LUKAS 1:72 - KITTA KAREBA MADECENG

⁷² Untu' mappaitangngi asémpowatin-Na lao ri toriyolota, jancin-Na iya mapaccingngéro Narupaiwi matu.

LUKAS 1:72 Խաչաձեւ Հղումներ

MAZMUR 106:45

Nasaba mennang Naéngngerangngi matu assijancin-Na sibawa napojiwi mennang nasaba pammasé-Na iya battowaé.

MIKHA 7:20

Lao ri umma'-Mu, wijanna Abraham sibawa Yakub, Muwappaitangngi matu atinulurem-Mu sibawa pappojim-Mu iya dé'é gaga paggangkannaro pada-pada iya Muwajjanciyangngé lao ri toriyolota riyolo.

ANGIMANGENG 26:42

Maélo-Ka méngngerangngi assijancik-Ku sibawa Yakub, Ishak sibawa Abraham. Maélo-Ka pakabaruiwi jancik-Ku untu' mpéréngngi tanaéro lao ri bangsa-Ku.

ROMA 11:28

Nasaba tau Yahudié dé' namaélo tarimai Karéba Madécéng polé ri Allataala, mancajiwi mennang balinna Allataala; na mala iyaro mancajiwi amaupekeng lao ri Saudara-saudara iya tenniyaé Yahudi. Iyakiya nasaba pappiléna Allataala, na iyaro sining tau Yahudié tette'i riyamaséi ri Allataala nasaba néné-nénéna.

YEHEZKIEL 16:60

Iyakiya Uwéngngerangngi matu assijancing iya puraé Uwébbu silaong iko ri wettu malolomu sibawa mébbu assijancing sibawa iko iya takkennaé lettu mannennungeng.

KAJAJIYANG 28:14

Wija-wijammu singngégai matu awué ri tanaé. Nalowangiwi matu daérana mennang lao tulili, nanaolako sibawa wija-wijammu, maélo-Ka barakkakiwi sininna bangsaé ri linoé.

KAJAJIYANG 26:4

Maélo-Ka mpérékko ana' eppo singngéga wéttowingngé ri langié, sibawa sininna daéraéwé maélo-Ka mpéréngngi mennang. Sininna bangsaé ri linoé méllauwi matu ri Iyya kuwammengngi Ubarakkakiwi mennang pada-pada pura Ubarakkakinna wija-wijammu.

MAZMUR 111:5

Nawéréngngi dallé tau iya mateppe'é, sibawa tuli naéngngerangngi matu assijancin-Na.

MAZMUR 98:3

Naéngngerangngi pammasé sibawa atinuluren-Na lao ri Israélié, umma'-Na. Sininna bangsaé ri sininna linoé purani naita apakalanna Allataala.

KAJAJIYANG 22:18

Sininna bangsaé ri linoé méllauwi matu ri Iyya kuwammengngi Ubarakkakiwi mennang pada-pada purana Ubarakkaki wija-wijammu – nasaba purani muturusi parénta-Ku.”

KAJAJIYANG 12:3

Maélo-Ka barakkakiwi sining tau iya barakkakiyéngngékko sibawa tanroiwi sining tau iya tanroiyéngngékko. Nasaba iko maélo-Ka barakkakiwi sininna bangsaé ri linoé.”

MAZMUR 105:42

Saba' naéngngerangngi Puwangnge jancin-Na lao ri Abraham, atan-Na.

ROMA 9:4

Mennang iyanaritu umma'-Na iya napilé sibawa Allataala pancajiwi mennang ana'-ana' ri Aléna, enrengngé pannessai akuwasan-Na lao ri mennang. Pakangkai assijancingeng sibawa mennang enrengngé mpéréngngi mennang hukkung-hukkung agama. Allataala paissengiwi lao ri mennang pékkugi mennang harusu' massompa sibawa pura toni mennang natarima janci-jancin-Na.

1 TAWARIKH 16:16

Iyaro assijancingngé Naébbui sibawa Abraham, nainappa sibawa Ishak,