LUKAS 1:78 - KITTA KAREBA MADECENG

⁷⁸ Masémpo atiwi Puwatta namakacuwa; poléi untu' passalama'ki. Pada-pada mata essoé mompoé ri éléé.

LUKAS 1:78 Խաչաձեւ Հղումներ

2 PETRUS 1:19

Iyanaro saba'na natalebbi mateppe' lao ri pasenna Allataala iya nabbirittangngé sininna nabié. Makessingengngi rékko mupénessaiwi pasengngéro, saba' iyaro pasengngé pada-padai lampu iya mattappaé ri onrong mapettangngé narapi mompo essoé, sibawa tappa wéttowing alaué mattappa ri laleng atimmu.

MALEAKHI 4:2

Iyakiya untu' iko iya matinulué lao ri Iyya, akuwasak-Ku iya mappassalama'é mompoi matu pada-pada mata essoé, sibawa tappana mappapoléi ajjappang. Leppe'ko matu sibawa marennu pada-pada ana' saping iya nappaé massu polé ri wakkéé.

KOLOSE 3:12

Saudara iyanaritu umma'na Allataala, Allataala mamaséiko sibawa piléko untu' mancaji appunnangen-Na iya napallaingngé. Iyanaro saba'na na harusu'ko mappaitangngi paressé babuwaé, harusu'ko makessing ati, pakariyawai atimmu, malemma kininnawa, sibawa tahang manrasa-rasa.

FILIPI 2:1

Mawatakko, nasaba masséddiko sibawa Kristus. Sibawa tassaléwoko nasaba Kristus mamaséiko! Ripimpikko Saudara ri Rohna Allataala, nasipammasé-masé tokko enrengngé mappunnaiwi paressé babuwa séddié lao ri laingngé.

EFESUS 5:14

Saba' sininna iya weddingngé riita sibawa manessa, iyanaritu matajangngi. Iyanaro saba'na naripowada, “Oto'no, éh iko matinroé, sibawa tokkonno polé ri amaténgngé! Mattappai matu Kristus ri yasé'na.”

ABBILANGENG 24:17

Uwitai, iyakiya tenniya makkekkuwangngé; utiroi, iyakiya polé mabéla. Séddiwi arung polé ri Israélié assalenna, poléi matu pada-pada wéttowing mattappaé. Sining pamimpinna Moab naancuru'i matu naancuru'i matu bangsa Sét.

WAHYU 22:16

“Iyya, Yésus, pura suroi malaéka'-Ku lao ri iko kuwammengngi nappassengengngi gau'-gau'éwé untu' apentingenna jema'-jema'é. Iyya'naé wija-wijanna Daud; Iyya'naé wéttowing alau iya macakkaéro.”

1 YOHANES 3:17

Séddié tau iya agennekengngé mitai saudarana akurangeng, iyakiya dé' namaélo tulungngi saudaranaro, pékkugi iyaro tauwé mulléi makkeda makkedaé namaséiwi Allataala?

ZAKHARIA 6:12

Palettukengngi makkedaé Iyya Puwang Iya Pommakuwasaé makkeda, ‘Tau iya riyasengngé Cura', mallolongengngi matu ri onrong iya naonroiyé sibawa napatettongngi matu paimeng Bolana Puwangnge.

ZAKHARIA 3:8

Engkalingai éh Imang Lompo Yosua, makkuwatoro iko imang-ngimang iya mancajiyé sellao-sellaona, iko maneng iyanaritu lambanna wettu mangolo iya makessingngé. Iyaro wettué Usuroi matu atak-Ku iya riyasengngé ‘Cura'’.

YESAYA 11:1

Akkarungenna Arung Daud pada-padai aju iya puraénna ritubbang. Iyakiya pékkugi polé ri tona tuwoi cura' baru, makkuwatoro polé ri wija-wijanna Daud mompoi matu séddi arung.

FILIPI 1:8

Naisseng Allataala makkedaé muddani senna'ka lao ri iko sibawa pappénedding sipammasé-masé polé ri aléna Kristus Yésus.

YOHANES 3:16

Nasaba makkumani Allataala namaseinna rupa tauwé ri linoéwé, angkanna Nabbéréyangngi Ana' Tungke'na, kuwammengngi na tungke' tau iya matepperiyéngngi dé' nabinasa sangadinna lolongengngi atuwong tongengngé sibawa mannennungengngé.

YESAYA 63:15

Oh Puwang, itaki polé ri surugaé, polé ri onrom-Mu iya mapaccingngé sibawa malebbié. Kégani pammasé-Mu sibawa aporéngem-Mu? Kégani pammasé-Mu sibawa paressé babuwamu? Aja' mutahangngi iyaro polé ri idi.

YESAYA 63:7

Maéloka mabbirittangngi pammaséna Puwangnge sibawa pojiwi nasaba sininna pangkauken-Na. Nabarakkakiwi umma'-Na sibawa maona, nasaba mapparessé babuwai na pammasé-Na dé' paccappurenna.

MAZMUR 25:6

Engngerangngi sininna akessingemmu sibawa pammasé-Mu, oh Puwang, iya Muwajjellokengngé ri pammulanna mupa.

YESAYA 42:16

Bangsa-Ku iya butaé Urénréngngi matu molai laleng iya dé'é naissengngi mennang; Urénréngngi matu mennang risining laleng iya dé'é naissengngi mennang. Pettangngé Upancajiwi tajang untu' mennang, sibawa laleng iya makkalebbong-kalebbongngé Uparatai. Iyanaro Upogau' matu untu' mennang, napasti Upogau' matu.