LUKAS 1:15 - KITTA KAREBA MADECENG

¹⁵ Mancajiwi matu tau maraja manuru' pakkitanna Puwangngé, nadé' matu nainung anggoro iyaré'ga énungeng maseri. Mappammulai jajinna rikuwasaiwi matu ri Rohna Allataala.

LUKAS 1:15 Խաչաձեւ Հղումներ

YEREMIA 1:5

“Ri wettu dé'napa Utappako ri laleng parémmananna indo'mu, sibawa ri wettu dé'napa mujaji, pura mémenno Upilé sibawa makkako untu' mancaji nabi lao ri bangsa-bangsaé.”

EFESUS 5:18

Aja' mumabo' ri anggoro'é, saba' iyaro nasolangiko matu. Sibalé'na sitinajako rikuwasai ri Rohna Allataala.

GALATIA 1:15

Iyakiya nasaba akessingeng atinna Allataala, napiléka ri wettu dé'napa ujaji enrengngé mobbika untu' tumaningiwi.

RIWAYA'NA RASUL-RASUL-E 2:4

Rikuwasai manenni ri Rohna Allataala, sibawa mappammula mabbicara ri laleng maddupa-rupang basa laing. Mabbicarai mennang situru aga nabbéréyangngé iyaro Roh-é lao ri mennang untu' napowada.

LUKAS 7:33

Poléi Yohanés Paccemmé – mappuwasai sibawa dé' nainung anggoro – namumakkeda, ‘Nauttamakiwi sétang!’

YOSUA 4:14

Iyaro essoé napogau'i Puwangnge gau'-gau' iya mébbuéngngi bangsa Israélié pakalebbii Yosua selaku tau maraja. Gangka tuwona napakalebbii mennang pada-pada napakalebbina Musa.

LUKAS 7:28

Nakkedapa Yésus, “Engngerangngi, ri linoéwé dé'pa naengka tau lebbi battowaé naiya Yohanés Paccemmé. Iyakiya tau iya kaminang baiccu'é ri yelle'na umma'na Allataala, lebbi battowai naiya Yohanés Paccemmé.”

1 TAWARIKH 17:8

Purano utulung kégi-kégiko lao, sibawa sininna balimmu Upaccappui wettummu mammusu. Uwébbuko matu tarompo pada-pada sining pamimping iya kaminang battowaé ri linoé.

YOSUA 3:7

Nakkeda Puwangnge lao ri Yosua, “Mappammulai essoéwé maéloka pancajiko tau battowa angkanna sininna umma Israélié pakalebbiko sibawa napahanna makkedaé Iyya ranrekko pada-pada Uranrenna Musa.

ZAKHARIA 9:15

Pasti Nawéréngngi allinrungeng umma'-Na, angkanna naulléi mennang caui sininna balié. Pada-pada kelli'na tau iya mabo' ménungngé, makkuwaniro kelli'na mennang ri laleng ammusurengngé. Samanna dara akkarobangeng iya ritiri'é ri yasé'na mézbaé, makkuwaniro darana balinna mennang tuppa.

MAZMUR 22:9

Adanna mennang, “Leppessangngi mattuwangngi Puwangnge, kuwammengngi Puwangnge passalama'i, rékko masennangngi Puwangnge lao ri aléna!”

1 TAWARIKH 29:12

Sininna asugirengngé sibawa acommokengngé assalenna poléi ri iko; sininna séuwa-séuwaé mukuwasaiwi sibawa awatangem-Mu enrengngé akuwasam-Mu; makuwasako mébbui nigi-nigi mancaji tau battowa sibawa mawatang.

KAJAJIYANG 48:19

Iyakiya massampéyangngi ambo'na, adanna, “Uwisseng, ana'ku, uwisseng. Battowai matu akuwasanna Manasyé sibawa wija-wijanna mancaji towi matu bangsa iya battowaé. Iyakiya anrinna lebbi battowai matu akuwasanna naiya aléna, sibawa wija-wijanna anrinnaro mancajiwi matu bangsa-bangsa iya battowaé.”

KAJAJIYANG 12:2

Maélo-Ka mpérékko wija iya maégaé sibawa mancajiwi matu bangsa iya battowaé. Maélo-Ka barakkakiko sibawa mébbui asemmu tarompo, angkammu mancaji matu barakka.

YOHANES 5:35

Iyaro Yohanés pada-padai lampu malluwa'é sibawa iya mattaparengngé cahaya. Untu' wettu iya dé'é namaitta masenna'ko tarimai cahayanaro.

ANGIMANGENG 10:9

“Rékko purako ménung uwai anggoro iyaré'ga énungeng maseri, iko sibawa ana'-ana'mu dé' nawedding muttama ri laleng Kéma-Ku. Rékko muwajjalékkaiwi iyaro peraturangngé, matéko matu. Iyaro paréntaé harusu'i naturusi sininna wija-wijammu.

YEREMIA 35:6

Iyakiya mappébaliwi mennang, “Dé' taénung anggoro. Toriyolota Yonadab ana' Rékhab pésangkaiki sibawa wija-wijatta untu' ménung anggoro. Iyaro pappésangkaé takkennai untu' mannennungeng.

LUKAS 1:14

Masennang senna'ko matu sibawa maéga tau mariyo-riyo rékko jajiwi matu iyaro ana'é!