-gau' mangoloéwé: makkasuwiyangeng akkarobangeng ritunu sibawa akkarobangeng pappasidamé, tumaningiwi upacara assompangngé ri Bolana Puwangnge, sibawa pojiwi enrengngé mattarima kasi lao ri Puwangnge ri maddupa-rupang onrong ri laleng Bolana Puwangnge.

LUKAS 1:5

Wettunna Hérodés mancaji arunna wanuwa Yudéa, engka séddi imang asenna Zakharia. Muttama'i ri laleng golongang imang-ngimang Abia. Bainéna riyasengngi Elisabét, wijanna imang towi.

EZRA 6:18

Nainappa untu' attumaninna ri laleng Bolana Puwangnge nasusungngi mennang akkalompokenna sining imangngé enrengngé sining tau Léwié situru peraturang iya tarokié ri laleng kitta'na Musa.

2 TAWARIKH 31:19

Ri yelle'na sining imang iya monroé ri kota-kota iya ripattentué untu' wija-wijanna Harun, iyaré'ga risining padangngé ri seddéna kota-kotaéro, rijello'i sining petugas-é untu' bagé-bagéi bahang inanré lao ri sininna tau worowané ri laleng kaluwarga imangngé, sibawa lao ri tungke tau iya ridaftar-é ri laleng suku Léwi.

2 TAWARIKH 11:14

Iyaro sining tau Léwié nasalaini sining padang wellaé sibawa tanana mennang namattette ri Yéhuda sibawa Yérusalém, saba' Yérobéam sibawa arung-ngarung iya sulléiyéngngi dé' napalaloi mennang majjama selaku imanna Puwangnge.

ABBILANGENG 18:7

Iyakiya banna iko sibawa ana'-ana'mu bawang iya weddingngé pajoppai jamangngé selaku imang, ri laleng sininna jama-jamang iya engkaé assisumpungenna sibawa mézbaé nenniya aga iya engkaé ri Bili' Pommapaccingngé. Iyanaro tanggung jawa'mu, nasaba purano uwéréng tudangeng selaku imang. Tungke' tau iya dé'é nappunnaiwi ha'éro rihukkung matéi matu rékko naddeppériwi iyaro barab-barang mapaccingngé.”

ASSURENG 30:30

Minnyaki towi Harun sibawa ana'-ana'na kuwammengngi narilanti mennang mancaji imang untu' tumaningi-Ka.

ASSURENG 29:44

Maélo-Ka pancajiwi iyaro Kémaé sibawa mézbaé mapaccing. Harun sibawa ana'-ana'na maélo-Ka pallaingngi polé ri laingngé kuwammengngi Natumaningika selaku imang.

ASSURENG 29:9

nenniya babbang ri mennang, nainappa mutaro passapué ri ulunna. Makkuwaniro carana lanti'i Harun sibawa ana'-ana'na. Mennang sibawa wija-wijanna harusu'i natumaningi-Ka selaku imang lettu mannennungeng.

ASSURENG 29:1

“Mappakkuwaniyé carana lanti'i Harun sibawa ana'-ana'na kuwammengngi weddingngi mennang tumaningi-Ka selaku imang. Alano sikaju saping lai iya maloloé sibawa duwakkaju bimbala lai iya dé'é gaga sala-salanna.

ASSURENG 28:41

Pasangngi iyaro pakéyangngé ri Harun silessuremmu sibawa ana'-ana'na. Minnyakiwi mennang sibawa minnya zaitun; nasibawang iyaro narilanti mennang sibawa ripallaing untu' tumaningi-Ka selaku imang.

ASSURENG 28:1

“Obbii Harun kakamu enrengngé ana'-ana'na Nadab, Abihu, Eléazar sibawa Itamar, namupallaingngi mennang kuwammengngi weddingngi tumaningika selaku imang.

LUKAS 1:7

Dé' nappunnai mennang ana' saba' manangngi Elisabét na macowani mennang iya duwa.