LUKAS 1:79 - KITTA KAREBA MADECENG

⁷⁹ Makkuwani ritu mabbéréyangngi tajan-Na lao ri sininna tauwé iya tuwoé ri laleng apettangengngé sibawa amétaurengngé. Napimpikki ri laleng iya mattujué ri adaméngengngé.”

LUKAS 1:79 Խաչաձեւ Հղումներ

YESAYA 9:2

Puwang, Muwéréngngi mennang ariyo-riyong battowaé, Muwébbui mennang gora-gora. Marennui mennang nasaba akessingem-Mu, pada-pada tau iya mariyo-riyoé wettunna mappaddeppungeng éngngalang, iyaré'ga mattawa barang rappa.

MATIUS 4:16

Bangsa tuwoé ri laleng pettangngé naitani tajang mattappaé! Lao ri iya monroé ri laleng wanuwa apettangenna amaténgngé mompoi cahaya macakkaé!”

RIWAYA'NA RASUL-RASUL-E 26:18

untu' pakkitai matanna, kuwammengngi nassu polé ri pettangngé nanauttama ri laleng cakkaé; kuwammengngi naleppe polé ri pangarunna Ibillisi'é, narikuwasai ri Allataala. Na ri laleng mateppe'na ri Iyya, riyaddampengengngi matu dosa-dosana sibawa mancajiwi matu mennang anggotana umma'na Allataala iya ripilé.’ ”

EFESUS 5:8

Alému riyolo engka ri laleng pettangngé. Makkekkuwangngé mancajino umma'na Puwangngé, jaji engkano ri laleng tajangngé. Rimakkuwannanaro harusu'ko tuwo ri laleng tajangngé.

YESAYA 42:7

Untu' timpa'i matanna tau butaé, sibawa paleppe'i tauwé polé ri apettangenna tarungkué.

YOHANES 12:46

Engkaka ri linoéwé selaku tajang, kuwammengngi sininna tau iya mateppe'é ri Iyya dé' naonro ri laleng pettangngé.

YOHANES 8:12

Nabbicarasi Yésus lao ri tau maégaé, adan-Na, “Iyya'naé tajanna linoé. Tau iya maccowériyék-Ka dé' matu najoppa ri laleng pettangngé, iyakiya nappunnangiwi tajanna atuwongngé.”

YOHANES 9:5

Ri wettu engka-Ku mupa ri linoéwé, Iyya'na tajanna linoé.”

MAZMUR 107:14

Natiwii mennang massu polé ri pettangngé, sibawa poloi balenggunna mennang.

MAZMUR 107:10

Engka tappangkung ri laleng pettangngé, tau ritahang iya manrasa-rasaé ri laleng balenggu bessié,

YESAYA 49:9

Tau iya ritarungkué Usuroi massu; iya engkaé ri onrong makalemmengngé Utiwii lao ri tajangngé. Mala ri bulu-bulu iya makellué dé' naakurangeng mennang, ri sillampé lalengngé tassadiyai inanré.

YOHANES 1:9

Tajang tonget-tongengngé iya tappaéngngi sininna rupa tauwé, poléi ri linoé.

MAZMUR 23:4

Namuni uwolai lompo iya mapettangngé, dé' umétau ri bahayaé, saba' Musilaongekka. Mulinrungika pada-pada séddié pakkampi linrungiwi bimbala'na sibawa tekkeng nenniya tarasulu.

LUKAS 2:32

pada-pada tajang iya tappaéngngi lalenna sininna bangsa-bangsa laingngé, untu' lao ri Iko; iyanaritu tajang iya mappapolé alebbireng lao ri umma'-Mu Israélié.”

YEREMIA 2:6

Dé' nabati-batika; Iyya, iya puraé dulungngi mennang ri lalengngé, sibawa tiwii mennang massu polé ri Maséré molai padang kessi'é, daéra makabuttu iya maégaé kalebbok-kalebbonna, enrengngé marakko namabbahaya – padang iya dé'é nariyonroi sibawa dé' narilaloi!

YESAYA 49:6

Makkedai Puwangnge lao ri iyya, “Tugas iya lebbi battowaé tajekko, éh atak-Ku; tenniya banna mupalisui sésana wija-wijanna Yakub sibawa palisui arajanna suku-suku Israélié, iyakiya Upancaji towi tajanna bangsa-bangsaé, kuwammengngi naripassalama sininna linoé.”

YESAYA 42:16

Bangsa-Ku iya butaé Urénréngngi matu molai laleng iya dé'é naissengngi mennang; Urénréngngi matu mennang risining laleng iya dé'é naissengngi mennang. Pettangngé Upancajiwi tajang untu' mennang, sibawa laleng iya makkalebbong-kalebbongngé Uparatai. Iyanaro Upogau' matu untu' mennang, napasti Upogau' matu.

ROMA 3:17

Butai mennang lao ri laleng asaléwangengngé,

YEREMIA 6:16

Makkedai Puwangnge lao ri umma'-Na, “Tettonno ri pékka-pékka lalengngé, sibawa pénessaiwi madécéd-décéng! Akkutanangngi sining lalengngé riyolo, sibawa kégana kaminang makessing ri yelle'na. Accowériwi iyaro lalengngé, kuwammengngi mutuwo tennang.” Iyakiya makkedai mennang, “Dé', dé' tamaélo maccowériwi iyaro lalengngé!”

YESAYA 59:8

Dé' muusahakangngi assipammasé-maséngngé, sibawa sininna pangkaukemmu dé' naadélé. Lalemmu malléko-léko, na tau iya maccowériyéngngi iyaro lalengngé dé' namasennang matu.

YESAYA 48:22

Dé'gaga asalamakeng untu' tau majaé,” makkuwaniro adanna Puwangnge.

MAZMUR 44:19

Atitta dé' nassakkarekko; paréntamu dé' tajampaléllériwi.

MAZMUR 25:12

Puwangnge mappagguruwangngi lao ri tau mateppe'é laleng iya harusu'é naola mennang.

AMSAL 3:17

Naébbui masennang atuwommu pangissengengngé sibawa saléwangeng.

AYUB 10:22

wanuwa iya mapettangngé, penno wajo-wajo sibawa akacaungeng, kégi cakkaé sinrupai sibawa pettangngé.”

YESAYA 48:17

Adanna Allataala mapaccinna Israélié, pappassalama'mu, “Iyya ritu Puwang Allataalamu, iya pagguruékko aga iya makkégunaé untu' alému, sibawa pimpikko ri laleng iya harusu'é muwola.

AMSAL 8:20

Uwaccowériwi laleng adélékengngé, majjongkaka ri laleng alempurengngé.

AYUB 3:5

Pancajiwi iyaro essoé malotong keppu, mapettang kape, massalawu mabbajampajang; sampoi sibawa ellung nenniya saliwu, cinaungiwi polé ri tappa mata essoé.

RIWAYA'NA RASUL-RASUL-E 10:36

Naissenni saudara-saudara lise'na karéba iya napalettu'é Allataala lao ri bangsa Israélié. Iyaro karébaé iyanaritu passalenna Karéba Madécéngngé lao-laona adaméngengngé naolai Yésus Kristus, iyanaritu Puwanna sininna tauwé.