LUKAS 1:76 - KITTA KAREBA MADECENG

⁷⁶ Iko, éh ana'ku, riyasekko matu nabinna Allataala Iya Pommatanré. Risuroko poddiyoloiwi Puwangngé untu' sarakengngi laleng Aléna.

LUKAS 1:76 Խաչաձեւ Հղումներ

MALEAKHI 3:1

Pappébalinna Puwang Iya Pommakuwasaé, “Ukiringngi matu suro-Ku untu' passadiyangek-Ka laleng. Na temmusenna-sennai Iyya, Puwang iya musappaé, laowi matu ri Bola-Ku. Suro-Ku iya muwuddaniyéro poléi matu sibawa mappallebbangengngi assijancik-Ku.”

YOHANES 1:23

Nappébali Yohanés, “Iyya'naé iya napowadaé Nabi Yésaya: ‘Tau iya goraé ri padang kessi'é: Paratai lalengngé untu' Puwangngé.’ ”

MATIUS 14:5

Sitongenna macinnai Hérodés mpunoi Yohanés, iyakiya métaui risining tauwé, nasaba nasengngi mennang Yohanés nabi.

MATIUS 3:3

Yohanés iyanaé tau nakkattaiyé Nabi Yésaya ri laleng adannaé, “Engka tau gora-gora ri padang kessi'é, ‘Passadiyangengngi laleng Puwangngé; palapparengngi laleng Aléna.’ ”

RIWAYA'NA RASUL-RASUL-E 16:17

Iyaro makkunraié naccowériwi Paulus matteru sibawa idi nagora-gorato, “Iyaé sining tauwé atannai Allataala Iya Pommatanré! Poléi mennang untu' paissengiwi Saudara-saudara pékkugi carana mulléi salama'!”

LUKAS 1:35

Nappébali iyaro Malaéka'é, “Poléi matu Rohna Allataala ri iko, sibawa akuwasanna matu Allataala salipuriko. Iyanaro saba'na ana' iya mujajiyangngé matu riyasengngi matu Mapaccing, Ana'na Allataala.

LUKAS 1:32

Mancajiwi matu maraja nariyaseng Ana'na Allataala Iya Pommatanré. Napancajiwi matu Puwang Allataala arung pada-pada Arung Daud, néné-nénéna.

MARKUS 11:32

Iyakiya mawatatto untu' makkeda, ‘Sibawa ha'na tolinoé.’ ” Saba' métaui lao ri tau maégaé, nasaba sininna tau maégaé nangga'i Yohanés séddi nabi.

YOHANES 3:28

Alému pura méngkalingaka makkeda, ‘Tenniyaka Arung Pappassalama'é. Risuroka poddiyoloiwi Aléna.’

YOHANES 1:27

Poléi lebbi ri monri naiya iyya, iyakiya muwi untu' lukkai tulu sapatun-Na dé'to usitinaja.”

LUKAS 6:35

Sitonget-tongenna dé' nakkuwaro! Sibalé'na harusu'ko mamaséiwi balimmu sibawa pogau'i makessingngé lao ri mennang. Harusu'ko mappainreng, naaja' murennuwangngi lisu. Rékko makkuwairo, battowai saromu sibawa mancajiko matu ana'-ana'na Allataala Iya Pommatanré. Saba' makessing atiwi Allataala lao ri tau iya dé'é naissengngi mattarima kasi, sibawa lao ri iya majaétto.

MATIUS 21:26

Iyakiya rékko makkedaki, ‘Sibawa ha'na tolinoé',’ métauki lao ri tau maégaé, saba' nangga' manengngi mennang Yohanés séddiwi nabi.”

MATIUS 3:11

Ucemméko sibawa uwai untu' pannessai makkedaé toba'no polé ri dosa-dosamu; iyakiya iya maéloé polé ri munrikku, nacemméko matu sibawa Rohna Allataala enrengngé api. Lebbi battowai na iyya. Muwi untu' tiwii sapatun-Na dé'to usitinaja.

MALEAKHI 4:5

Iyakiya ri wettu dé'napa napolé esso iya héba'é sibawa maseroé iya Upattentuéro, Usuroi matu lao ri iko Nabi Elia.

MAZMUR 87:5

Lao ri Sion makkedai matu tauwé, makkedaé sininna bangsaé muttama'ni wargana, sibawa Iya Pommatanré pakkasse'i matu.