KOLOSE 4:8 - KITTA KAREBA MADECENG

⁸ Usuroi lao ri iko sibawa alasang kuwammengngi muwissengngi keadaatta sibawa natassaléwoko.

KOLOSE 4:8 Խաչաձեւ Հղումներ

EFESUS 6:22

Iyanaro saba'na usuroi lao ri iko untu' mappaissengengngi keadaatta lao ri iko maneng, kuwammengngi napakaloppoi atimmu.

KOLOSE 2:2

Iya manennaé upogau'i kuwammengngi namawatang atinna mennang enrengngé siyamaséiwi mennang angkanna mare'i mennang masséddi. Nanallalengiro natonget-tongengngi mennang napahang sibawa mateppe' enrengngé naisseng rahasiyana Allataala, iyanaritu Yésus Kristus muto.

1 TESALONIKA 5:14

Riyéllau towi Saudara-saudara, kuwammengngi amparengngi tau iya dé'é namaélo majjama. Pakkasse'i tau iya métaué; tulungngi sining tau iya parellué ritulung, sibawa sabbara'ko lao ri sininna tauwé.

1 TESALONIKA 5:11

Rimakkuwannanaro, sitinajako tette' sidorong sibawa sipéwatangi, pada-pada iya mupogau'é makkekkuwangngéwé.

1 TESALONIKA 4:18

Rimakkuwannanaro, sitinajako sisullé sipéwatangi ateppereng sibawa ada-adaéwé.

1 TESALONIKA 3:5

Iyanaro saba'na usuroi Timotius, nasaba macinna senna'ka missengngi pékkugi amajungemmu ri laleng atepperengngé lao ri Kristus. Bata-bataka naullé ammai Ibillisi' godako angkanna sininna turuppuse'ta mancaji paracumai.

1 TESALONIKA 3:2

ri wettutta suroi saudarata Timotius. Séddiwi pattumaninna Allataala iya majjamaé sibawa idi untu' mabbirittangngi Karéba Madécéngngé passalenna Kristus. Risuroi Timotius lao ri iko kuwammengngi napéwatangiko sibawa dorokko untu' lebbi mateppe'pa ri Kristus.

1 TESALONIKA 2:11

Muwisseng makkedaé puraki gaukekko tungke'-tungke' pada-pada séddié ambo' gaukengngi ana'-ana'na.

FILIPI 2:28

Iyanaro saba'na napédé' battowato pangélorekku untu' suroi lisu ri iko, kuwammengngi mumarennu paimeng rékko siruntu'ko aléna, namancaji tennang tona atikku.

2 KORINTUS 12:18

Purani usuro Titus lao célléngiwi saudara, sibawa usuroi saudara Kristéng iya laingngéro lao sibawangngi. Lolongegga saro Titus polé ri iko? Iyakiya sipadduwaki majjama sibawa akkatta iya padaé, enrengngé tinda'i sibawa cara-cara iya padaé!

2 KORINTUS 2:7

Makkekkuwangngé harusu'ko maddampengengngi sibawa mpéréngngi sumange'si ri aléna kuwammengngi aja' namessé ati senna' angkanna pettu paddennuwang.

2 KORINTUS 1:4

Napéwatangiwi batétta ri laleng tungke'-tungke' asukkarakeng iya ripéneddingiyé, kuwammengngi nasibawang awatangeng iya ritarimaé polé ri Allataalaro, riyullé toni péwatangiwi baténna tauwé iya engkaé ri laleng asussangngé.

1 KORINTUS 4:17

Untu' iyanaro, na purani usuro Timotius lao ri iko. Selaku tau maccowé ri Kristus, pada-padai ana' ri aléku iya uwamaséiyé. Ana' iya weddingngé riyatepperi. Na aléna matti paréngngerangiko passalenna cara-cara atuwo-tuwong iya uwaccowériyé mateppe'kuna ri Kristus, iyanaritu cara tuwong iya uwappagguruwangngé ri tungke' jema'é kégi-kégi onrong.

YESAYA 40:1

Makkuwaniyé adanna Allataalamu, “Saléworiwi, saléworiwi bangsa-Ku!