KOLOSE 4:10 - KITTA KAREBA MADECENG

¹⁰ Aristarkhus, iya engkaé ri laleng tarungkué sibawa iyya, masselleng lao ri iko. Makkuwatoro Markus, sapposisenna Barnabas. (Purani rikiringekko karéba untu' duppaiwi rékko laowi ri iko.)

KOLOSE 4:10 Խաչաձեւ Հղումներ

FILEMON 1:24

Tarima towi sellenna sellao-sellaoku: Markus, Aristarkhus, Démas sibawa Lukas.

2 TIMOTIUS 4:11

Banna Lukas monro sibawakka. Duppaiwi Markus namutiwii lao kumaiyé saba' naulléi bantuka ri laleng jama-jamakku.

RIWAYA'NA RASUL-RASUL-E 19:29

Nallebbanna iyaro roca'é lettu ri sininna kotaé. Nainappa iyaro garembolang-garembolang paddoca'é natikkengngi Gayus sibawa Aristarkhus, iyanaritu sining tau Makedonia iya silaongengngéngngi Paulus ri laleng allalengenna, nainappa nassarénréngeng mennang lao ri stadionna kotaéro.

RIWAYA'NA RASUL-RASUL-E 27:2

Tonang kappala'ki ri Adramitium, nainappa sompe'ni sibawa kappala'éro iya sadiyaénna sompe' ri pelabuhang-pelabuhang ri daéra Asia. Aristarkhus, séddiwi tau Makedonia iya polé ri Tésalonika, sompe' towi sibawakki.

RIWAYA'NA RASUL-RASUL-E 20:4

Sopater ana' Pirus iya assalennaé polé ri Béréa laoni silaong aléna; makkuwatoro Aristarkhus sibawa Sékundus tau Tésalonikaé sibawa Gayus tau Dérbé. Makkuwatoro Timotius, Tikhikus sibawa Trofimus, sining tau polé ri daéra Asia.

RIWAYA'NA RASUL-RASUL-E 12:12

Namaingekinnana keadaangngéro, laoni Pétrus ri bolana Maria, indo'na Yohanés iya riyasengngétto Markus. Kuwaro maéga tau maddeppungeng sibawa massempajang.

1 PETRUS 5:13

Sellao-sellao si jema'ta ri Babilonia, iya ripiléétto ri Allataala, masselleng lao ri iko, makkuwatoro ana'ku Markus iya upojiyé.

ROMA 16:7

Palettukeng tokka sellekku lao ri Andronikus sibawa Yunias. Sisuku bangsaka sibawa mennang enrengngé pura riputtama' tarungkué silaong iyya. Ri wettu dé'napa umateppe ri Kristus, lebbi riyoloi mennang mateppe'. Tarompoi mennang ri yelle'na rasul-é.

ROMA 16:2

Tarimai selaku sala séddinna polé ri umma'na Puwangngé. Mémeng makkuwairo sining tau iya mateppe'é lao ri Allataala harusu'i tarimai séddié sibawa laingngé. Tulungngi, rékko mapparrelluwangngi bantuwang polé ri iko, nasaba aléna pura toni nabantu maéga tau – muttama' toni aléku.

RIWAYA'NA RASUL-RASUL-E 13:13

Polé ri Pafos, Paulus sibawa sining sellaona sompe'ni lao ri Pérga ri Pamfilia. Kuwaniro Yohanés Markus salaiwi mennang, nainappa lisu ri Yérusalém.

RIWAYA'NA RASUL-RASUL-E 4:36

Makkuwatoniro sibawa Yusuf. Purani nabalu' tana appunnangenna, nainappa iyaro dowi ellinna natiwii nanabbéréyangngi ri rasul-rasul-é. Iyaé Yusuf séddiwi wija-wijanna Léwi polé ri Siprus, riteppu towi ri rasul-rasul-é Barnabas (bettuwanna Passaléwo).

RIWAYA'NA RASUL-RASUL-E 13:5

Wettunna lettu ri Salamis, nabbirittanni mennang ada-adanna Allataala risining bola assompang Yahudié. Yohanés Markus bantui mennang ri laleng allalengenna.

RIWAYA'NA RASUL-RASUL-E 12:25

Puranana jama-jamanna Barnabas sibawa Saulus, lisuni mennang polé ri Yérusalém sibawa tiwii Yohanés Markus silaong mennang.

FILEMON 1:23

Epafras, iya engkaé sibawakka ri laleng tarungkué nasaba Kristus Yésus, masselleng lao ri iko.