KOLOSE 1:7 - KITTA KAREBA MADECENG

⁷ Iyaro gau'é napalettu'i Epafras lao ri Saudara, sellao iya riyamaséiyé. Aléna ritu pajjamana Kristus iya matinulué majjama untu' apentingetta.

KOLOSE 1:7 Խաչաձեւ Հղումներ

KOLOSE 4:12

Selleng polé ri Epafras. Polé towi ri yelle'mu. Atannai Kristus Yésus, iya tuli massempajangngé sibawa matonget-tongeng untu' iko. Naéllauwi sibawa masero lao ri Allataala kuwammengngi na atepperemmu mancaji mawatangngi sibawa tonget-tongekko déwasa, kuwammengngi sukkuko matinulu lao ri élona Allataala.

FILEMON 1:23

Epafras, iya engkaé sibawakka ri laleng tarungkué nasaba Kristus Yésus, masselleng lao ri iko.

IBRANI 2:17

Bettuwanna iyaé, makkedaé harusu'i mancaji pada-pada saudara-Na ri laleng sininna gau'é. Nanallalengiro weddingngi mancaji Imang Lompo iya matinulué sibawa maressé babuwaé. Nasaba pattumaninnaro, weddingngi riyaddampengeng dosa-dosana tolinoé.

KOLOSE 4:7

Tikhikus, Saudarata iya riyamaséiyé, paissengiko matu sininna séuwa-séuwaé passalekku. Matinului majjama silaong idi untu' Puwangngé.

IBRANI 3:2

Matinului lao ri Allataala iya puraé piléi untu' jama-jamangngéro pada-padato Musa riyolo matinulu pogau'i jama-jamanna ri Bolana Allataala.

2 TIMOTIUS 2:2

Pappagguruwang iya puraé muwéngkalinga riyolo polé ri iyya ri yolona maéga tau, sitinajai muwappaddettangeng lao risining tau iya weddingngé riyatepperi sibawa iya maccaé paggurui tau laingngé.

FILIPI 2:25

Passalenna saudarata Epafroditus iya puraé musuro bantuka, marasa parelluka suroi lisu lao ri iko. Purana naranreng ri laleng jama-jamangngé sibawa perjuwangekku.

2 KORINTUS 11:23

Pattumani-pattumaninnaga Kristus mennang? Samanna riyéngkalinga pada-pada ateddéngenna akkaleng, iyakiya mémeng iyya pattumani iya lebbi kessingngé naiya maneng mennang! Majjamaka lebbi rejjing, lebbi biyasaka riputtama' ri tarungkué, lebbi égaka ripanrasa-rasa sibawa biyasa céddé maté.

1 KORINTUS 4:2

Iya bunge'-bunge' natuntu'é polé ri pattumani makkuwaéro iyanaritu matinului ri puwanna.

1 TIMOTIUS 4:6

Rékko muwappagguruwangngi iya manennaro lao ri Saudara-saudara siatepperengngé, mancajiko matu pattumanni Kristus Yésus iya majjamaé sibawa makessing. Na matteruko matu piyarai batémmu sibawa ada-adanna Allataala iya tatepperiyé, sibawa sining pappagguruwang tongengngé iya puraé uwaccowéri labe'é.

EFESUS 5:21

Untu' pakalebbii Kristus, sitinajako tunru' séddié lao ri laingngé.

1 KORINTUS 7:25

Makkekkuwangngé passalenna sining tau iya dé'éppa nakawing. Passalenna gau'éro dé' utarima parénta agi-agi polé ri Puwangngé. Iyakiya selaku tau iya nasaba pammaséna Puwangngé sitinajai riyatepperi, maéloka mabbéréyangngi pangajaku.

1 KORINTUS 4:17

Untu' iyanaro, na purani usuro Timotius lao ri iko. Selaku tau maccowé ri Kristus, pada-padai ana' ri aléku iya uwamaséiyé. Ana' iya weddingngé riyatepperi. Na aléna matti paréngngerangiko passalenna cara-cara atuwo-tuwong iya uwaccowériyé mateppe'kuna ri Kristus, iyanaritu cara tuwong iya uwappagguruwangngé ri tungke' jema'é kégi-kégi onrong.

MATIUS 25:21

Nakkeda iyaro puwanna, ‘Madécénni, iko iyanaritu pattumani iya makessingngé sibawa matinulué. Nasaba weddikko riyatepperi lao ri iya céddé'é, maéloka mappaddettangengngi iya maégaé lao ri iko. Uttama'no sibawa accowéno massennas-sennang sibawa iyya.’

MATIUS 24:45

Nakkedasi Yésus, “Rékko makkuwaitu, pattumani nigana matinulu sibawa mapanré? Aléna ritu riyakka ri puwanna mancaji kapala lao ri sining pattumani laingngé; kuwammengngi napanréi mennang ri wettunna.

ABBILANGENG 12:7

Iyakiya dé' nakkuwaro sibawa atak-Ku Musa. Aléna ritu tau iya matinulué ri yelle'na umma'-Ku.

MATIUS 18:29

Nasuju'na iyaro sellaona ri yolona nanaéllau towi, ‘Sabbara'ki riyolo' sellao, maéloka waja manengngi!’

KOLOSE 4:9

Maéloi lao Onésimus silaong Tikhikus; séddiwi polé ri yelle'mu. Séddiwi tau iya matinulué, sibawa idi mamaséiwi. Aléna sibawa Tikhikus paissengiko matu sini-sininnaé iya kajajiyangngé ri onrokkué.