LUKAS 1:71 - KITTA KAREBA MADECENG

⁷¹ untu' passalama'ki polé ri balitta sibawa polé ri akuwasanna sining tau iya benciyékki.

LUKAS 1:71 Խաչաձեւ Հղումներ

MAZMUR 106:10

Nanallalengiwi Naripassalama'i mennang polé ri limanna balié, Naripaleppe'i mennang polé ri akuwasanna balié.

YEREMIA 23:6

Rékko mapparéntai, salama'i matu tau Yéhudaé, sibawa tuwoi matu tau Israélié sibawa amang. Iyaro arungngé riteppui matu ‘Puwangnge Asalamaketta.’

ULANGENG 33:29

Masennakko, éh Israélié! Dé' gaga bangsa iya pada-padaé iko ripassalama ri Puwangnge. Puwangnge pada-padai peddangngé sibawa kaliyawoé lao ri iko; untu' méwaiko sibawa mpérékko apakalang. Sining balimmu poléi matu méllau paressé babuwa, namuléjja-léjja'i matu mennang.”

YEHEZKIEL 34:28

Dé'na matu mennang narirampo ri bangsa-bangsa iya dé'é naissek-Ka, iyaré'ga riyanré ri olokolo masekkangngé. Tuwoi matu mennang sibawa saléwangeng, sibawa dé'gaga muwi séddi tau mébbui mennang métausi.

YEREMIA 32:37

Upaddeppungengngi matu iyaé bangsaé polé ri sininna wanuwaé onronna mennang Upassara-sarang nasaba cai-Ku lao ri mennang. Utiwii matu mennang lisu ri onrongngéwé sibawa Upakkulléi monro kuwaé sibawa amang.

YEHEZKIEL 34:25

Mébbu-Ka matu assijancing sibawa mennang, iya tanggungngéngngi keamananna. Urukkai matu sininna olokolo masekkangngé polé ri sininna wanuwaé, kuwammengngi nawedding monro sining bimbala'-Ku sibawa amang risining padangngé sibawa matinro risining ale'é.

1 YOHANES 3:8

Iyakiya tau iya matteru-terué pogau' dosa, ana'nai iyanaritu Ibillisi', saba' Ibillisi' pammulanna mupa namadosa. Untu' iyanaé napolé Ana'na Allataala, iyanaritu untu' mancuru'i jama-jamanna Ibillisi'.

YEHEZKIEL 38:8

Siyagangngarépi taunna uparéntangngi matu untu' gasai séddié wanuwa sibawa pabbanuwa iya puraénna ripaddeppungeng paimeng polé ri yelle'na maéga bangsa nainappa monro ri wanuwaéro sibawa tennang. Natudangiwi matu Gog sining buluna Israélié iya maittaénna masino-sino sibawa penno sésa-sésa ruttungeng, iyakiya makkekkuwangngé naonroini ra'ya' iya tuwoé sibawa damé.

YEHEZKIEL 28:26

Tuwoi matu mennang sibawa amang kuwaro nenniya patettong sining bola enrengngé mébbu palla-palla anggoro. Uhukkungngi matu sining balibolana iya puraé pakatunai mennang, angkanna mancaji amang Israélié. Nanaissengngi mennang makkedaé Iyya'na ritu Puwang Allataalana.”

MAZMUR 106:47

Passalama'ki, oh Puwang Allataalata, paddeppungekki polé ri yelle'na bangsa-bangsaé, kuwammengngi weddikki sukkuru sibawa pojiwi asem-Mu iya mapaccingngé.

LUKAS 1:68

“Laono mai tapojiwi Puwangngé, Allataalana bangsa Israélié! Poléni tulungngi umma'-Na sibawa paleppe'i mennang.

2 ARUNG-NGARUNG 17:39

Turusi-Ka, Puwang Allataalamu, Nauleppessakko matu polé risining balimmu.”