KOLOSE 4:5 - KITTA KAREBA MADECENG

⁵ Ri laleng assisumpungemmu sibawa sining tau iya dé'é namateppe', sitinajako tuwo sibawa mapanré enrengngé pakéi tungke' kasempatangngé sibawa makessing.

KOLOSE 4:5 Խաչաձեւ Հղումներ

1 TESALONIKA 4:12

Rékko tuwoko makkuwaro, dé'na nataggattukko muwi lao ri niga, sibawa sining tau iya dé'é namateppe' ri Kristus, napakarajako matu.

YAKOBUS 3:13

Rékko ri yelle'mu engka tau mapanré sibawa makkéakkaleng, sitinajai mappaitangngi sibawa tuwo makessing enrengngé pogau'i gau'-gau' iya makessingngé, iya nasibawangngé ariyawang ati nenniya apanréng.

ROMA 16:19

Naissenni sininna tauwé makkedaé matinuluko lao ri pappagguruwang passalenna Karéba Madécéng iya polé ri Allataala. Namasennakka ri gau'éro passalenna. Macinnaka kuwammengngi mumapanré passalenna gau'-gau' iya makessingngé, sibawa madonggo passalenna gau'-gau' iya majaé.

YAKOBUS 3:17

Iyakiya tau iya mappunnaiyé apanréng iya assalenna polé ri yasé', bunge'-bunge'na mapaccingngi, nainappa napoji sidamé, mabessa, sibawa mapato. Pennoi sibawa paressé babuwa powassélé' pangkaukeng-pangkaukeng iya makessingngé. Dé' nakacowé-cowé sibawa dé' nabbonga-bonga.

MATIUS 10:16

“Pénessaiwi iyaé: Ukirikko pada-pada bimbala'é ri tengnga-tengngana asu ale'é. Harusu'ko matike' pada-pada ulaé sibawa matinulu pada-pada jangang-jangangngé.

1 TIMOTIUS 3:7

Harusu'i tau iya mappunnaiyé aseng makessing ri laleng masaraka'é; saba' rékko dé' nakkuwaro, ripakatunai matu ri tauwé, angkanna sempé' ri laleng jebba'na Ibillisi'é.

KOLOSE 3:16

Sitinajai sining pappagguruwanna Kristus mattemme ri laleng atimmu iya pennoé barakka. Sitinajako sisullé sipagguru sibawa sisullé sipangajari iya kaminang makessingngé. Puwélonni Mazmur-é sibawa poji-pojiyangngé enrengngé élokkélong rohanié; akkélonno untu' Allataala sibawa perasaang sukkuru' ri laleng atimmu.

MARKUS 4:11

Nakkedana Yésus lao ri mennang, “Purano riwéréng pammasé untu' missengngi rahasiyana passalenna pékkugi Allataala mapparénta. Iyakiya sining tau saliwengngé ripaggurui sibawa pakkalarapangeng,

YAKOBUS 1:5

Rékko engka séddi tau ri yelle'mu iya makurang panré, sitinajai naéllau ri Allataala, na Allataala mpéréngngi matu apanréng ri aléna; saba' lao ri tungke' tau, mabbéréi Allataala sibawa makacuwa enrengngé paressé babuwa.

1 PETRUS 3:1

Makkuwatoro iko, sining bainé, harusu'i tunru' lao ri lakkaié kuwammengngi rékko ri yelle'na mennang engka iya dé'é namateppe' lao ri biritta polé ri Allataala, ampé-ampému naullé mébbui mennang mancaji mateppe'. Nadé' naparelluko powadai aga-aga lao ri mennang,

MAZMUR 90:12

Pamaingekiki matu ponco'na atuwottaé kuwammengngi tamancaji tau iya engkaé akkalenna.

DANIEL 2:8

Naéngkalinganaro mappébalini arungngé, “Pada-pada pura utasséré'é. Banna pasoro-soroi bawang wettué, nasaba muwissengngi makkedaé makkattaka