LUKAS 1:68 - KITTA KAREBA MADECENG

⁶⁸ “Laono mai tapojiwi Puwangngé, Allataalana bangsa Israélié! Poléni tulungngi umma'-Na sibawa paleppe'i mennang.

LUKAS 1:68 Խաչաձեւ Հղումներ

MAZMUR 106:48

Pojiwi Puwangnge, Allataalana Israélié, makkekkuwangngé sibawa mannennungeng. Leppessanni sininna tauwé makkeda, “Aming!” Pojiwi Puwangnge!

LUKAS 7:16

Métau maneng tauwé sibawa mammulani pojiwi Allataala. Makkedai mennang, “Momponi ri tengnga-tengngata séddi nabi iya battowaé! Poléni Allataala untu' passalama'i umma'-Na!”

MAZMUR 41:13

Mutulukka nasaba alempurekku, sibawa mébbuka tuwo sibawak-Ko untu' mannennungeng.

MAZMUR 111:9

Napaleppe'i umma'-Na, sibawa pakangka assijancing mannennungengngé sibawa mennang. Aléna ritu Puwang iya mapaccingngé sibawa poré!

ASSURENG 4:31

Namateppe'na mennang, na wettunna mennang naéngkalinga makkedaé Puwangnge pura jampangiwi bangsa Israélié sibawa mitai sininna anrasa-rasanna mennang, suju'ni mennang massompa.

1 ARUNG-NGARUNG 1:48

sibawa massempajang, ‘Ripojiko, oh Puwang, Allataala iya nasompaé umma Israélié. Iyaé essoé séddi polé ri wija-wijakku uwakkani mancaji arung sulléika. Sibawa purana Mupalalo tuwo untu' sabbingngi!’ ”

EFESUS 1:3

Ripojiwi Allataala, Ambo'na Puwatta Yésus Kristus! Nabarakkakiki sibawa sininna barakka rohanié ri laleng surugaé, nasaba masséddiki sibawa Kristus.

LUKAS 2:38

Iyatoro wettué napolé, nanapojiwi Allataala sibawa mabbicara passalenna iyaro Anana'é lao ri sininna tauwé iya tajengngéngngi wettunna Allataala paleppe'i Yérusalém.

1 PETRUS 1:3

Laono mai tasukkuru ri Allataala, Ambo'na Puwatta Yésus Kristus! Namaséi senna'ki, iyanaro saba'na nawérékki atuwong mabaru, ri laleng napatuwona paimeng Yésus Kristus polé ri amaténgngé. Iyaé nawérékki amménasang iya mannennungengngé.

EFESUS 1:7

Saba' amaténna Kristus, napaleppe'ki Allataala, bettuwanna puraki Naddampengeng polé ri dosa-dosata.

1 TAWARIKH 29:20

Purana massempajang makkuwaro, makkedani Daud lao ri tau maégaé iya maddeppungengngé kuwaro, “Pojiwi Puwang Allataalamu!” Nasininna tauwéro poji-pojiwi Puwangnge, Allataala iya nasompaé toriyolona. Nainappa mennang suju' untu' pakalebbii Puwangnge sibawa arungngé.

1 TAWARIKH 29:10

Napoji-pojini Arung Daud Puwangnge ri yolona tau maégaéro. Makkedai, “Oh Puwang Allataala iya nasompaé Yakub toriyolota, ripojiko untu' mannennungeng!

KAJAJIYANG 14:20

Ripojiwi Allataala Iya Pommatanré, iya puraé mpérékko apakalang lao ri balimmu.” Purairo nabbéréyanni Abram lao ri Malkisédék tawaseppulona polé ri sininna barang rampasa iya natiwiénna lisu.

KAJAJIYANG 9:26

Pojiwi Puwangnge, Allataalana Sém! Mancajiwi matu Kanaan atanna Sém.

LUKAS 19:44

Nancuru'ko matu mennang silaong sininna pabbanuwamu; nadé' séddi batu naleppessang matu mennang tassusung ri onronna, saba' dé' mupénessaiwi wettunna Allataala polé untu' passalama'ko!”

KAJAJIYANG 24:27

Adanna, “Ripojiwi Puwangnge, Allataalana puwakku Abraham. Annessana matinului Puwangnge sibawa mamaséi lao ri puwakku Abraham. Napimpikka matteru lao ri sumpulolona.”

1 SAMUEL 25:32

Nanakkedana Daud lao ri aléna, “Ripojiwi Puwangnge, Allataalana Israélié, iya suroékko méwaka sita essoéwé!

1 ARUNG-NGARUNG 8:15

Makkedani, “Riyolo purai majjanci Puwangnge ri ambo'ku Daud makkuwaé, ‘Sipongenna Utiwi umma'-Ku massu polé ri Maséré, ri sininna wanuwa Israélié dé'gaga muwi séddi kota iya Upilé mancaji onrong kégi harusu ripatettongekka bola untu' onrong assompang lao ri Iyya. Iyakiya iko, Daud, Upilé untu' paréntai umma'-Ku.’ Ripojiwi Puwang Allataalana Israélié iya puraé rupaiwi jancin-Naro!”

MAZMUR 130:8

Napaleppe'ki matu polé ri sininna asussatta.

LUKAS 1:71

untu' passalama'ki polé ri balitta sibawa polé ri akuwasanna sining tau iya benciyékki.

LUKAS 24:21

Padahal riyamménasaiwi makkedaé Aléna ritu paleppe'i matu Israélié! Na iyaé essoé, esso matellunnani sipongenna kajajiyang gau'éro.

IBRANI 9:12

Muttama'i Kristus ri Bili' Pommapaccingngé ri laleng kémaéro banna siseng bawang lettu mannennungeng. Iyaro wettué dé' natiwi dara bémbé lai iyaré'ga dara ana' saping untu' riyakkasuwiyangeng; dara-Na muto natiwi, nanallalengiro napaleppe'ki lettu mannennungeng.