KOLOSE 4:1 - KITTA KAREBA MADECENG

¹ Saudara-saudara iya mancaji puwangngé! Sitinajako gaukengngi atammu sibawa tongeng enrengngé adélé'. Engngerangngi makkedaé mappunnai tokko séddi puwang ri surugaé.

KOLOSE 4:1 Խաչաձեւ Հղումներ

WAHYU 17:14

Mammusui matu mennang méwai iyaro Ana' Bimbala'é. Iyakiya iyaro Ana' Bimbala'é silaong sining ana' gurun-Na iya matinulué iya puraé Naobbi sibawa Napiléro nacaui matu iyaro sining arungngé, nasaba Aléna ritu Puwanna sininna puwangngé, enrengngé Arunna sininna arungngé.”

YAKOBUS 2:13

Saba' dé' nappaitangngi matu Allataala paressé babuwana lao ri tau iya dé'é naissengngi paressé babuwaé. Iyakiya lebbi mawatangngi paressé babuwaé naiya pahukkungengngé!

YAKOBUS 5:4

Dé' muwajai sarona sining tau iya majjamaé ri dare'mu. Engkalingani makkekkuwangngé addarékénna mennang! Sining tau iya paddeppungengngéngngi wassélé dare'na, gora méllau tulung nagorana mennang lettu'ni ri daucculinna Allataala, Puwang Iya Pommakuwasaé.

PAKKATOBBA 5:8

Mala muwi atuwonna arungngé taggattungngi ri wassélé éngngalangngé.

WAHYU 19:16

Ri jumbana sibawa ri poppan-Na tarokii asengngéwé, “Arunna sininna arungngé, sibawa Puwanna sininna puwangngé.”

LUKAS 19:15

Iyakiya iyaro arungngé rilanti'ni mancaji arung, nainappa lisu ri wanuwanna. Naobbini masitta sining pattumaninna mangolo, untu' missengngi siyaga saro nalolongeng mennang.

MALEAKHI 3:5

Adanna Puwang Iya Pommakuwasaé, “Polé-Ka matu ri iko untu' mangadéléki. Masitta'-Ka matu mancaji sabbi lao ri passéhéré'é, sining tau iya malawengngé, iya sabbi bellé-bellé, iya macéko-cékoé ri laleng pagajiwi tau napéssaroiyé, iya tenre'éngngi sining jandaé, ana' béué sibawa tau laingngé, lao risininna tau iya dé'é napakalebbi-Ka.”

ANGIMANGENG 19:13

Aja' mupara'i pada-padammu iyaré'ga rampasa'i baranna. Sarona séddié tau iya majjamaé ri iko aja' mutahangngi, muwi untu' siwenni bawang.

YESAYA 58:3

Makkutanai iyaro bangsaé, “Aga akkégunana mappuwasa rékko dé' naitai Puwangnge? Aga gunana tapakariyawai alé rékko dé' Najampangiki?” Makkedai Puwangnge, “Sitongenna, ri wettu mappuwasamu, sappako asarong riyalé sibawa para'i sining tau mupagajiyé.

MATIUS 20:4

Nakkedana lao ri mennang, ‘Laono majjama ri dare' anggoro'ku. Uwajapo sibawa gaji iya sitinajaé.’