LUKAS 1:25 - KITTA KAREBA MADECENG

²⁵ Makkedani, “Angkanna natulukka Puwangngé sibawa naleddai atunangekku.”

LUKAS 1:25 Խաչաձեւ Հղումներ

YESAYA 4:1

Iyaro wettué pitu makkunrai makkatenning séddi worowané sibawa makkeda, “Palaloki mangakuiko selaku lakkai, kuwammengngi aja' tamasiri nasaba dé' takawing. Inanré sibawa pakéyang riyullé muto tanggungngi.”

IBRANI 11:11

Nasaba mateppe'i, nawedding Abraham lolongeng wija-wijanna polé ri Sara, namuni Abraham macowa senna'ni, sibawa Sara paimeng manang. Mateppe'i Abraham makkedaé narupaiwi matu Allataala jancin-Na.

LUKAS 1:13

Iyakiya makkedai iyaro Malaéka'é, “Aja' mumétau Zakharia! Naéngkalingani Allataala sempajammu. Bainému Elisabét jajiyangngi matu séddi ana' worowané. Harusu'ko mpéréngngi aseng Yohanés.

1 SAMUEL 1:6

Tuli ripeddiriwi atinna Hana sibawa ripakatuna ri Pénina, amaurénaro, nasaba Puwangnge dé' nawéréngngi ana'.

KAJAJIYANG 25:21

Nasaba Ribka dé' nalolongeng ana', massempajanni Ishak lao ri Puwangnge untu' bainéna. Na Puwangnge tarimai sempajanna Ishak, angkanna mattampu'ni Ribka.

HAKING-HAKING 11:37

“Banna”, adanna iyaro ana'daraé matteru, “Uwéllauwi séddi passaleng: Wérékka wettu duwampuleng untu' joppa-joppa ri bulué silaong sellao-sellaoku. Kuwaniro maéloka teringiwi totoku, saba' maéloka maté ri wettu parawakku mupa.”

YESAYA 25:8

Puwang Iya Pommakuwasaé pabbinasai matu amaténgngé untu' mannennungeng! Nasussui matu uwai mataé polé ri tungke rupaé, sibawa pabélaiwi atunang iya natanggungngé umma'-Na ri sininna linoé. Puwangnge pura mabbicara, na iyaro gau'é pasti kajajiyangngi.

LUKAS 1:24

Dé' namaitta ri munrinna, mattampu'ni Elisabét, bainéna, nanaurunni aléna ri bolaé lima uleng ittana.

2 SAMUEL 6:23

Mikhal, ana'na Saulro dé' naémmana gangka tuwona.