IBRANI 1:1 - KITTA KAREBA MADECENG

¹ Wettu riyolo maléwe' senna' Allataala mabbicara lao ri néné-nénéta naolai nabi-nabié sibawa pakéi maddupa-rupang cara.

IBRANI 1:1 Խաչաձեւ Հղումներ

YOEL 2:28

“Labe'nanaro matti sininna tauwé Upennoiwi matu sibawa roh-Ku. Na ana' worowanému sibawa makkunraimmu napalettu'i matu sining pasek-Ku; tau macowa-cowaé ri yelle'mu mannippiwi matu riwéréngngi matu pakkitang kalloloé sibawa ana'daraé.

LUKAS 24:27

Nainappa napakatajang Yésus lao ri mennang aga tarokié ri laleng sininna Kitta'é passalenna Aléna, mappammulai ri Kitta'-kitta'na Musa enrengngé Kitta'na sining Nabié.

RIWAYA'NA RASUL-RASUL-E 2:30

Pura majjanciwi Allataala lao ri Daud, sibawa mattanro, makkedaé sala séddinna polé ri wijanna Daud nakkai matu Allataala mancaji arung. Nasaba naissengngi Daud iyaro jancié, nasaba séddi towi nabi,

LUKAS 1:55

Dé' Nallupaiwi jancinna Puwangngé, namaséiwi Abraham sibawa wijanna lettu mannennungeng.”

RIWAYA'NA RASUL-RASUL-E 13:32

Jaji, makkekkuwangngé ripalettu'ni iyaro Karéba Madécéngé lao ri Saudara-saudara: Aga pura najjanciyang Allataala lao ri néné-nénéta,

KAJAJIYANG 3:15

Iko sibawa makkunraiéro tuli sibenciko matu, wija-wijanna sibawa wija-wijammu tuli simusui matu. Wija-wijanna naancuru'i matu ulummu, na iko muwokkoi matu amputuna mennang.”

IBRANI 2:2

Sining paseng iya napalettu'é sining malaéka'é lao ri néné-nénéta manessani tongeng, na tau iya dé'é naturusiwi iyaré'ga napatoiwi tarimai pahukkungeng iya sicoco'é.

LUKAS 1:72

Untu' mappaitangngi asémpowatin-Na lao ri toriyolota, jancin-Na iya mapaccingngéro Narupaiwi matu.

RIWAYA'NA RASUL-RASUL-E 28:23

Napattentuni mennang sibawa Paulus séddi esso untu' siruntu'. Iyaro essoé maéga tau lao ri onronna Paulus. Mappammulai élé lettu arawéng Paulus pakatajangngi sibawa birittaiyangngi mennang biritta pékkugi passalenna Allataala mapparénta selaku Arung. Makkuragani Paulus untu' patepperiwi mennang ri Yésus, sibawa pakéi aya'-aya' polé ri Kitta'na Musa sibawa Kitta'na Nabi-nabié.

YOHANES 9:29

Riissengngi makkedaé Allataala pura mabbicara lao ri Musa. Iyakiya passalenna tauwéro, dé' riissengngi polé kégi assalen-Na.”

YOHANES 7:22

Nawérékko Musa peraturang untu' massunna – namuni iyaro sunna'é dé' napolé ri Musa assalenna, iyakiya poléi ri ambo'na toriyolota ri yolona Musa. Rimakkuwannanaro muwi ri esso Saba'é maélo tokko sunna'i tauwé.

LUKAS 24:44

Purairo makkedani lao ri mennang, “Iyanaé gau'-gau' iya puraé Upowadakko wettuk-Ku sibawa mupo: makkedaé tungke' gau' iya tarokié passalenna Iyya ri laleng Kitta'na Musa, sining Nabié, sibawa Mazmur-é, harusu'i kajajiyang.”

KAJAJIYANG 6:3

Nanakkedana Puwangnge, “Dé' Upalaloi tolinoé tuwo mannennungeng; mennang ritu mahlu' dé'é namannennungeng, harusu'i maté. Mappammulai makkekkuwangngé umuru'na mennang dé' matu nalebbi 120 taung.”

YOHANES 16:13

Iyakiya rékko poléni iyaro Roh-é, iyanaritu iya pannessaéngngi atongengengngé passalenna Allataala, Napimpikko matu untu' missengngi sininna atongengengngé. Dé'na nabbicara matu polé ri Aléna iyakiya napowadai aga pura naéngkalinga, sibawa napaissengiko matu aga maéloé kajajiyang ri esso ri munri.

RIWAYA'NA RASUL-RASUL-E 3:21

Harusu'i monro ri surugaé narapi Allataala pancaji manengngi baru pada-pada iya napowadaé Allataala naolai nabi-nabin-Na ri wettu riyolo.

IBRANI 2:3

Apalagi nasibawang asalamakeng iya lebbi héba'é naiya sining pasengngéro! Rékko dé' tajampangiwi asalamakengngéro, tentuni dé' taleppe matu polé ri pahukkungengngé. Saba' Puwangngé muto ritu iya bunge'-bunge'é mappallebbangengngi asalamakengngéro, nasining tau iya bunge'-bunge'é méngkalingai purani napabutti atongengenna lao ri idi.

IBRANI 3:5

Matinului Musa selaku pattumani ri laleng Bolana Allataala enrengngé palettu'i gau'-gau' iya maéloé nappaddissengeng Allataala ri wettu mangoloé.

IBRANI 4:8

Rékko ébara'na purani natiwi Yosua iyaro sining tauwé muttama ri onrong appésaungeng iya najjanciyangngé Allataala, tentu Allataala dé'na nabbicarana passalenna séddi esso laingngé.

IBRANI 5:5

Makkuwatoro Kristus. Dé' nakkai Aléna mancaji Imang Lompo. Allataala muto makkai. Makkedai Allataala ri Aléna, “Ikona Ana'-Ku: iyaé essoé umancaji Ambo'mu.”

IBRANI 9:19

Bunge'-bunge'na napalettu'i Musa sininna paréntana hukkunna Allataala lao ri bangsa Israélié. Purairo malani Musa dara ana' saping sibawa dara bémbé lai, nainappa nacampuru'i sibawa uwai, nainappa naeppikeng Kitta' Hukkung-hukkunna Allataala sibawa ri sininna bangsa Israélié sibawa paké wella hisop sibawa bulu-bulu bimbala' macella cowaé.

IBRANI 11:2

Nasaba teppe', nasining tau wettu labe'é ripésennangiwi ri Allataala.

IBRANI 11:18

Purai makkeda Allataala lao ri Abraham, “Naolai Ishak ritu lolongekko matu wija-wijanna iya Ujanciyangngékko.”

IBRANI 12:25

Rimakkuwannanaro, atutuko aja' narapii dé' mumaélo méngkalingai iya mabbicaraéro. Mennang iya dé'é namaélo méngkalingai Aléna iya laowé ri linoé palettu'i biritta polé ri Allataala, dé' nawedding lari. Apalagi idi'é iya méngkalingaéngngi Aléna iya mabbicaraé polé ri surugaé! Rékko dé' tamaélo méngkalingai, pékkugi makkulléki wedding leppe'.