LUKAS 1:48 - KITTA KAREBA MADECENG

⁴⁸ Naéngngerakka atan-Na iya matunaé! Mappammulai makkekkuwangngé sininna bangsaé makkedai mariyo-riyoka.

LUKAS 1:48 Խաչաձեւ Հղումներ

MAZMUR 138:6

Malempu senna'-Ko, iyakiya Mujampangi towi iya matunaé, dé' naulléi massubbu tau matempoé polé ri Iko.

MALEAKHI 3:12

Nariyasekko matu masennang ri sininna bangsaé, saba' mancajiwi wanuwammu onrong iya makessingngé untu' riyonroi.”

1 SAMUEL 1:11

Nainappa majjanci Hana, adanna, “Puwang Iya Pommakuwasaé, pénessaiwi atam-Muwé! Itai asussanna atam-Muwé. Engngerangngi atatta sibawa aja' tallupaiwi atatta! Rékko tawéréngngi atatta séddi ana' worowané, majjanciwi atatta maélo mabbéréngngi lao ri Iko gangka tuwona. Majjanci towi atatta makkedaé gemme'na dé' naengka narirette matu.”

LUKAS 11:27

Puranana Yésus makkeda makkuwaro, engka séddi makkunrai polé ri yelle'na tau maégaéro makkeda lao ri Yésus, “Masennang tongeng makkunrai iya jajiyangngék-Ko sibawa pasusuék-Ko!”

MAZMUR 136:23

Dé' nallupaiki wettutta ricau; mannennungengngi pammasé-Na.

LUKAS 1:42

nanagora, “Ikona kaminang ribarakkaki ri yelle'na sininna makkunraié! Memmuwaré' ribarakkakiwi iyaro anana' mujajiyangngé matu!

LUKAS 1:28

Iyaro malaéka'é laowi ri Maria sibawa makkeda, “Salama'ko, iko iya nabarakkakiyé Puwangngé iya dé'é padanna! Puwangngé sibawakko!”

YESAYA 66:2

Sininna alangngé iyanaritu ébbu limak-Ku, na sininnaro ripancajiwi. Iyakiya iya Upojiyé iyanaritu tau iya mariyawa atié, iya sesse'éngngi dosa-dosana, iya métaué sibawa mapatoé ri Iyya.

2 SAMUEL 7:8

Rimakkuwannanaro, Natan, paissengiwi atak-Ku Daud, makkedaé Iyya, Puwang Iya Pommakuwasaé, makkeda lao ri aléna, ‘Purano Uwala polé ri jama-jamammu makkampi bimbala ri padangngé sibawa Uwakka mancaji arung ri umma'-Ku Israélié.

1 SAMUEL 2:8

Polé ri apeddirengngé Naakkai tau dé'é angke'na, polé ri anrasa-rasangngé Napaleppe'i tau iya matunaé. Ripancajiwi mennang sellaona sining arungngé, sibawa riwéréng jabatang malebbi. Pallanggana linoé nappunnaiwi Puwangnge, ri yasé'na Napatettongngi linoé.

KAJAJIYANG 30:13

nakkeda Léa, “Temmaka sennakku! Makkekkuwangngé sininna makkunraié makkedai matu masennakka.” Rimakkuwannanaro nasenni iyaro ana'é Asyer.

MAZMUR 102:17

rékko napatettongngi Puwangnge Sion paimeng, sibawa malluru ri laleng arajan-Na.

MAZMUR 72:17

Tennapodo asenna arungngé risénge'i mannennungeng, sibawa ataromporenna tattambai ri wettu engkana mupa mata esso. Tennapodo bangsa-bangsaé méllauwi ribarakkaki pada-pada aléna, sibawa sininna tauwé teppui masennang.

LUKAS 1:45

Masenna'ko, nasaba mateppe'ko makkedaé aga napowada Puwangngé ri iko kajajiyangngi matu!”

LUKAS 1:49

Nasaba Allataala Iya Pommakuwasaé pogau'i gau'-gau' battowaé ri aléku. Mapaccingngi asen-Na.