IBRANI 3:1 - KITTA KAREBA MADECENG

¹ Saudara-saudara pada-padatta Kristéng iya puraé riyobbito ri Allataala! Coba pikkiri'i malamul-lamung passalenna iyaé Yésus! Allataala suroi Aléna banna untu' mancaji Imang Lompo ri laleng agama iya riyaccowériyé.

IBRANI 3:1 Խաչաձեւ Հղումներ

2 TIMOTIUS 1:9

Napassalama'ki Allataala sibawa naobbiki kuwammengngi namancaji umma' ri Aléna. Napogau'i iyaro tenniya nallalengiwi aga iya puraé ripogau', sangadinna nallalengiwi rancana-Na muto sibawa pammasé-Na. Nawérékki pammasé-Na naolai Kristus Yésus riwettu dé'napa naripancaji linoéwé.

FILIPI 3:14

Iyanaro saba'na ulari matteru mattuju ri akkatta paccappurengngé untu' lolongeng apakalang, iyanaritu atuwong ri surugaé; untu' iyanaro naobbika Allataala naolai Kristus Yésus.

IBRANI 7:26

Jaji, Yésusnaro ritu Imang Lompo iya tapparelluwangngé. Mapaccingngi: ri Aléna dé'gaga asalang iyaré'ga muwi dosa aga. Ripallaingngi polé risining tau madosaé, sibawa ripaénré'i lettu ri onrong iya lebbi matanré polé ri sininna langié.

EFESUS 4:1

Iyanaro saba'na iyya – séddiwi tahanang, iya ritahangngé nasaba tumaningiwi Puwangngé – méllauwi sibawa masero ri iko: tuwono situru tudangemmu selaku tau iya puraé riyobbi ri Allataala.

1 PETRUS 2:9

Iyakiya iko iyanaritu bangsa iya ripilé, imang-ngimang iya tumaningiyéngngi Arungngé, bangsa iya mapaccingngé, banna untu' Allataala, umma'na muto Allataala. Allataala piléko sibawa mobbiko massu polé ri pettangngé untu' muttama ri laleng tajanna iya mattappaé, sibawa akkatta kuwammengngi muwappallebbangengngi biritta passalenna sining pangkaukenna iya dé'é padanna.

IBRANI 2:17

Bettuwanna iyaé, makkedaé harusu'i mancaji pada-pada saudara-Na ri laleng sininna gau'é. Nanallalengiro weddingngi mancaji Imang Lompo iya matinulué sibawa maressé babuwaé. Nasaba pattumaninnaro, weddingngi riyaddampengeng dosa-dosana tolinoé.

IBRANI 10:21

Na makkekkuwangngé mappunnaiki séddi imang iya marajaé, iya tanggung jawa'é ri Bolana Allataala.

EFESUS 4:4

Banna séddi bawang tubu, sibawa séddi Roh. Makkuwatoro riyobbiko untu' séddi amménasang iya padaé.

1 TESALONIKA 2:12

Idi pangajariko, idi mpérékko sumange' sibawa dessa'ko kuwammengngi mutuwo makkuwa rupanna angkanna mupésennangiwi atinna Allataala. Nasaba Allataala pura mobbiko untu' mancaji wargana Lino Baruna Allataala sibawa péneddingiwi arajan-Na.

1 KORINTUS 9:23

Iya manennaro upogau'i untu' iyaro Karéba Madécéng polé ri Allataala, kuwammengngi maccowé tokka ribarakkaki.

2 TIMOTIUS 2:7

Nennun-nennungngi aga iya upangoloéwé, saba' nabbéréyangngi matu Puwangngé lao ri iko pakkulléngngé untu' pahang manengngiro.

1 TIMOTIUS 6:12

Ewano tonget-tongeng selaku tau Kristéng kuwammengngi mulolongengngi hadiya atuwong tongengngé sibawa mannennungengngé. Saba' untu' iyanaro naobbiko Allataala ri wettunna muwangakui ri yolona maéga tau makkedaé mateppe'ko ri Kristus.

ROMA 15:8

Nasaba, éngngerangngi, makkedaé Kristus purani natumaningi tau Yahudié untu' mappaitangngi makkedaé Allataala matinului rupaiwi sining jancin-Na lao ri néné-nénéta.

IBRANI 2:11

Yésus pépaccingiwi rupa tauwé polé ri dosa-dosana mennang; na Aléna iya pépaccingiyéngngi, enrengngé mennang iya ripépaccingiyéro, pada-padai mappunnai séddi Ambo'. Iyanaro saba'na Yésus dé' namasiri mangakuiwi mennanro selaku saudara-saudara-Na.

YOHANES 20:21

Nakkedapa Yésus siseppa lao ri mennang, “Salama' saléwangekko. Pada-pada Ambo'é suro-Ka, makkuwatoniro Iyya suroko.”

HAGAI 1:5

Coba pénessaiwi keadaammu!

MAZMUR 110:4

Purai majjanci Puwangnge sibawa tanro, dé' nagettengngi matu paimeng, “Iko ritu imang untu' mannennungeng, pada-pada Malkisédék.”

YUDAS 1:1

Saudara-saudara iya puraé riyobbi sibawa iya riyamaséi senna'é ri Allataala Ambo'é, enrengngé rijagaiyé untu' Yésus Kristus. Selaku atanna Yésus Kristus, iyya – Yudas – saudarana Yakobus,

IBRANI 3:14

Idi manengngé iyanaritu siperjuwangekki sibawa Kristus, assaleng lettu'ki ri paccappurenna makkatenning masse'i ateppereng iya riyappunnaiyé ri pammulanna.

YESAYA 1:3

Sapingngé naisseng puwanna, kaleddé'é naisseng onrong inanré iya napassadiyaé puwanna. Iyakiya umma'-Ku Israélié dé'; dé' mennang napahangngi.”

1 TIMOTIUS 6:2

Ata-ata iya puwannaé tau Kristéng, dé' nawedding napandang énténg puwanna nasaba pada-padai mennang tau Kristéng. Mala harusu'i mennang natumaningi puwanna mennanro lebbi kessippa, saba' puwang iya natumaningiyéro iyanaritu pada-padai tau mateppe' iya riyamaséiyé. Iya manennaé harusu'i muwappagguruwang sibawa muwappangajareng.

2 TESALONIKA 2:14

Untu' iyanaro Allataala mobbiko naolai Karéba Madécéng iya riyabbirittangngé lao ri iko. Naobbiko Allataala, nasaba maéloi kuwammengngi muwaccowé péneddingiwi arajanna Puwatta Yésus Kristus.

2 TESALONIKA 1:11

Iyanaro saba'na na idi tuli massempajangekko. Massempajakki kuwammengngi Allataala pancajiko sitinaja untu' tuwo situru élo-Na, untu' iyanaro mobbiko. Tennapodo Allataala, nasibawang akuwasan-Na, pennoiwi cinna-Na untu' pogau'i madécéngngé, sibawa passukkui sininna jama-jamang iya mupogau'é nasaba mateppe'ko lao ri Kristus.

1 TESALONIKA 5:27

Ri laleng akuwasanna Puwangngé, uwéllauwi sibawa masero kuwammengngi mubacangengngi iyaé sure'é lao ri sininna Saudara siatepperengngé.

KOLOSE 3:12

Saudara iyanaritu umma'na Allataala, Allataala mamaséiko sibawa piléko untu' mancaji appunnangen-Na iya napallaingngé. Iyanaro saba'na na harusu'ko mappaitangngi paressé babuwaé, harusu'ko makessing ati, pakariyawai atimmu, malemma kininnawa, sibawa tahang manrasa-rasa.

KOLOSE 1:22

Iyakiya makkekkuwangngé, ri laleng amaténna Ana'-Na, Allataala mébbui assisumpungemmu sibawa Aléna simadécéngeng paimeng. Nasibawang caraéro naulléi tiwiko mangolo ri Allataala ri laleng keadaang mapaccing, tuléng sibawa dé' cellana.

KOLOSE 1:12

kuwaéttopa mattarima kasi lao ri Ambo'é. Saba' Ambo'é ritu mébbuko sitinaja tarimai aga iya puraé napassadiya Allataala lao ri umma'-Na sibawa akkarungen-Na iya matajangngé.

2 KORINTUS 1:7

Dé' naengka tabata-bata, sibawa tuli mateppe'ki passalenna Saudara, saba' riissengngi makkedaé maccowé tokko manrasa-rasa sibawa idi. Narimakkuwannanaro maccowé tokko ripéwatangi silaong idi.

ROMA 15:27

Masennang atinna mennang pettuiwi untu' pogau'i iyaro. Mémeng sitongenna sitinajai mennang tulungngi Saudara-saudara iya kasiyasié ri Yérusalém, saba' polé risining tau Yahudié ritu nasining tau tenniyaé Yahudiro purani natarima barakka-barakka polé ri Allataala. Jaji, sining tau tenniyaé Yahudiro sitinaja towi natulung sining tau Yahudié sibawa barakka-barakka maddupa barab-barangngé.

ROMA 11:17

Sibagiyang polé ri takké-takkéna pong zaitungngé – iyanaritu sining tau Yahudié – purai rirette. Na ri onrong addettekengngéro ricangko'kangngi takké pong zaitun liyaé, iyanaritu Saudara-saudara tenniyaé Yahudi. Ricangko'kangngi Saudara kuwaro kuwammengngi napéneddingiwi Saudara sininna makessingngé polé ri atuwong atepperenna sining tau Yahudié.

ROMA 9:24

Idi ritu pura Naobbi, tenniya bawang polé ri bangsa Yahudié, iyakiya poléto ri bangsa-bangsa laingngé.

YOHANES 20:27

Nainappa makkeda Yésus lao ri Tomas, “Itai limak-Ku sibawa taroni jarimmu kuwaé. Loro'i limammu namutaroi ri benrék-Ku. Aja'na mubata-bata, iyakiya ateppe'no!”

HAGAI 2:15

Makkedai Puwangnge, “Coba pénessaiwi aga puraé kajajiyang ri yolona essoéwé, iyanaritu dé'napa naripédécéngi Bola-Kué! Pékkugi keadaammu wettuéro?

YEHEZKIEL 18:28

Purani namaingeki sininna pangkaukenna nainappa mappésau pogau' dosa. Nanallalengiro dé'na matu namaté, sangadinna tette'i tuwo.

YEHEZKIEL 12:3

Rimakkuwannanaro, éh tolino dé'é namannennungeng, ri wettu essona mupa, pangujui sining barammu ri laleng séddié paddoko pada-pada iya biyasaé napogau' tau ripalié. Ri wettu dé'napa nalettu wennié, salaiwi bolamu mannessa-nessa pada-pada tau iya ritiwié ri appalirengngé. Ebbuno sebbo ri renring bolamu sibawa nasabbing bangsa parronta'éro, sibawa tiwini paddoko iya mallise'é sining barammuro massu molai sebbo'éro. Essangngi paddokoéro ri salangkammu. Joppano ri laleng akalemmengenna wennié; tongkoi matammu angkanna dé' muwitai laleng iya muwolaé. Leppessanni sininna bangsa Israélié mitai sininna iya mupogau'éro, kuwammengngi namancaji papparéngngerang untu' mennang. Naullé mainge'i matu mennang makkedaé mennang iyanaritu parronta.”

YESAYA 41:20

Nanaitai matu sininna tauwé sibawa naissenna makkedaé Iyya, Puwang, iya pogau'éngngi. Napuriyatiwi matu mennang sibawa najeppuiwi, Allataala mapaccinna Israélié mébbui iyaro kajajiyang.”

YESAYA 5:12

Ri pésta-péstamu engka oni kacapi, gambusu, rabana nenniya suling sibawa énungeng anggoro. Iyakiya dé' mupaduliwi winruna Puwangnge sibawa aga iya Napogau'é.

WAHYU 18:20

Eh suruga, akkérennuno nasaba ancurukenna kotaéro! Eh umma' Allataala, rasul-rasul sibawa nabi-nabi, akkérennuno! Saba' Allataala pura hukkungngi selaku pamale'na aga iya puraé napogau' lao ri iko!

WAHYU 17:14

Mammusui matu mennang méwai iyaro Ana' Bimbala'é. Iyakiya iyaro Ana' Bimbala'é silaong sining ana' gurun-Na iya matinulué iya puraé Naobbi sibawa Napiléro nacaui matu iyaro sining arungngé, nasaba Aléna ritu Puwanna sininna puwangngé, enrengngé Arunna sininna arungngé.”

1 YOHANES 1:3

Aga iya puraé riita sibawa riyéngkalinga, iyanaro riyabbirittang lao ri iko, kuwammengngi musibawakki maccowé mattemmeriwi atuwongngé, masséddi sibawa Ambo'é kuwaéttopa Ana'na Yésus Kristus.

1 PETRUS 5:10

Iyakiya puramuna manrasa-rasa cinampe', aléna Allataala mébbuko matu mancaji sukku. Napatettokko matu sibawa napéwatangiko enrengngé napakkasse'ko. Saba' Aléna iyanaritu Allataala iya makessing ati senna'é, iya puraé mobbiko untu' turu' pérasaiwi arajan-Na iya mannennungengngé naolai Kristus.

1 PETRUS 5:1

Uwéllauwi napuriyati sining pamimpinna jema'mu. Uwokii iyaé selaku sellao pamimping enrengngé selaku tau iya alénaé pura sabbingngi anrasa-rasanna Kristus, sibawa iya turu'étto matu ripakaraja, rékko arajanna Kristus riyappaitangngi lao ri rupa tauwé. Uwéllauwi sibawa masero

1 PETRUS 3:5

Nasibawang caraénnaé na ri wettu riyolo sining makkunrai maggamaé iya mamménasaé ri Allataala pagelloriwi aléna sibawa tunru'i lao ri lakkainna.

IBRANI 9:11

Iyakiya Kristus poléni selaku Imang Lompona gau'-gau' iya makessingngé iya engkaénna. Kémana Puwangngé iya naonroiyé pogau'i jaman-Na selaku Imang Lompo iyanaritu kéma iya lebbi battowaé sibawa lebbi sukkué. Iyaro dé' naébbui tolinoé; bettuwanna dé' napolé ri linoé iya napancajiyéwé.

IBRANI 6:20

Purani nawajikekki Yésus lalengngé lao ri onrongngéro, sibawa purani muttama kuwaro mancaji Imang Lompota lettu mannennungeng pada-pada Imang Malkisédék.

EFESUS 3:6

Iyaro rahasiyaé iyanaritu: Naolai Karéba Madécéngngéro, tau tenniyaé Yahudi maccowé towi napéneddingi barakka'-barakka'na Allataala iya riyolo banna untu' tau Yahudié. Sining tau tenniyaé Yahudi mancajiwi anggota polé ri tubu iya padaé, sibawa maccowé towi tarima aga iya najjanciyangngé Allataala naolai Kristus Yésus.

1 KORINTUS 10:17

Nasaba banna séddimi roti, na idi maneng manréki polé ri roti iya séddiétto, na idi iya maégaéwé sinrupaki séddi tubu.

YOHANES 17:3

Iyanaé atuwong mannennungengngé; kuwammengngi tauwé naissengngi Ambo'é, séddi-séddinna Allataala iya tongengngé, sibawa missengngi Yésus Kristus iya nasuroé Ambo'é.

RIWAYA'NA RASUL-RASUL-E 1:15

Riséuwaé esso, wettunna mennang maddeppungeng – engka kira-kira sératu duwappulo tau hadéré' – tettonni Pétrus untu' mabbicara. Nakkeda,

2 KORINTUS 9:13

Na polé ri adécéngeng iya muwajjellokengngéro, maéga tau Kristéng ri Yudéa napojiwi matu Allataala nasaba naitai mennang atinuluremmu lao ri Karéba Madécéng passalenna Kristus iya muwaccowériyéro. Napoji towi mennang Allataala nasaba masémpo ati senna'ko untu' bagé-bagéwi lao ri mennang sibawa lao risininna tau laingngé aga iya engkaé ri iko.

IBRANI 3:12

Saudara-saudara, atutuko aja' lalo naengka ri yelle'mu séddi tau iya maja makkuwaéro atinna enrengngé dé' namateppe', angkanna balé'i sibawa mabélaiwi Allataala iya tuwoé!

IBRANI 7:28

Hukkunna agama Yahudié makkai sining tau iya dé'é nasukku mancaji sining imang lompo. Iyakiya rimunri polé ri hukkung-hukkungngéro, mébbui Allataala assijancingeng sibawa tanro makkedaé nakkai selaku Imang Lompo, Ana' iya puraé mancaji Pappassalama' iya sukkué lettu mannennungeng.

IBRANI 9:15

Iyanaro saba'na, Kristus mancaji Pappasisumpung untu' séuwa assijancingeng iya mabarué, kuwammengngi na tau iya puraénna riyobbi ri Allataala naulléi tarimai barakka-barakka mannennungengngé iya puraé najjanciyang Allataala. Iya manennaro weddingngi kajajiyang nasaba engkana maté, iyanaritu Kristus; na amatén-Naro paleppe'i tauwé polé risining asalanna iya napogau'é mennang ri wettu takkennana mupa assijancingeng iya mammulangngé.

IBRANI 10:19

Nah, Saudara-saudara, nasaba amaténna Yésusro makkekkuwangngé baraniki muttamakiwi Bili' Pommapaccingngé.

IBRANI 10:23

Sitinajaki makkatenning masse ri amménasang iya tangakuiyé, saba' weddingngi riyatepperi Allataala rupaiwi jancin-Na.

IBRANI 13:22

Uwéllauwi kuwammengngi mupénessaiwi iyaé sining pangajaku sibawa sabbara, saba' iyaé sure'é dé' namalampé senna'.