LUKAS 1:66 - KITTA KAREBA MADECENG

⁶⁶ Sininna tau méngkalingaéngngi iyaro gau'é makkutanani ri laleng ati, “Mancaji agai matu iyaro ana'é?” Saba' risibawangngi ri Puwangngé.

LUKAS 1:66 Խաչաձեւ Հղումներ

RIWAYA'NA RASUL-RASUL-E 11:21

Akuwasanna Puwangngé engkai ri mennang angkanna maéga tau mateppe' sibawa mabbéréyangngi aléna lao ri Puwangngé.

LUKAS 2:51

Nalisuna Yésus silaong mennang lao ri Nazarét, sibawa matinuluna lao ri mennang. Sininna gau'éro nataroi indo'-Na ri laleng atinna.

LUKAS 2:19

Iyakiya Maria nataro manengngi iyaro ri laleng atinna sibawa nanennun-nennunna.

KAJAJIYANG 39:2

Puwangnge sibawangngi Yusuf angkanna tuli mallolongengngi ri laleng jama-jamanna. Naonrona ri bolana puwanna, tau Maséré'éro.

LUKAS 9:44

“Pénessai madécéd-décéng sibawa aja' muwallupaiwi ada-adak-Kué: Ana'na Tolinoé riyabbéyangngi matu lao ri akuwasanna tolinoé.”

LUKAS 2:40

Napédé' battowana iyaro anana'é sibawa mawatang. Mapanré senna'i sibawa riyamaséinna ri Allataala.

LUKAS 1:80

Napédé' battowana iyaro ana'na Zakharia sibawa pédé' mawatang rohna. Monroi ri padang kessi'é, narapi lettu wettunna nappaissengeng aléna lao ri bangsa Israélié.

MAZMUR 119:11

Pappagguruwam-Mu utaroi ri laleng atikku, kuwammengngi aja' umadosa lao ri Iko.

MAZMUR 89:21

Purani Ulolongeng Daud, atak-Ku, sibawa Ulanti sibawa minnya upacara.

1 ARUNG-NGARUNG 18:46

Iyaro wettué lolongenni awatangeng Elia polé ri Puwangnge. Nalulunni jumbana ménré nanasiyoi ri babuwana nainappa lari poddiyoloiwi Ahab puppu laleng lettu ri pintu gerbanna kota Yizreel.

1 SAMUEL 16:18

Naéngkalinganaro makkedani séddi atanna, “Isai pabbanuwana Bétléhém mappunnai séddi ana' worowané iya maccaé macculé musi'. Pabbaraniwi sibawa séddiwi prajuri iya makessingngé. Nainappani poréi sibawa macca mabbicara, na Puwangnge tuli tulungngi.”

1 SAMUEL 2:18

Na wettuéro, Samuél iya anana'é muparo matterui tumaningiwi Puwangnge. Pakéi waju ripallaing polé ri kaing lénangngé, pada-pada waju assompanna sining imangngé.

KAJAJIYANG 37:11

Mangémpuruni sining kakana Yusuf lao ri aléna, iyakiya ambo'na tette'i napikkiri iyaro nippié.

MAZMUR 80:17

Balié pura tubbangngi sibawa tunui; leppessanni mennang ripaccappu ri cai-Mu.

KOLOSE 1:5

Mateppe'ko sibawa mamaséko, saba' mamménasako ri aga iya napassadiyaé Allataala ri surugaé untu' iko. Purani muwéngkalinga passalenna gau'éro, wettunna Karéba Madécéng tongengngé iya polé ri Allataala ripalettu lao ri iko.