LUKAS 1:17 - KITTA KAREBA MADECENG

¹⁷ Mancajiwi matu surona Puwangngé iya mawatangngé sibawa makuwasana pada-pada Elia. Napasidaméi matu ambo'é sibawa ana'é, enrengngé tau iya dé'é namatinulu napimpingngi matu lisu ri laleng pikkiranna iya tongengngé. Nanallalengiro napassadiyai matu séuwa umma' iya sadiyaénna untu' Puwangngé.”

LUKAS 1:17 Խաչաձեւ Հղումներ

MATIUS 11:14

Narékko maéloko mateppe', Yohanés ritu Elia, iya pura ribotoénna apolénna.

LUKAS 1:76

Iko, éh ana'ku, riyasekko matu nabinna Allataala Iya Pommatanré. Risuroko poddiyoloiwi Puwangngé untu' sarakengngi laleng Aléna.

YOHANES 3:28

Alému pura méngkalingaka makkeda, ‘Tenniyaka Arung Pappassalama'é. Risuroka poddiyoloiwi Aléna.’

MAZMUR 78:8

kuwammengngi mennang dé' napada néné-nénéna iya pojiyéngngi maronta sibawa madoraka; abbatireng iya kaléwa'-léwa'é teppe'na, sibawa dé' namatinulu lao ri Allataala.

1 TAWARIKH 29:18

Oh Puwang Allataala, iya nasompaé Abraham, Ishak sibawa Yakub, toriyolota, tennapodo iko manganrowang kuwammengngi natette umma'-Mu pojiko pada-pada makkekkuwangngéwé sibawa attulunno kuwammengngi natuli matinulu mennang lao ri Iko.

WAHYU 20:4

Nainappa uwita sining kadéra akkarungengngé, sibawa sining tau iya tudangngé risining kadéra arajangngéro riwéréng kuwasa untu' pettuiwi pahukkungengngé. Uwita towi sining nyawana tau iya puraé rirette ulunna nasaba mabbéréi mennang asabbiyang passalenna Yésus, sibawa mappallebbangengngi paseng polé ri Allataala. Iyaro sining tauwé dé' nasompai olokolo'é, iyaré'ga dato'-dato'na. Dé'to mennang naengka natarima tanranna iyaro olokolo'é ri linrona iyaré'ga ri limanna. Natuwona mennang paimeng sibawa mapparénta selaku arung silaong Kristus sisebbu taung ittana.

1 PETRUS 2:9

Iyakiya iko iyanaritu bangsa iya ripilé, imang-ngimang iya tumaningiyéngngi Arungngé, bangsa iya mapaccingngé, banna untu' Allataala, umma'na muto Allataala. Allataala piléko sibawa mobbiko massu polé ri pettangngé untu' muttama ri laleng tajanna iya mattappaé, sibawa akkatta kuwammengngi muwappallebbangengngi biritta passalenna sining pangkaukenna iya dé'é padanna.

KOLOSE 1:12

kuwaéttopa mattarima kasi lao ri Ambo'é. Saba' Ambo'é ritu mébbuko sitinaja tarimai aga iya puraé napassadiya Allataala lao ri umma'-Na sibawa akkarungen-Na iya matajangngé.

MAZMUR 111:10

Nigi-nigi macinna mancaji mapanré harusu'i pakalebbii Puwangnge, mabbéréi pappahang lao ri sininna tau iya mapatoé. Ripojiwi Puwangnge sillampé wettué!

2 TIMOTIUS 2:21

Tau iya pépaccingiyéngngi aléna polé ri sininna iya dé'é namakessing ripakéi matu untu' apparelluwang-apparelluwang iya dé'é padanna. Mancajiwi appunnangenna iya ripallaingngé sibawa makkégunaé untu' puwanna. Ripassadiyai untu' ripaké lao ri tungke' jama-jamang iya makessingngé.

YESAYA 29:24

Maggurui matu tau madonggoé majeppuiwi sibawa tau iya tuli mannoko-noko'é masennangngi matu ripagguru.”

ROMA 9:23

Manniya' towi Allataala untu' mappaitangngi lao ri idi asennangeng tabbollompollongngé iya natiri'é lao ri idi iya Namaséiyé. Purani Napassadiyaki untu' tarimai asennangengngéro.

RIWAYA'NA RASUL-RASUL-E 10:33

Iyanaro saba'na umasitta suroi tauwé lao mobbiki Puwang. Namakessing ati tongekki Puwang, natalao kumaiyé. Makkekkuwangngé maddeppungekki kuwaé ri yolona Allataala untu' méngkalingai sininna iya nassurowangngé Allataala ri Puwang untu' mupowadakki.”

YOHANES 1:34

Alékuna pura mitai,” adanna Yohanés, “nausabbingngi makkedaé Aléna ritu Ana' Allataala.”

YOHANES 1:13

iya riyajjanciyangngé tenniya polé ri rupa tauwé, saba' iyaro atuwong mabarué poléi ri Allataala assalenna.

LUKAS 1:16

Maéga tau Israél napimping matu lisu ri Allataala, Puwanna mennang.

MATIUS 14:4

Nasaba engka naengka nakkeda makkuwaé Yohanés lao ri Hérodés, “Dé' naweddikko kawing sibawa Hérodias!”

AMOS 4:12

Rimakkuwannanaro, éh umma Israél, Uhukkukko matu. Jaji, sadiya-sadiyano moloiwi pahukkungeng iya Upateppaé lao ri iko!”

MAZMUR 10:17

Puwang, Muwéngkalingai sempajanna tau matunaé sibawa péwatangiwi atinna mennang.

2 TAWARIKH 29:36

Namasennanna atinna Arung Hizkia sibawa ra'ya'na nasaba ri laleng wettu dé'é namaitta Allataala pura bantui mennang pogau' manengngi iyaro.

1 ARUNG-NGARUNG 21:20

Wettunna Ahab naita Elia, makkedani, “Eh bali, angkanna mulolongekka!” Nametté Elia, “Tongeng. Nasaba baraniwi Puwang pogau'i majaé ri pakkitanna Puwangnge,

1 ARUNG-NGARUNG 17:1

Engka séddi nabi riyaseng Elia. Assalenna poléi ri Tisbe, séddiwi kota polé ri daéra Giléad. Riséuwaé esso laowi ri Arung Ahab sibawa makkeda, “Nasabbing Puwang iya tuwoé, Allataala iya nasompaé tau Israélié sibawa iya utumaningiyé, upaissengiwi Puwang makkedaé ri lalenna duwa iyaré'ga telluttaung mangoloéwé dé'e gaga matu cinoddo iyaré'ga bosi muwi céddé, sangadinna rékko iyya powadai.”

1 YOHANES 2:28

Jaji, ana'-ana'ku, tette'no tuwo masséddi sibawa Kristus, kuwammengngi na ri Essona poléi, mangoloki Aléna sibawa penno abaraningeng, sibawa dé' tallekke nasaba masiri.

MATIUS 3:4

Pakéyang napaké Yohanés poléi ri bulu untaé. Babbanna poléi ri bingkulangngé, sibawa anréna incalé sibawa cani ale'.

2 ARUNG-NGARUNG 1:16

Nakkeda Elia ri arungngé, “Makkedai Puwangnge, ‘Musuroi tauwé méllau panunju ri Baal-Zébub déwatana kota Ekron samanna ri Israélié dé'gaga Allataala iya weddingngé ritanai. Rimakkuwannanaro dé' muwajjappa matu, matéko matu!’ ”

1 ARUNG-NGARUNG 18:18

Nametté Elia, “Tenniyaka pangacau,” iyakiya aléna Datu. Datu sibawa kaluwargana Datu ritu pangacau. Ri laleng massompana barahala-barahala Baal, najjalékkaiwi Datu parénta-paréntana Puwangnge.

1 SAMUEL 7:5

Purairo makkedani Samuél, “Paddeppungenni sininna bangsa Israélié ri Mizpa, namaéloka massempajangekko lao ri Puwangnge.”

MATIUS 3:3

Yohanés iyanaé tau nakkattaiyé Nabi Yésaya ri laleng adannaé, “Engka tau gora-gora ri padang kessi'é, ‘Passadiyangengngi laleng Puwangngé; palapparengngi laleng Aléna.’ ”